ရဟန်းသံဃာတော်များသည် ၀ဲဘက်ပုခုံးကို သင်္ကန်းတော် ဖြင့် ဘာ့ကြောင့် ဖုံးလွှမ်းရသနည်း – မဟာဗောဓိမြိုင်ဆရာတော်ကြီး

တို့ ဘုရားသာသနာမှာ လက်ဝဲတော်ရံ လက်ယာတော်ရံဆိုတာ မရှိဘူးလား

“ရှိပါတယ်ဘုရား”

လက်ဝဲတော်ရံဆိုတာ

“တန်ခိုးအရာမှာ ဧတဒဂ်ရတဲ့ အရှင်မဟာမောဂ္ဂလာန်ပါဘုရား”

လက်ယာတော်ရံဆိုတာ

“ပညာအရာမှာ ဧတဒဂ်ရတဲ့ အရှင်သာရိပုတ္တရာပါဘုရား”

ဟုတ်ပြီဗျာ..တန်ခိုးက လက်ဝဲ၊ ပညာကလက်ယာ… တန်ခိုးဆိုတာ အာသဝေါတရားတို့ ရဲ့  ကုန်ရာခန်းရာ အရဟတ္တဓဇ၊ အရဟတ္တရဲ့ အလံတံခွန်သာဖြစ်တယ်။ ပညာဆိုတာကတော့ ၀ိပဿနာပညာ၊ မဂ်ပညာ၊ဖိုလ်ပညာကနေ နိဗ္ဗာန်ကို ရဖို့ ရောက်ဖို့ မဟုတ်လား။ ပုထုဇဉ်တို့ ရဲ့ စိတ်သဘာဝဆိုတာ အဆန်းကြိုက်၊ တစ်ခုရိုး တစ်မျိုးပြောင်းပြီး တစ်သံသရာလုံးဆန်းတယ်ထင်တာတွေနောက်လိုက်ခဲ့ကြ တယ်။ ရိုင်းရိုင်းပြောရရင် လမ်းဘေးက မျောက်ပွဲ၊မျက်လှည့်ပွဲကအစ ဆန်းတယ်ထင်တာ မှန်သမျှမှာ လူတွေမေ့မျော သာယာနေတတ်ကြတယ်။

ဒီတော့ တန်ခိုးရဲ့  ဆန်းဆန်းပြားပြား ဖမ်းစားမှုအပေါ် မေ့လျော့တွေဝေ သာယာနေကြရင် မဂ်ပညာ ဖိုလ်ပညာကွယ်မှာပဲ၊ မဂ်ပညာ ဖိုလ်ပညာကွယ်ရင် သာသနာကွယ်မှာပဲ။ သာသနာကွယ်ပြီ ဆိုတာနဲ့  သတ္တ၀ါတွေရဲ့ သံသရာဝဋ်ဆင်းရဲ ဒုက္ခအပေါင်းက လွတ်မြောက်ရာ တရားတွေလည်း ကွယ်တာပဲ။

ယောဂီတို့  တရားထိုင်ရာမှာလည်း တင်ပျဉ်ခွေကြား လက်နှစ်ဖက် ယှက်တင်တဲ့အခါ လက်ဝဲလက်ကို အောက်က လက်ယာလက်ကို အပေါ်က ထားရတာလည်း ဒီသဘောပဲ။ လက်ဝဲဆိုတဲ့ တန်ခိုးသဘောကို လက်ယာဆိုတဲ့ ပညာက ဖုံးထားအုပ်ထား ဆင့်ထားရတယ်။တစ်နည်းအားဖြင့်တော့ လက်ဝဲက သမထ၊ လက်ယာက ၀ိပဿနာ။ သမထ တန်ခိုးကိုသာ ပြလိုက်လို့ ကတော့ အညှီ ယင်အုံသလို နေတော့မှာပေါ့။

ရုပ် နာမ် ဖြစ်ပျက်တွေ အနိစ္စ ဒုက္ခ အနတ္တတွေ ဘာမှဟောလို့  ပြောလို့ နားဝင်တော့မှာ မဟုတ်ဘူး။ တန်ခိုးပြမိရင် တန်ခိုးပဲ ကိုးကွယ်မှာ။ ၀ိပဿနာပညာ၊ဖိုလ်ပညာ၊မဂ်ပညာတွေဆိုတာ ကျင့်ကြံအားထုတ်ရမှန်းတောင် သိမှာမဟုတ်တော့ဘူး။

တန်ခိုးလောက်ရင် မိန်းမောနေရင် သံသရာဝဋ်ဆင်းရဲက မလွတ်မြောက်နိုင်ဘူး။ ဒါ့ကြောင့်တန်ခိုးဆိုတာ ဖုံးထားအပ်သောအရာ၊ပညာသာလျှင် အမြဲအစဉ် ဖွင့်ထားအပ်သောအရာ၊ ဖော်ထားအပ်သော အရာ၊ဒါကြောင့် တန်ခိုးကို ကိုယ်စားပြုတဲ့ လက်ဝဲဘက်ကို သင်္ကန်းနဲ့ ဖုံးထားရတယ်။ပညာကိုကိုယ်စာြး ပုတဲ့ လက်ယာဘက်ကိုတော့ ဖွင့်ပြထားရတယ်၊ ဖော်ထားရတယ်။

(မဟာဗောဓိမြိုင်ဆရာတော်ကြီး )

Ref: https://www.facebook.com/photo.php?fbid=1464546610525035&set=a.1392205657759131.1073741828.100009091310387&type=3&theater

ရဲရဲ ပြောင်ပြောင် စွဲလောင်နေသည့် လောင်မီး (အာဒိတ္ထသုတ်)

အာဒိတ္တသုတ်ဆိုတာဟာ အင်မတန်ထင်ရှားတဲ့ သုတ်ပါ၊ ကြားနာဘူးတဲ့ ပုဂ္ဂိုလ်တွေလဲ တော်တော်များများ ရှိပါလိမ့်မယ်၊ မကြားနာဘူးသေးတဲ့ ပုဂ္ဂိုလ်တွေလည်း ရှိမှာပါ၊ “အာဒိတ္တ” ဆိုတာ “ရဲရဲ ပြောင်ပြောင် မီးစွဲလောင်နေတယ်” ဆိုတဲ့ အဓိပ္ပာယ်ရှိပါတယ်။ အဲဒီစွဲလောင်နေတဲ့မီးတွေဟာ တစ်ဆယ့်တစ်ပါးတဲ့။

++++++++++++++++++++++++

ပိဋကတ်မြန်မာပြန်လာ အာဒိတ္တသုတ် မူရင်း

ရဟန်းတို့ ရုပ်သည် ပြောင်ပြောင် တောက်လောင်၏ ၊ ဝေဒနာသည် ပြောင်ပြောင် တောက်လောင်၏ ၊ သညာသည် ပြောင်ပြောင် တောက်လောင်၏ ၊ သင်္ခါရတို့သည် ပြောင်ပြောင် တောက်လောင်ကုန်၏ ၊ ၀ိညာဏ်သည် ပြောင်ပြောင် တောက်လောင်၏ ။

ရဟန်းတို့ ဤသို့ မြင်သော အကြားအမြင်ရှိသော အရိယာတပည့်သည် ရုပ်၌လည်း ငြီးငွေ့၏ ၊ ဝေဒနာ၌လည်း ငြီးငွေ့၏ ၊ သညာ၌လည်း ငြီးငွေ့၏ ၊ သင်္ခါရတို့၌လည်း ငြီးငွေ့၏ ၊ ၀ိညာဏ်၌လည်း ငြီးငွေ့၏၊ ငြီးငွေ့သော် စွဲမက်မှု ကင်း၏ ၊ စွဲမက်မှု ကင်းခြင်းကြောင့် (ကိလေသာမှ) လွတ်မြောက်၏ ၊ (ကိလေသာမှ) လွတ်မြောက်သော် (ကိလေသာမှ) “လွတ်မြောက်ပြီ” ဟု အသိဉာဏ် ဖြစ်ပေါ်၏ ၊ “ပဋိသန္ဓေနေမှု ကုန်ပြီ ၊ အကျင့်မြတ်ကို ကျင့်သုံးပြီးပြီ ၊ ပြုဖွယ် (မဂ်) ကိစ္စကို ပြုပြီးပြီ ၊ ဤ (မဂ်ကိစ္စ) အလို့ငှါ တစ်ပါးသော ပြုဖွယ် မရှိတော့ပြီ” ဟု သိ၏ဟု (မိန့်တော်မူ၏) ။

ဘိက္ခဝေ – ရဟန်းတို့၊ စက္ခုံ-မျက်စိကို၊ အာဒိတ္တံ၊ ရဲရဲပြောင်ပြောင် မီးစွဲလောင်၍နေ၏။ ရူပါ-မြင်ရတဲ့အဆင်းတို့ကို။ အာဒိတ္တာ၊ ရဲရဲပြောင်ပြောင် မီးစွဲလောင်၍နေကုန်၏။

စက္ခုဝိညာဏံ-မြင်သိမှုကို၊ အာဒိတ္တံ-ရဲရဲပြောင်ပြောင် မီးစွဲလောင်၍နေ၏။

စက္ခုသမ္ဖေဿာ-မြင်တွေ့မှုကို၊ အာဒိတ္တော-ရဲရဲပြောင်ပြောင် မီးစွဲလောင်၍နေ၏။

+++++++++++++++++++++++++++++++++++

မြင်တဲ့အခါကာလမှာဖြစ်တဲ့ စက္ခုဝိညာဏ်စိတ်၊ မြင်သိစိတ်ဆိုတာက ကုသိုလ်၏ အကျိုးလည်းရှိတယ်၊ အကုသိုလ်၏ အကျိုးလည်းရှိတယ်၊ ကုသလ၀ိပါက်တဲ့၊ အကုသလ၀ိပါက်တဲ့၊ စက္ခုဝိညာဏ်က ကုသလ၀ိပါက အကုသလ၀ိပါက ဥပေက္ခာနှင့်တကွ ဖြစ်တယ်လို့ဆိုပါတယ်။

ကုသိုလ်၏အကျိုးဆိုတော့ ကောင်းတဲ့သဘောရှိတယ်၊ အကုသိုလ်၏အကျိုးဆိုတော့ မကောင်းတဲ့ သဘောရှိတယ်၊ သို့သော်လည်း ကိုယ်အတွေ့အထိလောက် မကြမ်းလို့ သူ့ကိုတော့ ဥပေက္ခာလို့ အဘိဓမ္မာက ဟောထားတာပါ။

မျက်စိရယ်၊ အဆင်းရယ်၊ မြင်တွေ့မှုရယ်၊ မြင်သိမှုရယ်၊ မြင်လို့ကောင်းတာ၊ မကောင်းတာရယ်၊ အားလုံးငါးမျိုးရှိတယ်။

သုတ္တန်ဒေသနာတော်မှာ မြတ်စွာဘုရားက ၀ိပဿနာရှုဖို့ဟောရင် ဒီလိုဘဲတဒွါရ တဒွါရမှာ ရှုဖို့ရာ ငါးခု ငါးခု ဟောတယ်။ အဲဒီထဲက ထင်ရှားရာကို အာရုံပြုတဲ့၊ ကိလေသာဖြစ်တဲ့ အဲဒီလို အကုသိုလ်မဖြစ်အောင် အမှန်အတိုင်းသိအောင် ရှုရမယ်တဲ့။

အဲဒီငါးမျိုး ထင်ရှားတဲ့တရား၊ သူ့အခိုက်အတန့်နဲ့သူ ဖြစ်ပျက်သွားတဲ့တရားတွေ၊ ပကတိ ပုဂ္ဂိုလ်တွေကတော့ ဖြစ်တယ်၊ ပျက်တယ်လည်းမထင်ပါဘူး၊ မျက်စိနဲ့တကွ တစ်ကိုယ်လုံးကလည်း တစ်ဘ၀လုံးအမြဲ တည်နေတယ်လို့ ထင်နေတယ်။

ရုပ်တရား၊ နာမ်တရားတွေဟာ အနိစ္စ၊ ဒုက္ခ၊ အနတ္တ တရားတွေလို့ ပြောနေပေမယ့်လို့ အဲဒီပြောနေတဲ့စိတ်ကိုဘဲ ငါလို့ထင်နေတာ၊ အစွဲအလမ်းတွေကရှိတယ်၊ မျက်စိလည်းပဲ အမြဲတမ်းတည်နေတယ်လို့ ထင်တယ်၊ မြင်ရတဲ့ အဆင်းကလည်း သူ့သဏ္ဍာန် ကိုယ့်သဏ္ဍာန်က အခုလည်းရှိ၊ နောင်လည်းရှိ အမြဲရှိတယ်လို့ ဒီလိုပဲထင်နေတာ။

+++++++++++++++++++++
မီးသုံးပါး
ရာဂမီး ဒေါသမီး မောဟမီး ကိလေသာမီးသုံးခု ။
+++++++++++++++++++++++
ရာဂဆိုတာ တပ်စွဲမှု၊ နှစ်သက်သာယာမှု၊ စွဲလမ်းမှုတဲ့၊ ကောင်းကောင်းလေး တွေ့မြင်နေတော့ နှစ်သက်သာယာမှု ဖြစ်တယ်။

ရာဂမီးလောင်တာကို အများပုဂ္ဂိုလ်တွေအနေကတော့ ဒီမီးကမဆိုးဘူးလို့ အောက်မေ့မှာပဲ၊ ဒီရာဂမီးလေးလောင်နေတာကို အရသာရှိတယ်လို့ထင်နေတာကိုး၊ ရာဂမီးမလောင်မှာကို စိုးရိမ်နေရတယ်။ ဒီရာဂမီးလောင်ဖို့ရာ မီးစာက အမြဲရှာ နေရတယ်။

တချို့က အာရုံတွေ စွဲလမ်းနေတာပဲ၊ ဒါပေမယ့် တစ်ဘက်က ကိုယ့်အလိုတိုင်းမဖြစ်ဘူးဆိုတဲ့ အခါကျရင် ဆင်းရဲတယ်မဟုတ်လား၊ ကိုယ်နှစ်သက်တဲ့အာရုံလေးတွေအတွက် မတော်မသင့်တာတွေပြုလို့ရှိရင် လောကတွင်လည်း အပြစ်ရောက်တတ်တယ်၊ အဲဒါ ရာဂမီးနှိပ်စက်တာတဲ့။

ဒေါသမီးတဲ့-မကောင်းတာတွေ မြင်ရတဲ့အခါ စိတ်မဆိုးဘူးလား၊ အဲဒါ ဒေါသမီးလောင်တာ။ ဒေါသဟာ မကောင်းဘူးဆိုတာတော့ သိကြတယ်၊ ဒါပေမယ့်လို့ ကိုယ်ဒေါသဖြစ်နေတဲ့ အခါမှာတော့ ဒီဒေါသဖြစ်နေတာကိုပဲ အရသာရှိနေတယ်လို့ ထင်နေတာ။

အဲဒီဒေါသကို အကြောင်းပြုလို့ သူတစ်ပါးအသက်သတ်ခြင်း၊ ခိုးခြင်း၊ လိမ်ခြင်းစသည်ဖြင့် မတော်တာတွေလုပ်ရင် အပါယ်လေးပါးရောက်ပြီး အကြီးအကျယ်ဒုက္ခရောက်ရတယ်၊ အဲဒါ ဒေါသမီးလောင်လို့ပါ။

မောဟမီးဆိုတာကတော့ အမှန်အတိုင်းမသိရင် မကောင်းမှုတွေပြုနေတာဟာ မောဟမီးလောင်နေတာပါပဲ၊ သူက အမြဲတမ်းလောင်နေတာပဲ။

ရာဂ၊ ဒေါသ၊ မောဟမီး ဒီမီးသုံးပါးက လောင်နေတယ်၊ ကိလေသာမီးသုံးခု။

နောက် ဒါတင်ပဲလားဆိုတော့ ဇာတိ၊ ဇရာ၊ မရဏ ဆိုတဲ့ မီးသုံးခု။

ဘ၀အသစ်ဖြစ်ခြင်းဆိုတဲ့ ဇာတိမီးကလည်း လောင်နေတယ်။

အိုခြင်းဆိုတဲ့ ဇရာမီးကလဲ လောင်နေတယ်။

သေခြင်းဆိုတဲ့ မရဏမီးကလည်း လောင်နေတယ်၊ ဒီမီးသုံးပါးလောင်နေတယ်၊ အဲဒါမြင်တာအကြောင်းပြုပြီး စွဲလမ်းတာ။

မြင်တာကနေ စွဲလမ်း၊ စွဲလမ်းရာကနေပြီး ကိုယ်အလိုရှိတဲ့အတိုင်း ပြုလုပ်တယ်၊
ကိုယ်အလိုရှိတာရအောင် ပြည့်စုံအောင်လို့ ကြောင့်ကြစိုက်ရ အားထုတ်ရတယ်၊ ကိုယ်အလိုရှိတဲ့အတိုင်း ပြည့်စုံအောင်လို့ အားထုတ်နေတာတွေဟာ စွဲလမ်းလို့ပေါ့။

နောင်သံသရာဆိုတာ အဲဒါဇာတိဒုက္ခမဟုတ်လား ဇာတိဘ၀အသစ်ဖြစ်ရင် အဲဒီတစ်ဘ၀လုံး ဒုက္ခရောက်တော့တာဘဲ၊ ဘယ်မှမပြေးနိုင်ဘူး၊ ဘ၀အသစ်ဖြစ်မှတော့ တိရစ္ဆာန်ဖြစ်ရင် တိရစ္ဆာန်ဆင်းရဲတွေ တိမ်းလို့ရှောင်လို့ မရဘူး၊ ပြိတ္တာဖြစ်ရင် ပြိတ္တာဆင်းရဲတွေ၊ ငရဲရောက်ရင် ငရဲဆင်းရဲတွေ ကုသိုလ်ကောင်းမှုတွေပြုလို့ လူ့ဘ၀ရောက်လာဦးတော့ လူဖြစ်ရင်ကော လူ့ဆင်းရဲတွေ မရှိဘူးလား၊ အဲဒါဘ၀သစ်ဖြစ်ရလို့ ဒုက္ခတွေရောက်တာ၊ နတ်ပြည်လည်းအထိုက်အလျောက် ဒုက္ခတွေရှိနေတာပဲ၊ အဲဒါဘ၀သစ်ဖြစ်တဲ့ ဆင်းရဲ၊ ဘ၀အသစ်ဖြစ်တာကလည်း မီးတစ်ခုပဲတဲ့၊ မီးလောင်နေတာပဲ။

ပြီးရင် မအိုရဘူးလား၊ အိုရတာလည်းဆင်းရဲပဲ၊ မအိုသေးတဲ့ပုဂ္ဂိုလ်တွေက သိပ်မသိသေးဘူး၊ ငါးဆယ်ကျော် ခြောက်ဆယ်ကျော် အဲဒီကျမှသိတာ။ အိုခြင်းမီးလောင်တာတဲ့၊ မြင်ရာကနေပြီးမီးလောင်တာတဲ့၊ နောက်ဆုံးကျတော့ မသေရပေဘူးလား။ သေရတာက ကြောက်စရာအကောင်းဆုံးပဲ။

မသေခင်အတွင်းမှာလည်း သောကေဟိတဲ့ စိုးရိမ်ပူဆွေးရတဲ့မီးကလည်း လောင်တယ်၊ ပရိဒေဝေဟိ ငိုကြွေးရတဲ့ မီးကလည်း လောင်တယ်။

ဒါကတော့ ပုဂ္ဂိုလ်တိုင်းနဲ့တော့ မဆိုင်ဘူး၊ ငိုတတ်တဲ့ သူတွေသာငိုရတယ်၊ အမျိုးသားတွေကတော့ ကြိတ်မှိတ်ခံနေလိုက်တယ်၊ မငိုပါဘူး၊ အမျိုးသမီးတိုင်းလိုလိုကတော့ ကိုယ်နဲ့ စပ်ရာစပ်ရာ ရင်းနှီးတဲ့ပုဂ္ဂိုလ်တွေ သေကျေပျက်စီးတဲ့အခါ ငိုကြတယ်ကိုး၊ အဲဒါတွေဟာ ပရိဒေ၀မီးလောင်တာတဲ့၊ ဒါဒီတစ်ဘ၀တွင်မဟုတ်ဘူး၊ သားသေလို့၊ လင်သေလို့၊ မယားသေလို့၊ မိဘသေလို့၊ ဆွေမျိုးသေလို့၊ စီးပွားဥစ္စာရတနာတွေပျက်စီးလို့၊ ဒါလဲ ဒီတစ်ဘ၀လည်း ဘယ်ဟုတ်မလဲ ဘ၀တိုင်းဘ၀တိုင်း တွေ့ကြုံရတာတွေများလှပြီ၊ အဲဒီသောက ပရိဒေ၀မီးတွေလည်း လောင်နေတယ်တဲ့။

ဒုက္ခေဟိ-ဒုက္ခမီးတွေ၊ ကိုယ်ဆင်းရဲတွေကလည်း လောင်နေတယ်တဲ့။ ကိုယ်ဆင်းရဲတွေကလည်း အမျိုးမျိုးပါပဲ။

အချို့ပုဂ္ဂိုလ်တွေ အိပ်ယာထဲလဲပြီးတော့ ရောဂါရောက်လာတော့ ဒုက္ခမရောက်ပေဘူးလား၊ ကိုယ်ဆင်းရဲတွေတဲ့။

ကိုယ်ဆင်းရဲမီးတွေကလောင်သလို စိတ်ဆင်းရဲမီးတွေကလည်း နှလုံးထဲမှာ ပူလောင်ပြီးမခံသာအောင် ဖြစ်တတ်တယ်၊ အိပ်မပျော်၊ စားမ၀င် အတိဒုက္ခတွေရောက်တယ်။

ဥပါယာသ ဖြစ်မှဖြစ်ရလေခြင်းဆိုပြီး တောက်တခေါက်ခေါက်နဲ့ ပူပန်ရတဲ့ ဆင်းရဲတွေကလည်း ဖြစ်တယ်၊ အဲဒီမီးတွေလောင်နေတယ်။

အဲဒါမြင်ရာကနေပြီးတော့ ဒီမီးတွေလောင်နေတာ၊ အခုသတ္တ၀ါတွေမှာ မြင်ရာကလောင်တာလည်း ရှိတာပဲ၊ တချို့လည်း ကြားရာက နံရာကစသည်ကလောင်နေကြတယ်၊ အခုဟာက မြင်ရာကနေဖြစ်နေတာ ကိုပြောနေတာပါ။

မီးတစ်ဆယ့်တစ်ပါး

ရာဂမီး ဒေါသမီး မောဟမီး ဇာတိမီး ဇရာမီး မရဏမီး သောကမီး ပရိဒေ၀မီးတွေ လောင်နေတယ်။

ကိုယ်တွင်းမီးတွေ

ဒုက္ခမီးတွေကလောင်တယ်။ ကိုယ်ဆင်းရဲမီးတွေ။
ဒေါမနဿမီးတွေကလောင်တယ်။ စိတ်ဆင်းရဲမီးတွေ။
ဥပါယာသမီးတွေကလောင်တယ်။ ပြင်းစွာပူပန်ရတဲ့မီးတွေ
မီးတစ်ဆယ့်တစ်ပါးဆိုတာဒါတွေပဲ။ မြင်ရာကနေပြီးတော့ မီးတစ်ဆယ့်တစ်ပါးလောင်နေပုံပေါ့။

ဒွါရခြောက်ပါးက မီးလောင်စာ ငါးခုစီဆိုတော့ မီးလောင်စာသုံးဆယ်ရှိတယ်၊ လူတစ်ယောက်မှာသုံးဆယ်၊ လူတစ်ယောက်မှာ သုံးဆယ်နဲ့ လူတိုင်းမှာ မီးလောင်စာတွေ ရှိတယ်မဟုတ်လား။ လူတိုင်း လူတိုင်း မီးတွေတဟုန်းဟုန်း လောင်နေကြတာတွေ၊ မျက်စိကလောင်လိုက်၊ နားကလောင်လိုက် နှာခေါင်းကလောင်လိုက် လောင်လိုက်တာလေ။

အဲဒီမီးတွေ မလောင်အောင် ဘယ့်နှယ့်လုပ်ရမလဲဆိုရင် –

မြင်တိုင်းမြင်တိုင်း သတိပဋ္ဌာန်နည်းနဲ့ အမှတ်ရပြီးတော့ သိနေရမယ်၊ မရှုမမှတ်လို့ မသိတာ၊ သဘောတရားတွေက သူ့ဟာသူ ဖြစ်နေတာ ရှိနေတာပါပဲ၊ မမြဲတဲ့တရားတွေပဲ၊ ဖြစ်ပြီးပျက်နေတာတွေ၊ မရှုလို့မသိတာ၊ ရှုရင်တော့ သိတယ်။

မိမိတို့ မျက်စိတို့ နားတို့ကနေပြီးတော့ ခုနက လောင်စာတွေဖြစ်တိုင်း ဖြစ်တိုင်းလိုက်ပြီးတော့ ကြည့်ရမယ်၊ လောင်စာတွေ ရှုလို့ရှိရင် လောင်စာတွေ မီးမလောင်ဘူး၊ မီးငြိမ်းမယ်။ မီးလောင်တာနဲ့ ငြိမ်းတာ ဘယ်ဟာကောင်းမလဲ၊ ငြိမ်းတာကောင်းပါတယ်၊ မီးငြိမ်းဖို့က ဒါအရေးကြီးပါတယ်။

ဒါပေမယ့် လောကထဲ ပုထုဇဉ်တွေကတော့ မီးလောင်တာလေးကို အရသာခံနေတာကိုး၊ မီးလောင်စာလေး မီးမလောင်မှာတောင် စိုးရိမ်နေရတယ်၊ ရာဂမီးကလောင်ချင်တာကိုး။

မြင်ရာကလည်း လောင်ချင်တယ်။ ကြားရာကလည်း လောင်ချင်တယ်။ နံရာကလည်း လောင်ချင်တယ်။ စားရာကလည်း လောင်ချင်တယ်။ တွေ့ထိရာကလည်း လောင်ချင်တယ်။ အဲဒါလေးတွေကို အရသာလေးတွေ ပေါ်နေတယ်လို့ ထင်ကြတယ်၊ ကိလေသာမကင်းသေးလို့ ခင်မင်တွယ်တာတဲ့ တဏှာလေးရှိနေလို့။

အမှန်စစ်စစ် မီးဆိုတာ မကောင်းတဲ့ သဘောတရားတွေပဲ၊ ငြီးငွေ့စရာတွေပဲ၊ အဲဒီမြင်သိတာတွေ မြင်တိုင်း ကြားတိုင်းကို ရှုမှတ်နေရင် ၊ သတိပဋ္ဌာန်နည်းအတိုင်း ရှုမှတ်နေရင် သူ့အခိုက်အတန့်နှင့်သူ သူ့သဘောအတိုင်း ဖြစ်ပျက်နေတာတွေ၊ မှတ်တိုင်းမှတ်တိုင်း ဖြစ်ပြီးပျက် ဖြစ်ပြီးပျက်နှင့် ပေါ်လာတဲ့ အာရုံရော မှတ်သိတဲ့အာရုံရော ဖြစ်ပြီးပျောက်သွားတယ်။

တချို့ကတော့ စဉ်ုးစားဆင်ခြင်ပြီး ရုပ်တရားတွေဟာ ဖြစ်ပျက်နေတာပဲ၊ ဆင်ခြင်တဲ့စိတ်ထဲတော့ အနိစ္စပဲ၊ ဒုက္ခပဲ ဆင်ခြင်နေတယ်၊ အဲဒီတော့ သူ့နည်းနဲ့သူတော့ အနိစ္စ ဒုက္ခ တော့ ထင်နေတာပါပဲ၊ ဒါပေမယ့် အဲဒီဆင်ခြင်နေတဲ့ စိတ်ကလေးရဲ့ အဖြစ်အပျက်ကိုတော့ သူမသိဘူး၊ ငါကသိနေတယ်၊ သိနေတာငါပဲ၊ “ငါ” ကိုပဲ စွဲလမ်းစရာ ဖြစ်နေတယ်၊ အဲဒီငါတွေကမြဲနေတယ်၊ နိစ္စဖြစ်နေတယ်၊ အဲဒါလေးကို ကောင်းတယ်ထင်နေတယ်၊ အဲဒါသုခဖြစ်နေတယ်၊ အဲဒါ အသက်ရှင်နေတဲ့ ငါ့ကောင်ပဲ၊ အဲဒါအတ္တစွဲဖြစ်နေတာ၊ အဲဒါနေရာမကျဘူး။

သတိပဋ္ဌာန်နည်းအတိုင်း ဖြစ်တိုင်း ဖြစ်တိုင်း လိုက်ကြည့်နေတော့ ဖြစ်တိုင်းဖြစ်တိုင်း သမာဓိဉာဏ်တွေရင့်ပြီးတော့ အဲဒီအာရုံတွေလည်း ရှုသိနေတဲ့စိတ်လည်း သိပြီးပျောက် သိပြီးပျောက်၊ အထူးမစဉ်းစားရဘူး၊ ဖြစ်တိုင်း ဖြစ်တိုင်း ပေါ်ပျောက် ပေါ်ပျောက်တွေပါပဲ၊ ဖြစ်ပျက်ဆိုတာကို တကယ်သိသွားတာ။

သိစရာအာရုံကလည်း ပျောက်သွားတာ၊ သိတဲ့စိတ်ကလဲ ပျောက်သွားတာ အတွဲလိုက် အတွဲလိုက်၊ မြင်တယ်ဆိုရင် မြင်တာရော သိတာရောပျောက်။

ကြားတယ်ဆိုရင်ကြားတာရော သိတာရောပျောက်၊ တွေးတယ်ဆိုရင် တွေးတာရော သိတာရောပျောက်။

ခြေလှမ်းတဲ့အခါ ကြွတယ်ဆိုရင် ကြွတာသိတာပျောက်၊ လှမ်းတယ်ဆိုရင် လှမ်းတာရော သိတာရောပျောက်၊ အဲဒီလိုဖြစ်တိုင်း ပျက်တိုင်း ဖြစ်ပြီးပျောက်၊ အဲဒီလိုပဲ ကိုယ်ထဲကနာတယ် ကျင်တယ် ကိုက်ခဲတယ်။

နာရင်နာတယ်ဆိုတဲ့ နာတာလေးလဲပျောက်၊ သိတာလေးလဲပျောက်၊ အကုန်လုံးသိနေတယ်။

မြင်တာရယ်၊ ကြားတာရယ်၊ ‘သိ’ ဆိုတာက အကုန်လုံးသိနေတာတွေ၊ နံပြီးသိတာ၊ အရသာစားပြီးသိတာ၊ ကြံပြီးသိတာ၊ ဒီလေးမျိုးကို တွေးပြီးသိတာ၊ မြင်ကြားတာကနှစ်ခု၊ သိတာကလေးခု၊ ခြောက်ဒွါရကပါပဲ။

ဆိုင်းမနေနှင့် ရပ်မနေနှင့် တရားအားထုတ်တယ်ဆိုပြီး ခဏတဖြုတ်အားထုတ်ပြီး နားနေရင် စကားတွေပြောနေရင် သမာဓိလဲကောင်းကောင်းမဖြစ်၊ ဉာဏ်လဲကောင်းကောင်းဘယ်ဖြစ်ပါ့မလဲ၊

(***) “ မြင်တိုင်း ကြားတိုင်းပင်မဆိုင်းပဲနှင့်ကို မရပ်ပဲနှင့်ကို အမြဲမပြတ်ရှုမှတ်နေမှ၊ အဲဒီလို ရှုမှတ်ကျင့်နေလို့ရှိရင် အာရုံကိုသိတဲ့ ရုပ်နှင့်နာမ်နှစ်ခုလုံးပဲ အာရုံကို မသိတတ်တဲ့ ရုပ်ကိုယ်ကြီးနှင့် အာရုံကိုသိတဲ့ စိတ်နာမ် ဒါလေးနှစ်ခုရှိတာပဲဆိုတာကို ကိုယ်တိုင်ပဲသိပါတယ်” (***)

အဲဒါလဲ ဆရာသမားတွေပြောလို့ ယုံရတာ သူများပြောလို့ သိရတာမဟုတ်ပါဘူး၊ သူ့အခိုက်အတန့်နဲ့သူဖြစ်ပြီး မမြဲဘူး၊ ဆင်းရဲတယ်၊ သူ့အခိုက်အတန့် သူဖြစ်ပြီး ပျက်သွားလို့ ဆင်းရဲပဲ အခံခက်လို့ဆင်းရဲ အစုအဝေးကြီးလို့ ထင်လာပါတယ်။

ရုပ်နာမ်နှစ်ပါးအဖြစ်နှင့်လည်း ခွဲခြားပြီးသိတယ်၊ မမြဲဘူးလို့လည်းသိတယ်၊ ဆင်းရဲတွေချည်းပဲလို့လည်း ခွဲခြားပြီးသိတယ်၊ ဒီလိုလည်း သဘောကျပြီးသိတယ်။

ငါကောင်လည်း ပျောက်တယ်၊ အစတုန်းက ငါကောင် အသက်ရှင်နေတဲ့အကောင်လေးအနေနဲ့ စွဲလမ်းနေတယ်၊ အဲဒီ ငါကောင်လည်း ပျောက်ပါတယ်။

ဆယ်တစ်ပါးသောလောင်မီးတို့ကင်းငြိမ်းကြပါစေ။

မှတ်ချက်။ ။ မဟာစည်ဆရာတော်ဘုရားကြီး၏ အာဒိတ္တသုတ်တရားတော်မှ မှီငြမ်း မှတ်စုထုတ်ပါသည်။

မေတ္တာဖြင့်

Ref: https://www.facebook.com/permalink.php?story_fbid=1533940633596828&id=1514787362178822

ဆရာကြီးဂိုအင်ဂါ၏ ၂၀၀၀ ခုနှစ်က UN တွင်ပြောကြားခဲ့သော ဓမ္မမိန့်ခွန်းမှကောက်နူတ်ချက်များ

ဟိုရှေးရှေးကအိန္ဒိယနိုင်ငံက ငြိမ်းချမ်းရေးနဲ့ညီညွတ်ရေးသတင်းစကားကိုပေးခဲ့ပါတယ်။ ဒီလိုငြိမ်းချမ်းရေး ညီညွတ်ရေးကိုအောင်မြင်စေမဲ့နည်းကိုလဲပေးခဲ့ပါတယ်။ ကျွန်တော်အတွက်ကတော့ ကိုယ့်ပတ်ဝန်းကျင်ကိုငြိမ်းချမ်းစေချင်ရင် ကိုယ်ကိ်ုယ်တိုင်အရင်ငြိမ်းချမ်းအောင်အရင်လုပ်ရပါတယ်။ ကျွန်တော်တို့ကိုယ်တိုင် စိတ်ဆိုး၊စိတ်ညစ်၊မုန်းတီးနေမယ်ဆိုရင် ငြိမ်းချမ်းရေးတွေဘယ်လိုလုပ်နိုင်မလဲ? လုပ်လို့မရဘူး ဘာလ်ို့လဲဆိုတော့ ကိုယ်တိုင်မငြိမ်းချမ်းသေးလို့။ ဒါကြောင့် တရားကိုကိုယ်မှာရှာပါလို့ ဆရာတွေကပြောကြပါတယ်။

ဒါကြောင့် ငြိမ်းချမ်းရေးတရားကိုကိုယ့်ထဲရောက်မရောက်သိရပါမယ်။ သူတော်ကောင်းတွေက ကိုယ့်ကိုယ်ကိုသိဖို့ပြောကြပါတယ်။ ဒီလိုသိဖို့ကလဲ စာသိတင်မကပဲ လက်တွေ့ကျင့်သုံးပြီးသိဖို့ပါပဲ။ ဒီလိုနားလည်မှလဲ သူများရဲ့ပြဿနာတွေကိုဖြေရှင်းပေးနိုင်မှာပါ။ ဒီလောကနိယာမ သဘာဝတရား ဒါမှမဟုတ် ဘုရားသခင်ရဲ့ အမိန့်တော်လို့ပဲပြောပြော။ ဒီသဘောတရားဟာအားလုံးနဲ့ဆိုင်ပါတယ်။ကျွန်တော်တို့ ဒေါသဖြစ်တဲ့အခါ မကောင်းတဲ့စိတ်ပေါ်တဲ့အခါ ကိုယ်ကိုယ်တိုင် ဒီဒေါသရဲ့တရားခံအရင်ဖြစ်ရတာပါပဲ။ ကိုယ်က်ိုယ်တိုင် ဒီအမုန်းတရား အာဃာတတရားရဲ့ တရားခံအရင်စဖြစ်ရတာပါပဲ။ မထမဆုံး ကိုယ့်ကိုယ်ကို အရင်ဆုံး ဒုက္ခရောက်အောင်လုပ်တယ် ပြီးရင် သူတပါးတွေကို သွားဒုက္ခပေးတယ်။

ဒါက သဘာဝတရားပဲ။ ကိုယ်ကိုယ်တိုင် လေ့လာမယ်ဆိုရင် မကောင်းတဲ့စိတ်တွေပေါ်လာတာနဲ့ ခန္ဓာကိုယ်ကလဲ ပူလာတယ် နေလို့မကောင်းဘူး။ မပျော်နိုင်တော့ဘူး။ အဲဒီလို မပျော်ရွှင်မူတွေကို မထိန်းချူပ်နိုင်တော့ရင် သူများတွေကို ရန်ရှာတော့တာပဲ။ ကိုယ့်ပတ်ဝန်းကျင်တခုလုံးကိုလဲ ဒီလိုအာဃာတတရားတွေနဲ့ဖုံးလွှမ်းပြစ်လိုက်တယ်။ ဒီလိုပဲကျွန်တော် ငြိမ်းချမ်းရေးနဲ့ပျော်ရွှင်ရေးတရားတွေပြောနေပေမဲ့ တကယ်အရေးကြီးတာက ခန္ဓာမှာဘာဖြစ်နေသလဲဆိုတာပါ။ အကုသိုလ်တရားတွေ စိတ်ထဲမှာ ကင်းဝေးသွားရင် ဒီနိယာမကစအလုပ်လုပ်တာပါပဲ။ ဒီလို မကောင်းတာတွေကင်းဝေးတဲ့စိတ်ဖြစ်တာနဲ့ သဘာဝတရား ဒါမှမဟုတ် ဘုရားသခင်က စပြီးဆုပေးတော့တာပဲ။ ကျွန်တော်ငြိမ်းချမ်းသွားတယ်။ ဒါကိုလဲ ကိုယ်တိုင်သတိထားပြီးသိနိုင်ပါတယ်။

ကိုယ့်ကိုယ်ကိုဘယ်ဘာသာဝင် (ဟင်ဒူ၊မွတ်စလင်၊ခရစ်ယာန်၊ဂျိမ်း) ပဲခေါ်ခေါ် လူဟာလူ စိတ်ဟာစိတ်ပါပဲ။ တကယ်ပြောင်းလဲဖို့လိုအပ်တာကတော့ စိတ်ရဲ့မသန့်ရှင်း မစင်ကြယ်မူ့ကနေ သန့်ရှင်းစင်ကြယ်သွားစေတာပါ။ ဒီလိုပြောင်းလဲမူမှသာ သတ္တဝါတွေကိုတကယ်ပြောင်းလဲတာပါ။ ဒါဟာတန်ခိုးမဟုတ်ပါဘူး။ တကယ်ကိုသိပ္ပံနည်းကျ ရုပ်တရား နာမ်တရားတွေရဲ့ဆက်သွယ်မူ့ကိုလေ့လာခြင်းပါပဲ။ ဒီလိုပဲ နာမ်တရားကရုပ်တရားအပေါ် ဘယ်လိုလွှမ်းမိုးတယ်ဆိုတာ၊ ရုပ်တရားက နာမ်တရားကို ဘယ်လိုပြုပြင်တယ်ဆိုတာလေ့လာတာပါ။

စိတ်ရုည်ရုည်နဲ့လေ့လာပြီးနေမယ်ဆိုရင် သဘာဝတရားကထင်ရှားလာတယ်။ ဘယ်အချိန်မဆို အကုသိုလ်ဝင်လာရင် ဒုက္ခရောက်တာပဲ။ အကုသိုလ်ကလွတ်မြောက်သွားရင်လဲ ကောင်းကျိးခံစားရတာပါပဲ။ ဒီလိုကိုယ့်ကိုယ်ကို လေ့လာတဲ့နည်းကို မည်သူမဆိုကျင့်ကြံနိုင်ပါတယ်။ ဟိုရှေးရှေးကတည်းကမြတ်စွာဘုရားရဲ့ဓမ္မများဟာကမ္ဘာမှာပြန့်နေပါတယ်။ ဒီနေ့ဆိုရင် အခြားအဖွဲ့အစည်း အခြားယဉ်ကျေးမူ အခြားဘာသာဝင်တွေလဲ ဒီနည်းကိုလေ့လာနေကြပါပြီ။ သူတို့ကိုယ်ကို ဘယ်ဘာသာဝင်(ဟင်ဒူဘာသာဝင်၊ဗုဒ္ဓဘာသာဝင်၊မွတ်စလင်ဘာသာဝင်၊ခရစ်ယာန်ဘာသာဝင်) လို့ပဲဖြစ်ဖြစ်ဆက်ခေါ်နိုင်ပါတယ်။ ဒီလိုတံဆိပ်တပ်ထားလို့ဘာမှမထူးခြားသွားပါဘူး။ လူဟာလူပါပဲ။ ကွာခြားချက်ကတော့ သူတို့ရဲ့အကျင့်တရားတွေကနေ သနားကြင်နာတတ်လာတာပါပဲ။ သူတို့တွေဟာ ကိုယ့်အတွက်ရော သူတပါးအတွက်ပါကောင်းမူတွေကိုပြုလုပ်ပေးကြပါတယ်။ တစ်စုံတစ်ယောက်ကနေပြီး အငြိမ်းဓာတ်တွေရှိလာရင် သူနဲ့ပတ်သက်တဲ့ပတ်ဝန်းကျင်မှာ ငြိမ်းချမ်းရေးတွေရှိလာတာပါပဲ။ ဒီလိုကူးပြောင်းမူကမှတကယ့်အစစ်အမှန်ကူးပြောင်းမူပါ။ တခြားအဓိပ္ပါယ်မရှိပါဘူး။

အလွန်တန်ဖိုးရှိတဲ့ဒီသတင်းစကားကိုပြောခွင့်ပြုပါခင်ဗျား။ လွန်ခဲ့တဲ့နှစ်ပေါင်း ၂၃၀၀ ကျော်ကဘုရင်ကြီးအသောကဟာကျောက်စာမှာဒီလိုရေးသားခဲ့ပါတယ်။ သူကပြောတယ် တခြားဘာသာရေးယုံကြည်မူ့တွေကို မဖိနိုပ်ဖို့။ ဒီလိုမျိုး တခြားဘာသာဝင်တွေကိုဖိနိုပ်ရင် ကိုယ့်ရဲ့ဘာသာသာအကောင်းဆုံးဆိုတဲ့အစွန်းရောက်သွားလို့ လောကကြီးကိုဒုက္ခရောက်စေတော့တာပဲ။ ဘုရင်အသောကဆက်ပြောတယ်။ အဲဒီအစား တခြားဘာသာယုံကြည်မူ့တွေကိုလဲ လေးစားရမယ်။ ဘာသာတိုင်းမှာ မေတ္တာ ဂရုဏာ နဲ့စေတနာကောင်းရဲ့ အခြေခံတွေရှိတယ်။ ဒီအခြေခံတွေကြောင့်ပဲ တခြားဘာသာဝင်တွေကို လေးစားရပါမယ်။ အပြင်ဗန်းကကြည့်ရင်တော့ အသွင်မတူနိုင်ပါဘူး။ အမျိုးမျိုးသောပူဇော်ပသမူ့တွေကြောင့်ပါပဲ။ ဒီအတွက်နဲ့ဆက်ပြီးအငြင်းမပွားပါနဲ့။ အဲဒီအစား တကယ့်အခြေခံအနှစ်သာရကိုဦးစားပေးတာပေါ့။ ဒီလိုပဲကိုယ့်ရဲ့ဘာသာကို တိုးပွားစေသလို အခြားဘာသာဝင်တွေကိုလဲအကူအညီပေးရပါမယ်။

ဒီလိုမှမဟုတ်ရင် ကိုယ်ဘာသာကိုလဲ ကိုယ့်ကိုယ်တိုင်ပျောက်ကွယ်အောင်လုပ်နေသလိုပါပဲ။ ဒီသတင်းစာအလွန်အရေးကြီးပါတယ်။ တစ်စုံတစ်ယောက်ဟာ ကိုယ့်ဘာသာရဲ့အားသာချက်တွေကို အခွင့်ကောင်းယူပြီး အခြားဘာသာဝင်တွေကိုတိုက်ခိုက်တာဟာ ကိုယ့်ဘာသာကို ဖျက်ဆီးနေတာပါပဲ။ နောက်ဆုံး ဘုရင်အသောကကဓမ္မနိယာမကို ဆက်ပြောတယ်။ အားလုံးညီညီမျှမျှနဲ့ အချင်းမများသင့်ပါဘူး။ ဒီလို ဘယ်သူသာတယ်ဆိုပြီး ငြင်းခုံနေမဲ့အစား အခြား ဘာသာ အခြား ယုံကြည်မူ့တွေကိုနားလည်စေချင်ပါတယ်။ ဘာသာတိုင်းရဲ့အခြေခံအနှစ်သာရကိုပိုအရေးပေးစေလိုပါတယ်။ ဒါမှတကယ့် ငြိမ်းချမ်းရေးနဲ့ တကယ့်ညီမျှမူပါပဲ။

အမှားအယွင်းများပါရှိပါက မေတ္တာဖြင့် ပြင်ဆင်၍ဖတ်ရူပေးပါခင်ဗျား။

The ancient land of India gave a message of peace and harmony to the world, to all humanity, but it did more: it gave a method, a technique, for achieving peace and harmony. To me it seems that if we want peace in human society, we cannot ignore individuals. If there is no peace in the mind of the individual, I do not understand how there can be real peace in the world. If I have an agitated mind, always full of anger, hatred, ill will and animosity, how can I give peace to the world? I cannot because I have no peace myself. Enlightened persons have therefore said, “First find peace within yourself.” One has to examine whether there is really peace within oneself. All the sages, saints, and seers of the world have advised, “Know thyself.” That means not merely knowing at the intellectual level, or accepting at the emotional or devotional level, but realizing by experience at the actual level. When you experience the truth about yourself, within yourself, at the experiential level, the problems of life find their solution.

You start understanding the universal law, the law of nature—or, if you prefer, the law of God Almighty. This law is applicable to one and all: When I generate anger, hatred, ill will, or animosity, I am the first victim of my anger. I am the first victim of the hatred or animosity that I have generated within. First I harm myself, and only afterwards do I start harming others. This is the law of nature. If I observe within myself, I find that as soon as any negativity arises in the mind, there is a physical reaction: my body becomes hot and starts burning; there are palpitations and tension; I am miserable. When I generate negativity within me and become miserable, I do not keep the misery limited to myself; instead I throw it on to others. I make the entire atmosphere around me so tense that anyone who comes in contact with me also becomes miserable. Although I talk of peace and happiness, more important than words is what is happening within me. When my mind is free of negativity, again, the law starts working. The moment there is no negativity in the mind, nature—or God Almighty—starts rewarding me: I feel peaceful. This too I can observe within myself.

Whatever one’s religion or tradition or country, when one breaks the law of nature and generates negativity in the mind, one is bound to suffer. Nature itself provides the punishment. Those who break nature’s laws start feeling the misery of hellfire within, here and now. The seed they sow now is a seed of hellfire, and what awaits them after death is nothing but hellfire. Similarly, according to the law of nature, if I keep my mind pure, full of love and compassion, I enjoy the kingdom of heaven within here and now. The seed that I sow will have as its fruit the kingdom of heaven after death.

It makes no difference whether I call myself a Hindu, a Muslim, a Christian or a Jain: a human being is a human being; the human mind is the human mind.

The conversion that is needed is from impurity of mind to purity of mind. This conversion changes people in wonderful ways. It is no magic or miracle; this is a pure science of observing the interaction of mind and matter within. One examines how the mind keeps influencing the material body, and how the body influences the mind. Through patient observation, the law of nature becomes so clear: whenever one generates mental negativity, one starts suffering; and whenever one is free from negativity, one enjoys peace and harmony. This technique of self-observation can be practiced by one and all.

Taught in ancient times by the Enlightened One in India, the technique spread around the world. Today also, people from different communities, traditions and religions come and learn this technique, to obtain the same benefit. They may continue to call themselves Hindu, Buddhist, Muslim, or Christian. These labels make no difference; a human being is a human being. The difference is that through their practice they become truly spiritual people, full of love and compassion. What they are doing is good for themselves and for all others. When someone generates peace in the mind, the entire atmosphere around that person is permeated with the vibration of peace and anyone who encounters that person also starts enjoying peace. This mental change is the real conversion that is required. No other conversion has meaning.

Permit me to read you a benevolent message from India to the world. Inscribed in stone 2300 years ago, these are the words of Emperor Ashoka the Great, an ideal ruler, explaining how to govern. He tells us, “One should not honor only one’s own religion and condemn other faiths.” This is an important message for our time. By condemning others and insisting that one’s own tradition is the best, one creates difficulties for humanity. Ashoka continues, “Instead one should honor other religions for various reasons.” Every religion worthy of the name has a wholesome essence of love, compassion and goodwill. We should give honor to the religion because of this essence. The outer form always differs; there will be so many variations in rites, rituals, ceremonies or beliefs. Let us not quarrel about all that, but instead give importance to the inner essence. Ashoka says, “By so doing, one helps one’s own religion to grow and also renders service to the religions of others. In acting otherwise, one digs the grave of one’s own religion, and harms other religions as well.”

This is a serious warning for us all. The message says, “Someone who honors his own religion and condemns other religions may do so out of devotion to his religion thinking ‘I will glorify my religion,’ but his actions injure his own religion more gravely.”

Finally, Ashoka presents the message of the Universal Law, the message of Dhamma: “Let all listen: Concord is good, not quarreling. Let all be willing to listen to the doctrine professed by others.” Instead of disagreeing and condemning, let us give importance to the essence of the teaching of every religion. Then, there will be real peace, real harmony.

Ref: http://www.sumeru.dhamma.org/S-N-Goenkas-Speech-at-the-UN.1871.0.html

သြဝါဒပါတိမောက် ဆိုသည်မှာ – အရှင်ဇဝန (ကုန်းဇောင်း)

မြတ်စွာဘုရားရှင်က တပည့်သာဝက သံဃာ့အဖွဲ့အစည်းကြီး အဓွန့်ရှည်စွာ တည်တန့်ခိုင် မြဲစေရန် အတွက်လည်းကောင်း၊ သံဃာတော်အရှင်သူမြတ်တို့ ကိုယ်စိတ်နှစ်ဖြာ ချမ်းချမ်းသာသာ သီတင်းသုံးနေထိုင် နိုင်စေခြင်းငှါလည်းကောင်း ဝိနည်းစည်းကမ်းချက်များဖြင့် ဆုံးမသြဝါဒပေးတော်မူပါသည်။ ထိုအဆုံးအမ သြဝါဒ များကို ပါတိမောက် ဟုခေါ်ပါသည်။

ပါတိမောက်သည် (က)သြဝါဒပါတိမောက်၊ (ခ)အာဏာပါတိမောက်-ဟူ၍ နှစ်မျိုးရှိပါသည်။ မြတ်စွာ ဘုရားရှင်က ဝါတော်(၂ဝ)အတွင်း ဝိနည်းစည်းကမ်းချက်များ မပညတ်သေးခင် ကာလအတွင်းမှာ သြဝါဒပါတိ မောက်ဖြင့် သံဃာတော်များ ကို သွန်သင်ဆုံးမသြဝါဒပေးတော်မူပါသည်။

အရှင်သာရိပုတ္တရာ နှင့် ရှင်မောဂ္ဂလာန် မထေရ်မြတ်ကြီးများ ရဟန္တာဖြစ် တော်မူပြီးသော အချိန်မှာ မြတ်စွာဘုရားရှင်က ထိုသာဝကကြီးများအား လက်ယာရံ၊ လက်ဝဲရံအကြီးမြတ်ဆုံး သာဝက ကြီးများအဖြစ် တာဝန်ပေးတော်မူပါသည်။ ထိုသာဝကသန္နိပါတ (တပည့်ပေါင်းစုံညီ) အစည်း အဝေးကြီးမှာ သြဝါဒပါတိမောက် ကို ဘုရားရှင် ကိုယ်တော်တိုင်ပြတော်မူပါသည်။

ပါတိမောက်ဆိုသည်မှာ ပါတိမောက္ခဆို ပါဠိစကားမှဖြစ်ပေါ်လာသည်။ ပါတိမောက္ခဆိုသည် မှာ ဝိနည်း စည်းကမ်းချက်များကို လုံခြုံအောင် စောင့်ထိန်းသူများကို အပါယ်အစရှိသော ဘေးဒုက္ခတို့မှ လွတ်မြောက်စေ နိုင်သောကြောင့် ပါတိမောက္ခ ဟုခေါ်ပါသည်။

သြဝါဒပါတိမောက်ကို ဘုရားရှင်တို့ကိုယ်တော်တိုင် ပြတော်မူကြပါသည်။ ဘုရားရှင်ပညတ်တော်မူ သော သိက္ခာများကို ပြန်လည်ရွတ်ဆို၍ပြရသော အာဏာပါတိမောက်ကို တပည့်သာဝကများက ပြကြပါသည်။ သက်တမ်းအလွန်ရှည်လျားသောကာလ၌ ပွင့်တော်မူသောဘုရားရှင်တို့ခေတ်၌ကား လူသားတို့၌ လောဘ ဒေါသ မောဟနည်းသည့် အတွက်ကြောင့် သိက္ခာပုဒ်များ ပညတ်ရန်မလိုချေ။ ထို့ကြောင့် ထိုခေတ်အခါကာလ၌ အာဏာပါတိ မောက်ဟူ၍မရှိပါ။ သြဝါဒပါတိမောက်သာလျှင်ရှိပါသည်။ ထိုသြဝါဒပါတိမောက်ကိုလည်း ဘုရားရှင် ကိုယ်တော်တိုင် သုံးနှစ်တစ်ကြိမ် (သို့) ငါးနှစ်တစ်ကြိမ် သာဝကသန္နိပါတ (သာဝကပေါင်းစုံညီ) အစည်းအဝေးကြီးကျင်းပ၍  ပြတော်မူပါသည်။

သြဝါဒပါတိမောက် ပထမဂါထာ

ခန္တီ ပရမံ တပေါ တိတိက္ခာ၊

နိဗ္ဗာနံ ပရမံ ဝဒန္တိ ဗုဒ္ဓါ။

န ဟိ ပဗ္ဗဇ္ဇိတော ပရူပဃာတီ၊

န သမဏော ဟောတိ ပရံ ဝိဟေဌယန္တော။

အဓိပ္ပါယ် – (က)အလွန်စွမ်းအားပြည့် ထက်မြက်သော သည်းခံခြင်းသည် မြတ်သော အကျင့်တည်း။

(ခ)နိဗ္ဗာန်သည် အမြတ်ဆုံးချမ်းသာဟု ဘုရားရှင်တို့ ဟောတော်မူကုန်၏။

(၈)သူတစ်ပါးကို သတ်ဖြတ်သောသူသည် ရဟန်းမဟုတ်။

(ဃ)သူတစ်ပါးတို့ကို ညှင်းဆဲနှိပ်စက်သော သူသည် ကိလေသာအပူခပ်သိမ်း ငြိမ်းအေးပြီး သောရဟန်း မဟုတ်။

သည်းခံခြင်းသည် မြတ်သောအကျင့်

သည်းခံခြင်းဟုဆိုရာ၌ မိမိအပေါ် ဆန့် ကျင် တိုက်ခိုက်သူများကိုလည်း သည်းခံရသည်။ မိမိကိုယ်တွင်း အဇ္ဈတ္တမှာရှိနေသော ကိလေသာ ရန်သူများကိုလည်း မဖြစ်ပေါ်အောင် အောင့်အည်း သည်းခံရသည်။ ပြင်ပ ဆန့်ကျင်ဘက် ရန်သူများကို သည်းခံရာ၌ ကိုယ့်ထက် အသက်ဂုဏ်ဝါကြီးသူများကို ရိုသေသမှု ကရုဏာ မေတ္တာတရားတို့ဖြင့် သည်းခံစိတ်မွေးရသည်။ မိမိနှင့် အဆင့်အတန်းတူသူများကို မုဒိတာတရားဖြင့် သည်းခံရ သည်။ ကိုယ့်အောက် နိမ့်ကျသူများကို သနားကရုဏာဖြင့် သည်းခံရသည်။ ကိုယ့်ကို ဆန့်ကျင်ဘက်လုပ်ပြီး ရန်ရှာနေကြသူများကို “သူတို့က အခုဘဝမှာသာ ငါ့ကို ရန်ရှာနေကြတာ။ အရင် ဘဝသံသရာ အဆက်ဆက်က ငါ့ကို အသက်ပေးပြီး မွေးခဲ့တဲ့ မိခင်ဖခင်တွေလည်း ဖြစ်နိုင်တာပဲ။ ငါ့ကျေးဇူးရှင် တွေလည်းဖြစ်နိုင်တာပဲ” ဟု သူတစ်ပါး ကျေးဇူး တရားကို ကြံဖန်တွေးတောပြီး သည်းခံစိတ်မွေးရသည်။

မိမိကိုယ်တွင်းက ကိလေသာရန် သူများကို အနုသယ(တည်ကိန်း)ကိလေသာ အဆင့်မှ ထကြွ သောင်း ကျန်းလာသော ပရိယုဋ္ဌာနကိလေသာ အဆင့်သို့ မရောက်အောင် အောင့်အည်းသည်းခံရသည်။ ထကြွသောင်း ကျန်းလာသော ကိလေသာအဆင့်မှ ကိုယ်နှုတ်တို့ဖြင့် လွန်ကျူးသော ပရိယုဋ္ဌာန ကိလေသာအဆင့်သို့ မရောက်အောင် အောင့်အည်းသည်းခံရသည်။ အလိုမရှိအပ်သော မကောင်းသည့်အနိဋ္ဌာရုံများ ကြုံတွေ့လာ သည့်အခါ တရားရှုမှတ်မှုဖြင့် သည်းခံရသည်။ သို့မှသာ သည်းခံခြင်း အစစ်ဖြစ်ပေမည်။

သည်းခံခြင်းသည် သာသနာတော်၏ အနှစ်သာရများဖြစ်သော သီလ,သမာဓိ,ပညာ သိက္ခာသုံးပါး မြတ်တရားတို့၏ အဓိက ပဓာန အကြောင်းရင်းဖြစ်သည်။ သည်းခံမှုမရှိလျှင် သီလ သိက္ခာလည်း မပြည့်စုံနိုင်။ သမာဓိသိက္ခာ၊ပညာသိက္ခာ တို့လည်း မပြည့်စုံနိုင်။

သူတစ်ပါးကို သတ်ချင်သော ကိုယ့်ဒေါသ ကိလေသာကို သည်းမခံနိုင်လျှင်၎င်း၊ သူတစ်ပါး ပစ္စည်းများ ကို မတရားနည်းနဲ့ အချောင်လိုချင်သောစိတ်ကို ထိန်းသိမ်းသည်းခံ မထားနိုင်လျှင်၎င်း၊ ကာမဂုဏ်တို့၌ မှားယွင်း စွာ လွန်ကျူးလိုသောစိတ်ကို ထိန်းသိမ်းသည်းခံမထားနိုင်လျှင်၎င်း ကိုယ့်ကျင့်သီလပျက်စီးပါသည်။ လွန်ကျူး လိုသောစိတ်ကို ထိန်းသိမ်းသည်းခံခြင်းဖြင့်သာ သီလပြည့်စုံနိုင်ပါသည်။ ဖြစ်ပေါ်လာသော စိတ်ဆန္ဒကို သိက္ခာဖြင့် ထိန်းသိမ်းသည်ဟုလည်း ဆိုနိုင်ပါသည်။

လောကီအာရုံ ကာမဂုဏ်တို့၌ ပျော်မွေ့တတ်သောစိတ်ကလေးကို ထိန်းသိမ်းလေ့ကျင့်ပေးရသော အလုပ်သည် သမာဓိအလုပ်ဖြစ်သည်။ သမာဓိအလုပ်ဆိုသည်မှာ မျောက်လိုဆော့တတ်သော၊ ယောက်ယက် ခတ် ပြေးလွှားနေတတ်သော စိတ်ကလေးကို ထိန်းရသောကြောင့် ကြိမ်ဖန်များ စွာလေ့ကျင့်ရသည်။ သည်းခံ စိတ်မရှိသူများ စိတ်မရှည်တတ်သူများ သမာဓိသိက္ခာ မပြည့်စုံနိုင်ပါ။ အရာရာတိုင်း ချုပ်တည်းသည်းခံမှုဖြင့်သာ သမာဓိ သိက္ခာပြည့်စုံစေနိုင်ပါ၏။

တည်ကြည်ငြိမ်သက်သော သမာဓိနှင့် ပြည့်စုံမှသာ ရုပ်နာမ်တို့၏ ဖြစ်မှုပျက်မှု သဘာဝ အမှန်တရားကို ထင်ထင်ရှားရှား မြင်နိုင်ပါသည်။ ဥပမာအားဖြင့် ကန်ရေပြင် ကြည်လင်ငြိမ်သက်နေမှ ကန်ထဲက ငါးလိပ် ကျောက်ခဲစသည်များကို မြင်ရသကဲ့သို့ပင်။ ရုပ်နာမ်တရားတို့၏ ဖြစ်မှုပျက်မှုများကို ကြိမ်ဖန်များစွာ ရှုမှတ် ဆင်ခြင်ခြင်းဖြင့် ဝိပဿနာဉာဏ်စဉ်များ အဆင့်ဆင့်တက်လာပါမည်။ အဆင့်အမြင့်ဆုံး မဂ်ဉာဏ် ဖိုလ်ဉာဏ် များသို့ ဆိုက်ရောက်လာပါမည်။ ထိုသို့ မဂ်ဉာဏ်ဖိုလ် ဉာဏ်များသို့ ဆိုက်ရောက်လာခြင်းသည် သည်းခံ ခြင်းတရားကြောင့်ပင်မဟုတ်ပါလော။ ထို့ကြောင့် ဘုရားရှင်က သည်းခံခြင်းသည် မြတ်သောအကျင့် တည်း-ဟု ဟောတော်မူပါသည်။

နိဗ္ဗာန်သည် အမြတ်ဆုံးချမ်းသာ

လူ့ချမ်းသာ နတ်ချမ်းသာ ဗြာဟ္မာ့ချမ်းသာတို့သည် မည်မျှပင် ချမ်းသာသည်ဖြစ်စေ ချမ်းသာစစ် ချမ်းသာမှန်မဟုတ်။ အိုနာသေဆင်းရဲဒုက္ခတို့နှင့် အမြဲတမ်း ရစ်ပတ်နှောင်ဖွဲ့နေသောကြောင့်ပင်။ မတည်မမြဲ ဖောက်ပြန်ပြောင်းလဲတတ်သော သဘောလည်းရှိပါသည်။ ယနေ့သူဋ္ဌေးဖြစ်သော်လည်း နောက်တစ်နေ့ ခွေးဖြစ်ချင်လည်းဖြစ်သွားနိုင်ပါသည်။ အဆင့်အမြင့်ဆုံး ဗြဟ္မာဘဝကနေ အဆင့်အနိမ့်ဆုံး အပါယ်ဘုံသို့လည်း ရောက်နိုင်ပါသည်။ (တိုက်ရိုက်ရောက်ခြင်းမျိုးမဟုတ်၊ ဗြဟ္မာ့ ပြည်ကနေ လူ့ပြည်၊ လူ့ပြည်ကနေ အပါယ်ဘုံသို့)။ နိဗ္ဗာန်မရောက်သေးသမျှ အိုနာသေဒုက္ခတို့မှ မလွတ်သကဲ့သို့ အပါယ်ဘေး၊ ကပ်ကြီးသုံးပါးဘေး၊ ရန်သူမျိုး ငါးပါးဘေးမှလည်း စိတ်မချရသေးပါ။ နိဗ္ဗာန်ချမ်းသာကို ရရှိမှသာလျှင် ဆင်းရဲဒုက္ခ အပေါင်းမှ လွတ်မြောက်နိုင် ပါသည်။ ထို့ကြောင့် မြတ်စွာဘုရားက နိဗ္ဗာန်ချမ်းသာသည်သာ အမြတ်ဆုံးဟု ဟောတော်မူပါသည်။

သူတစ်ပါး အသက်ကို သတ်ဖြတ်သောသူသည် ရဟန်းမဟုတ်

သူတစ်ပါးအသက်ကို သတ်ဖြတ်ခြင်းအမှုသည် သူတော်ကောင်းတရား ကျင့်ကြံပွားများကြ ကုန်သော ရဟန်းတော်များနှင့် လုံးဝမအပ်စပ်သော အမှုပင်ဖြစ်ပါသည်။ “ကိုယ်တိုင်,တိုက်တွန်း,ချီးမွမ်း စိတ်တူ”ဆိုသည့် အတိုင်း ကိုယ်တိုင်လည်း မသတ်ရပါ။ သူတစ်ပါးကိုလည်း မသတ်ခိုင်းရပါ။ သူတစ်ပါး သတ်နေသည်ကိုလည်း မချီးကျူးရပါ။ သူတစ်ပါးတို့ သတ်ဖြတ်နေသည်ကိုလည်း သဘောမတူရပါ။ သူတစ်ပါး အသက်ကို သတ်ဖြတ် ခြင်းနှင့် ပတ်သက်၍ ဘုရားရှင်က ဝိနည်းပါဠိတော်များ၌ အကျယ်တဝင့် အဆင့်ဆင့်မိန့်ကြားထားပါသည်။

သူတစ်ပါးအသက်ကို သတ်ဖြတ်နေသမျှ သီလမပြည့်စုံ။ သီလမပြည့်စုံလျှင် သမာဓိမရ။ သမာဓိမရ လျှင် ဝိပဿနာဉာဏ်ဖြင့် မဂ်ဉာဏ်သို့ မဆိုက်ရောက်နိုင်။ မဂ်ဉာဏ်မရလျှင် နိဗ္ဗာန်ကို မရနိုင်ပါ။ ထို့ကြောင့် မြတ်စွာဘုရားက သြဝါဒပါတိမောက်ကို မိန့်ကြားစဉ်မှာပင် သူတစ်ပါးအသက်ကို မသတ်ဖို့ရန် အကျဉ်းဆုံး နည်းဖြင့် ဆုံးမတော်မူပါ သည်။

သူတစ်ပါးကို ညှင်းဆဲသူသည် သမဏမဟုတ်

သမဏ (ရဟန်း) ဆိုသည်မှာ ကိလေသာတို့မှ ငြိမ်းအေးပြီးသူ ငြိမ်းအေးအောင် ကျင့်ဆောင်နေသူ များကို ဆိုလိုပါသည်။ သူတစ်ပါး ကိုညှင်းဆဲသည်ဆိုရာ၌ သူတစ်ပါး ထိခိုက်နစ်နာအောင်၊ ဒဏ်ရာအနာတရ ဖြစ်အောင် ညှင်းဆဲခြင်းကိုသာ ဆိုလိုသည်မဟုတ်ပါ။ သူတစ်ပါး စိတ်ဆင်းရဲအောင် ကိုယ်အမူအရာ နှုတ်အမူ အရာတို့ဖြင့် လုပ်ဆောင်နေသည်ကိုလည်း ညှင်းဆဲသည်ဟု ဆိုလိုပါသည်။ ပညာရှိနည်းဖြင့် သူတစ်ပါး စိတ်ဓာတ်ကျအောင်၊ စိတ်ဖိစီးမှုများအောင် အပြစ်ဒဏ်ပေးခြင်းကိုလည်း ညှင်းဆဲသည်ဟု ဆိုနိုင်ပါသည်။ ရဟန်းဆိုသည်မှာ လူသားတွေထက် မေတ္တာကရုဏာတရား များစွာပိုမိုလွန်ကဲ နေရမည်သာဖြစ်၏။ ထို့ကြောင့် မေတ္တာကရုဏာ၏ ဆန့်ကျင်ဘက် ညှင်းပန်းနှိပ်စက်ခြင်း ပြုလုပ်နေသူသည် ရဟန်းမဟုတ်ဟု မြတ်စွာ ဘုရားက မိန့်ကြားတော်မူခြင်း ဖြစ်ပါသည်။

သြဝါဒပါတိမောက် ဒုတိယဂါထာ

သဗ္ဗပါပဿ အကရဏံ၊

ကုသလဿူပသမ္ပဒါ။

သစိတ္တ ပရိယောဒါပနံ၊

ဧတံ ဗုဒ္ဓါန သာသနံ။

အဓိပ္ပါယ် – (က)မကောင်းမှုမှန်သမျှ မပြု လုပ်ရ။ (ခ)ကောင်းမှုမှန်သမျှ ပြည့်စုံအောင် ပြုလုပ် ရာ၏။ (ဂ)မိမိစိတ်ကို ဖြူစင်အောင်ပြုလုပ်ရမည်။

မကောင်းမှုမှန်သမျှ မပြုလုပ်ရ

မကောင်းမှုဆိုသည်မှာ ဒုစရိုက်ဆယ်ပါးကို ဆိုလိုရင်းဖြစ်ပါသည်။ ကာယဒုစရိုက်(၃)ပါး၊ ဝစီဒုစရိုက် (၄)ပါး၊ မနောဒုစရိုက် (၃)ပါး အားဖြင့် ဒုစရိုက်(၁ဝ)ပါးရှိပါသည်။

ကာယဒုစရိုက်သုံးပါး – (၁)သူတစ်ပါး အသက်ကို သတ်ဖြတ်ခြင်း၊ (၂)သူတစ်ပါး ပစ္စည်းဥစ္စာကိုခိုးယူခြင်း၊ (၃)သူတစ်ပါး သားမယားကို ပြစ်မှားကျူးလွန်ခြင်း တို့ဖြစ်ပါသည်။

ဝစီဒုစရိုက်(၄)ပါး – (၁)မဟုတ်မမှန် လိမ်ညာပြောဆိုခြင်း၊ (၂)သူတစ်ပါးတို့၏ ချစ်ခင်မှုပျက်စီးစေရန် သွေးထိုးကုန်းတိုက်စကားဆိုခြင်း၊ (၃)ကြမ်းတမ်းယုတ်မာသော စကားကိုပြောဆိုခြင်း၊ (၄)အကျိုးမဲ့သော စကား ကိုပြောဆိုခြင်းတို့ဖြစ်ပါသည်။

မနောဒုစရိုက်(၃)ပါး – သူတစ်ပါး ပစ္စည်းဥစ္စာများကို ကိုယ့်ပစ္စည်းဥစ္စာဖြစ်လျှင်ကောင်းလေစွာ့-ဟု သူ တစ်ပါးပစ္စည်းဥစ္စာကို မတရားကြံစည်ခြင်း၊ (၂)သူတစ်ပါးတွေ ဆင်းရဲဒုက္ခရောက်စေရန် မကောင်းကြံခြင်း၊ (၃)မှားယွင်းသော အယူဝါဒကို စွဲယူခြင်းတို့ ဖြစ်ပါသည်။

ယင်းဒုစရိုက်များကို ကျူးလွန်ပါက လက်ရှိဘဝမှာပင် မင်းပြစ်မင်းဒဏ်ခံရခြင်း၊ သူတစ်ပါးတို့ ကိုယ့် အပေါ် အထင်သေးပြီး စွပ်စွဲပုတ်ခတ်သည်ကို ခံရခြင်း၊ ကိုယ့်ကိုယ်ကို ခွင့်မလွှတ်နိုင်လောက်အောင် စိတ်ဆင်း ရဲခြင်း၊ သေသည့်အခါမှာ စိတ်ဆင်းဆင်းရဲရဲ ပူပင်သောကများနှင့် သေရသည့်အတွက် ငရဲသို့ရောက်ရ ခြင်းဆိုသည့် မကောင်းကျိုးများကို ခံစားရပါသည်။ ထို့ကြောင့် မြတ်စွာဘုရားက လူသားအားလုံးအတွက် ကောင်းကျိုးချမ်းသာဖြစ်စေရန် မကောင်းမှုမှန်သမျှ မပြုလုပ်ကြရန် မိန့်ကြားတော်မူပါသည်။

ကောင်းမှုမှန်သမျှ ပြည့်စုံအောင်ပြုလုပ်ရာ၏

ကောင်းမှုကုသိုလ်-ဟုဆိုရာတွင် ကောင်းမှုကုသိုလ်အမျိုးမျိုးရှိပါသည်။ ကောင်းမှုတစ်ခု နေ့စဉ်ပြု-ဆိုသည့်စကားအတိုင်း မိမိတို့အဆင်ပြေသော ကုသိုလ်ကောင်းမှုများကို အချိန်ရယင် ရသလို ကြိုးစားပြုလုပ် ပေးရပါလိမ့်မည်။ အဘယ့်ကြောင့်ဆိုသော် ကျွန်ုပ်တို့ဘဝသည် သံသရာတစ်လျှောက်လုံး အာရုံငါးပါး ကာမဂုဏ်တရားတည်းဟူသော အကုသိုလ်များနှင့်သာ အချိန်ကုန်ခဲ့ကြရပါသည်။ ကုသိုလ်စိတ်ဖြစ်သောအချိန် အကုသိုလ် စိတ်ဖြစ်သောအချိန်များကို ချိန်ထိုးကြည့်လျှင် အကုသိုလ်စိတ်ဖြစ်သောအချိန်ကသာ အဆမတန် များပြားနေသည်ကို တွေ့ကြရ၏။

လူတိုင်းက ဆေးကိုမသောက်ချင်ကြပါ။ သို့သော်လည်း ရောဂါပျောက်စေရန် ဆေးကို သောက်ကြရ ပါ၏။ ထို့အတူပင် ဆေးနှင့်တူသော ကုသိုလ်ကောင်းမှုများကို မပြုလုပ်ချင်သော်လည်း ဇွဲတင်း၍ ပြုလုပ်ကြရ ပါသည်။ ပြုရင်းပြုရင်းနှင့်ပင် စိတ်အားထက်သန်လာပါသည်။ အကုသိုလ်မှာသာ ပျော်တတ်သော မိမိ၏စိတ်ကို ပြုပြင်ဆုံးမ၍ ကုသိုလ်လမ်းကြောင်းပေါ်သို့ တင်ပေးကြရပါသည်။

ကုသိုလ်တရားဟူသည် အပြစ်မရှိခြင်း၊ ချမ်းသာသောအကျိုးကိုပေးခြင်း သဘောရှိ၏။ အကုသိုလ် သည်ကား အပြစ်နှင့်တကွဖြစ်ခြင်း၊ ဆင်းရဲသော အကျိုးကိုပေးခြင်းသဘောရှိ၏။ ကုသိုလ်တရားသည် ကောင်းရာသုဂတိသို့ တင်ပေးတတ်၏။ အကုသိုလ်တရားကတော့ မကောင်းသော ဒုဂ္ဂတိအပါယ်ဘုံသို့ ဆွဲချ တတ်၏။ ထို့ကြောင့် ကောင်းမှုကုသိုလ်မှန်သမျှ ပြုလုပ်ကြရန် မိန့်ကြားတော်မူခြင်း ဖြစ်ပါသည်။ ကောင်းမှု ကုသိုလ်သည် ပါရမီ(၁ဝ)ပါး၊ ပုညကိရိယာဝတ္ထု(၁ဝ)ပါး၊ သုစရိုက် (၁ဝ) ပါးဟူ၍ သုံးမျိုးရှိပါသည်။

ပါရမီ(၁ဝ)ပါး – (၁)ဒါနပါရမီ – အလှူပေးခြင်း၊ (၂)သီလပါရမီ – ကိုယ်ကျင့်သီလစောင့်ထိန်းခြင်း၊ (၃)နေက္ခမ္မပါရမီ – တောထွက်ခြင်း (ဝါ)စည်းစိမ် ဥစ္စာစသည်တို့ကို စွန့်လွှတ်အနစ်နာခံခြင်း၊ (၄)ပညာပါရမီ – အသိအလိမ္မာဉာဏ်ပညာဖြင့် လောကကောင်းကျိုး ဓမ္မကောင်းကျိုးကို ဆောင်ရွက်ခြင်း၊ (၅)ဝီရိယပါရမီ – ကြီးမားရဲရင့်သော ဇွဲလုံ့လဖြင့် လောကကောင်းကျိုး ဓမ္မကောင်းကျိုးကို  ဆောင်ရွက်ခြင်း၊ (၆)ခန္တီပါရမီ – သည်းခံခြင်းဖြင့် လောကကောင်းကျိုး ဓမ္မကောင်းကျိုးကိုဆောင်ရွက်ခြင်း။ (၇)သစ္စာပါရမီ – မှန်ကန်သောသစ္စာ တရားဖြင့် လောကကောင်းကျိုးကိုဆောင်ရွက်ခြင်း၊ (၈)အဓိဋ္ဌာနပါရမီ – ခိုင်မြဲသော အဓိဋ္ဌာန်ဖြင့် လောက ကောင်းကျိုး ဓမ္မကောင်းကျိုးကို ဆောင်ရွက်ခြင်း၊ (၉)မေတ္တာပါရမီ – သတ္တဝါအနန္တအပေါ်၌ အညီအမျှ ချစ်ခင်ခြင်းဖြင့် လောကကောင်းကျိုးကို ဆောင်ရွက်ခြင်း၊ (၁ဝ)ဥပေက္ခာပါရမီ – ချစ်ခြင်း၊ မုန်းခြင်း၊ ချမ်းသာခြင်း၊ ဆင်းရဲခြင်းစသည်တို့၌ အညီအမျှထားခြင်းဖြင့် လောကကောင်းကျိုးကို ဆောင်ရွက်ခြင်းတို့ဖြစ်ပါသည်။

ပုညကိရိယာဝတ္ထုဆယ်ပါး – (၁)ဒါန – အလှူပေး ခြင်း၊ (၂)သီလ – ကိုယ့်ကျင့်သီလစောင့်ထိန်းခြင်း၊ (၃)ဘာဝနာ – သမထဘာဝနာ ဝိပဿနာဘာဝနာ တို့ကို ကျင့်ကြံအားထုတ်ခြင်း၊ (၄)အပစာယန – ရတနာသုံးပါး ဆရာမိဘ ကြီးသူတို့အား ရိုသေလေးစားခြင်း၊ (၅)ဝေယျာဝစ္စ – အများကောင်းကျိုးများကိုဆောင်ရွက်ခြင်း၊ (၆)ပတ္တိဒါန – မိမိ၏ကုသိုလ်ကောင်းမှုများကို သတ္တဝါတို့အား အမျှပေးဝေခြင်း၊ (၇)ပတ္တာနုမောဒန – သူတစ်ပါးတို့ ပေးဝေ သော ကုသိုလ်ကောင်းမှုကို မိမိက သာဓုခေါ်ခြင်း၊ (၈) ဓမ္မဿဝန – တရားတော်ကို နာယူမှတ်သားခြင်း၊ (၉)ဓမ္မဒေသနာ – တရားတော်ကိုဟောကြားခြင်း၊ (၁ဝ)ဒိဋ္ဌိဇုကမ္မ – မှန်ကန်သော အယူကိုယူခြင်းတို့ ဖြစ်ပါ သည်။

သုစရိုက်ဆယ်ပါး – ဒုစရိုက်ဆယ်ပါးကို မပြုလုပ်ဘဲ ရှောင်ကြဉ်ခြင်းသည်ပင် သုစရိုက်ဆယ်ပါးမည်ပါသည်။ ထိုသီလသည် ပါရမီဆယ်ပါး၊ ပုညကိရိယာ ဝတ္ထုဆယ်ပါး၌လည်း ပါဝင်ပြီးဖြစ်ပါသည်။

ဖော်ပြပါ ကုသိုလ်ကောင်းမှုများ သည် အချို့ကောင်းမှုကုသိုလ်သည်ကား အမည်သာ ကွဲ သော်လည်း အဓိပ္ပါယ်တူပါသည်။ ထိုကုသိုလ် ကောင်းမှုအားလုံးကို အကျဉ်းချုပ်အားဖြင့်ပြဆိုရ လျှင် ဒါန,သီလ,ဘာဝနာ သာလျှင်ဖြစ်ပါသည်။

မိမိစိတ်ကို ဖြူစင်အောင်ပြုလုပ်ရမည်

လောကီအာရုံ ကာမဂုဏ်တို့၌သာ ပျော်မွေ့တတ်သော မိမိစိတ်ကလေး အမြဲတမ်းလို ညစ်ပတ် ပေကျံနေတတ်ပါသည်။ ယင်းစိတ်ကလေးကို ဘုရားရှိခိုးခြင်း၊ တရားအားထုတ်ခြင်း၊ တရားနာယူခြင်းစသော ကုသိုလ်ကောင်းမှုပြုလုပ်ခြင်းဓမ္မရေစင် ဖြင့် ဖြူစင်အောင် ဆေးကြောသုတ်သင်ရမည်။ ကုသိုလ်ကောင်းမှုပြုစဉ် တဒင်္ဂအခိုက်အတန့်လေးမှာပင် ကိလေသာအညစ်အကြေး ကင်းဝေးစင်ကြယ်မှု၊ စိတ်ထားဖြူစင် အေးချမ်း မှုများကို ချက်ချင်းပေးစွမ်းနိုင်ပါသည်။ တရားဓမ္မကို အချိန်ကြာမြင့်စွာ အားထုတ်နိုင်လေလေ အချိန်ကြာမြင့်စွာ စိတ်ထားဖြူစင် အေးချမ်းလေလေဖြစ်ပါသည်။ တရားထူး တရားမြတ်ကို ထိုးထွင်းသိမြင်လာ သောအခါတွင် စိတ်ကိုအမြဲညစ်ပတ်ပူလောင် အောင်ပြုလုပ်တတ်သော ကိလေသာများ လုံးဝ ကင်းစင်သွားပါတော့သည်။ စိတ်ကလေး ပကတိ အတိုင်း ဖြူစင်သွားပါတော့သည်။

အဘယ့်ကြောင့် မကောင်းမှုရှောင်၊ကောင်းမှုဆောင်၊ ဖြူအောင်စိတ်ကိုထားရပါသနည်း။ မကောင်းမှုကို ပြုလုပ်သည့်အတွက် မိမိတို့ ဘဝအဆက်ဆက် သံသရာအဆက်ဆက် မလိုချင်ပဲနှင့် ရနေတတ်သော ဆင်းရဲ ဒုက္ခများကို ကြုံတွေ့ခဲ့ရပါသည်။ “လူတစ်ခု ပူမှုရယ်တဲ့ ဆယ်ကုဋေ”ဟု လူတိုင်း ငြီးတွားနေကြသော ဆင်းရဲဒုက္ခ ဘေးဆိုးကပ် ဆိုးမှန်သမျှသည် မကောင်းမှုကို ပြုလုပ်ခဲ့သောကြောင့်ဖြစ်ပါသည်။ ထိုမကောင်းကျိုးများသည် မိမိတို့ မလိုချင်ပဲနှင့် ရလာသော ဆင်းရဲဒုက္ခများပင်ဖြစ်ပါသည်။ ထိုဆင်းရဲဒုက္ခများသည် မိမိကိုယ်တိုင် မကောင်းမှုကို ပြုခဲ့သည့်အတွက်ကြောင့် မကောင်းကျိုးကို ပြန်လည်ခံစားနေရခြင်းဖြစ်ပါသည်။ ထိုကြောင့် မလိုချင်သည့်အရာများကို မရရှိအောင် မကောင်းမှုမှန်သမျှ မပြုလုပ်ရပါ။

ဘဝတစ်ခုမှာ မလိုချင်တာကိုမရယုံနှင့် ပြီးပြည့်စုံပြီလား မေးစရာရှိပါသည်။ မပြည့်စုံသေးပါ၊ လိုချင်တာကိုလည်း ရနေမှ ပြည့်စုံပါသည်။ နိဗ္ဗာန်မရမှီ ဘဝတွေမှာ လိုတာမရသည့် ဆင်းရဲမှလွတ် မြောက် စေရန် ဒါနကောင်းမှုစသည်ကို ပြုရပါမည်။ ဘဝသံသရာတွင် ဆင်းရဲနုံချာ ငတ်ပြတ်မွဲတေမှုတို့သည် ဒါနစသော ကုသိုလ်ကောင်းမှု မပြုသည့်အတွက်ကြောင့်ဖြစ်ပါသည်။ သို့ဆိုလျှင် မလိုချင်တာကို ရတတ်သည့် ဆင်းရဲ ဒုက္ခနှင့် လိုချင်တာကို မရတတ်သည်ဆင်းရဲဒုက္ခနှစ်မျိုးတွင် မည်သည့်ဆင်းရဲ ဒုက္ခက ပို၍ဆင်းရဲသနည်း-ဟု မေးစရာရှိပါသည်။ မလိုချင်တာကို ရတတ်သည့် ဆင်းရဲက ပို၍ဆင်းရဲပါသည်။ အဘယ့်ကြောင့်နည်း? မလို ချင်ပါပဲနှင့် ရခဲ့ကြရသော ရောဂါဝေဒနာဆိုး၊ ဘေးဆိုးကပ်ဆိုးတွေကို လိုချင်လို့ရထားတဲ့ စည်းစိမ်ချမ်းသာတွေနဲ့ လဲလှယ်၍(အစားထိုး၍) မရနိုင်သောကြောင့်ဖြစ်ပါသည်။

ဘယ်လောက်ပင် ချမ်းသာနေနေ ကျန်းမာခြင်းကို ဝယ်ယူ၍မရပါ။ ထို့အပြင် ကိုယ်လိုချင်လို့ မက်မက် မောမော ရှာဖွေစုဆောင်းထားတဲ့ စည်းစိမ်ချမ်းသာဟူသမျှသည် မလိုချင်ပါပဲ ရခဲ့တဲ့ရောဂါ ဝေဒနာဆိုး ကြောင့်၎င်း၊ ဘေးဆိုးကပ်ဆိုးကြောင့်၎င်း ခဏလေးအတွင်းမှာပင် ကုန်ခမ်းသွားနိုင်ပါသည်။ ဟိုတုန်းက ဘုရင်ကြီးတစ်ပါးဆိုလျှင် သူ၏နူနာရောဂါ ပျောက်ကင်းချင်လွန်းလို့ သူပိုင်မင်း စည်းစိမ်နှင့်ပင် လဲလှယ်ခဲ့ဘူး ပါသည်။ မလိုချင်တာ ကိုရတတ်သောဆင်းရဲဒုက္ခနှင့် လိုချင်တာကို မရတတ်သော ဆင်းရဲဒုက္ခတို့မှ ကင်းလွတ် စေရန် မြတ်စွာဘုရားက မကောင်းမှုမှန်မသမျှ မပြုလုပ်ရန်၊ ကောင်းမှုမှန်သမျှပြုလုပ်ရန် ညွှန် ကြားတော်မူခြင်း ဖြစ်ပါသည်။

အဘယ့်ကြောင့် မိမိ၏စိတ်ကလေး ဖြူဖွေး စင်ကြယ်အောင်ထားရပါသနည်း? လူတို့သည် များ သောအားဖြင့် တစ်သံသရာလုံး စိတ်ရိုင်းစိတ်မိုက် စိတ်ဆိုးစိတ်ယုတ်များဖြင့်သာ အချိန်ကုန်ခဲ့ကြပါသည်။ စိတ်ကလေး ဖြူဖွေးစင်ကြယ်နေသော အချိန်ကား အလွန်နည်းလှပါသည်။ စိတ်ဆိုးစိတ်မိုက် များကြောင့် ဘဝသံသရာအဆက်ဆက် ဆင်းရဲမျိုးစုံနှင့် လုံးထွေးရစ်ပတ်ကာ ရှည်လျှားလှသော သံသရာခရီးကို ဆက်ခဲ့ ကြရပါသည်။

ထို့ကြောင့်လူမိုက်အမိုက်အဖို့ သံသရာခရီးသည် ရှည်လျှားလှ၏ – ဟု မြတ်စွာဘုရားက မိန့်ကြား တော်မူခြင်းဖြစ်ပါသည်။ လူမိုက်အဖို့ သံသရာခရီးရှည်ရာတွင် အဆိုးဆုံးသံသရာသည်သာတည်း။ ကောင်းရာ သုဂတိသံသရာကတော့ အလွန်ကို နည်းပါးလှပါ၏။ ကောင်းရာသုဂတိ သံသရာ၌ လည်ပတ်နေရသော်ငြား လည်း အမှန်တကယ်ကောင်းသည်ဟု မြတ်စွာဘုရား ချီးမွမ်းတော်မမူပါ။ အိုနာသေဆင်းရဲမျိုးစုံတို့ဖြင့် လုံးထွေးရစ်ပတ်နေသောကြောင့် ချမ်းသာစစ်မဟုတ်။ အမြဲတမ်း ဖောက်ပြန်ပြောင်းလဲ ဆင်းရဲနေရသည်သာ။ အိုနာသေကင်း၍ အလုံးစုံသော ဘုံဘဝတို့မှလွတ်သော နိဗ္ဗာန်ချမ်းသာသည်သာ အကောင်းဆုံး အမြတ်ဆုံး ဖြစ်သည်။ မိမိစိတ်ကလေးကို ဖြူဖွေးစင်ကြယ်အောင် ကြိုးစားလေ့ကျင့်လျှင် တစ်ဆင့်ထက်တစ်ဆင့် မြင့်သည် ထက်မြင့်သော မဂ်ချမ်းသာဖိုလ်ချမ်းသာ နိဗ္ဗာန်ချမ်းသာကို ဧကန်မုချရနိုင်ပါသည်။ ထို့ကြောင့် မိမိ၏စိတ် ကလေး ဖြူဖွေးစင်ကြယ်အောင် ပြုလုပ်ရခြင်းဖြစ်ပါသည်။

သြဝါဒပါတိမောက် တတိယဂါထာ

အနုပဝါဒေါ အနုပဃာတော၊

ပါတိမောက္ခေ စ သံဝရော၊

မတ္တညုတာ စ ဘတ္တသ္မိံ၊ ပန္တဉ္စ သယနာသနံ၊

အဓိစိတ္တေ စ အာယောဂေါ၊ ဧတံ ဗုဒ္ဓါန သာသနံ။

အဓိပ္ပါယ် – (က)သူတစ်ပါးကို မကဲ့ရဲ့မစွပ်စွဲရာ။ (ခ)သူတစ်ပါးကို မနှိပ်စက် မညှင်းဆဲရာ။ (ဂ)ပါတိမောက္ခ သံဝရသီလကို လုံခြုံအောင် စောင့်ထိန်းရာ၏။ (ဃ)အစားအစာ၌ အတိုင်းအရှည်ကို သိရာ၏။ (င)တောကျောင်း ၌ နေရာ၏။ (စ)လွန်မြတ်သော မဂ်ဉာဏ်၏ရှေ့သွားဖြစ်သော စိတ်ကို ဖြစ်စေရာ၏-ဤသည်ကား ဗုဒ္ဓဘုရား တိုင်းညွှန်ကြားဆုံးမ သြဝါဒတည်း။

သူတစ်ပါးကို မကဲ့ရဲ့ မစွပ်စွဲရာ

ရဟန်းဆိုသည်မှာ သူတစ်ပါးကို ကဲ့ရဲ့စွပ်စွဲမှုကို မပြုရပါ။ တည့်တိုးဖြစ်စေ၊ သွယ်ဝိုက်၍ဖြစ်စေ မကဲ့ရဲ့ မစွပ်စွဲရပါ။ အပြောမတတ် ဆဲသလို-ဆိုသကဲ့သို့ မိမိ၏ ကဲ့ရဲ့စွပ်စွဲမှုက လူတစ်ဖက်သားကို ဆဲ သည်ထက်အောင် ပို၍နစ်နာစေပါသည်။ အမျိုးကို ထိခိုက်၍၎င်း၊ ရောဂါကိုထိခိုင်၍၎င်း၊ ချွတ်ယွင်းချက် ကို ထိခိုက်၍၎င်း ကဲ့ရဲ့စွပ်စွဲလိုက်သည်နှင့် သူတစ် ဖက်သားမှာ အရှက်တရားရ ဒေါသအာဃာတဖြစ် သွားစေနိုင်ပါသည်။ ထို့ကြောင့် မကဲ့ရဲ့မစွပ်စွဲမိဖို့ အထူးသတိထားရပါမည်။ အကယ်၍ ကိုယ်ကဲ့ရဲ့ စွပ်စွဲမိသူက ရဟန္တာဖြစ်နေခဲ့မည်ဆိုလျှင် အပြစ် ကြီးလေးရုံမက ကိုယ်ရမည့်ဈာန်မဂ်ဖိုလ်များကိုပင် ကိုယ့်ဘာသာ ပိတ်ပင်လိုက်ခြင်းဖြစ်ပါသည်။ သောတာပန်ဖြစ်ပြီးသူများပင် သကဒါဂါမ် အနာဂါမ် အဆင့်မတက်နိုင်တော့ပေ။ ပဉ္စာနန္တရိယကံကြီးနှင့် အလားတူပါသည်။ သို့သော် ပဉ္စာနန္တရိယကံကြီးက တော့ ဝန်ချတောင်းပန်သော်လည်း ဈာန်မဂ်ဖိုလ်မရ နိုင်ပါ။ ရဟန္တာကို ကဲ့ရဲ့မိသောအပြစ်သည် ဝန်ချ တောင်းပန်ရှိခိုးလျှင် ကျေအေးနိုင်ပါသည်။ ဈာန်မဂ် ဖိုလ်ကိုလည်း ရနိုင်ပါသေးသည်။

သူတစ်ပါးကို မညှင်းဆဲရာ

ရဟန်းဆိုသည်မှာ သူတစ်ပါးကို ညှင်းဆဲ နှိပ်စက်မှုမပြုရာ။  သူတစ်ပါးတို့ကို သတ္တဝါအနန္တ အပေါ်မှာ သနားညှာတာကရုဏာကြီးမားကြောင်း တရားများကို ဟောကြားနေသည့်အတွက် ကိုယ် တိုင်ကလည်း သနားညှာတာ ကရုဏာကြီးမားနေ ရပါမည်။ “မလုပ်မပြော လုပ်မှပြော သဘောစင်လှ စေ၊ အပြောသာချဲ့ အလုပ်မဲ့ ကဲ့ရဲ့မလွတ်ချေ”ဟု ဆရာတော်ကြီးများ ဆုံးမခဲ့ကြပါသည်။ သူတစ်ပါး ကို ညှင်းဆဲနှိပ်စက်လျှင် ဖြစ်လေရာရာ ဘဝ သံသရာ၌ အနာရောဂါထူပြော တတ်ပါသည်။ နာတာရှည်ရောဂါသည်ကြီးများသည် အတိတ်ဘဝ က သူတစ်ပါးကို ညှင်းဆဲနှိပ်စက်ခဲ့သောကြောင့် ဖြစ်ပါသည်။ ရောဂါဝေဒနာခံစားနေရပြီးဆိုလျှင် ပိုင် ဆိုင်သမျှ စည်းစိမ်ချမ်းသာများကိုလည်း ကောင်း ကောင်းမခံစားနိုင်တော့ပါ။ နိဗ္ဗာန်ရောက်ကြောင်း တရားအားထုတ်ခြင်း အလုပ်ကိုလည်း စိတ်အေး ချမ်းသာ မပြုလုပ်နိုင်တော့ပါ။

ပါတိမောက္ခသံဝရသီလကို လုံခြုံအောင် ထိန်းရာ၏

မြတ်စွာဘုရားက မပြုလုပ်ဖို့ရန် တားမြစ် ထားသော ဝိနည်းစည်းကမ်းချက်များကို မကျူးလွန် ရပါ။ အလွန်သေးငယ်သော ဒုက္ကဋ်အာပတ်ကလေးကပင်လျှင် ဈာန်မဂ်ဖိုလ်ကို တားဆီးတတ်ပါသည်။ ထို့ကြောင့် မြတ်စွာဘုရားက သေးငယ်သောအပြစ်ကလေးများကိုပင် ဘေးကဲ့သို့ရှု၍ ပါတိမောက္ခ သံဝရသီလကို လုံခြုံ အောင်စောင့်ထိန်းဖို့ မိန့်ကြားခဲ့ ခြင်းဖြစ်ပါသည်။

အစာအာဟာရ၌ အတိုင်းအရှည်ကို သိရာ၏

အစာအဟာရကို ဘုဉ်းပေးသုန်းဆောင်ရာ၌ မိမိခန္ဓာကိုယ်နှင့် သင့်တင့်မျှတရုံ အတိုင်းအရှည် ပမာဏနှင့်ဘုဉ်းပေးရပါမည်။ မေတ္တာပို့သ၍၎င်း၊ တရားရှုမှတ်၍၎င်း ဘုဉ်းပေးသုန်းဆောင်ရပါမည်။ အတိုင်း ထက်အလွန် ဘုဉ်းပေးမိလျှင် ခန္ဓာကိုယ် လေးလံထိုင်းမှိုင်း၍ တရားအလုပ် အားမထုတ်နိုင်တော့ပါ။ တရား လက်လွတ် ဘုဉ်းပေးမိလျှင်လည်း ဣဏပရိဘောဂ(ကြွေးယူ၍ သုန်းဆောင်ခြင်း)ဖြစ်နိုင်ပါသည်။ ထို့ကြောင့် ဘုရားရှင်က မိမိတို့သုန်း ဆောင်နေသော အဟာရတို့သည် ရဲရဲတောက်သော သံတွေသံခဲကဲ့သို့ မဖြစ်စေဖို့ လေးလေးနက် နက် သတိပေးတော်မူပါသည်။ “စတ္တာရော ပဉ္စ အာလောပေ အဘုတွာ ဥဒကံ ပိဝေ” ဟု အရှင် မဟာသာရိပုတ္တရာက မိန့်ကြားခဲ့ပါသည်။ အဓိပ္ပါယ်ကတော့ ကိုယ်စားနိုင်သည့် ဆွမ်းပမာဏထဲက လေးလုပ် ငါးလုပ်စာလောက်ကို မစားဘဲချန်ထားပြီး ရေသောက်ရမည်-ဟူ၍ ဖြစ်ပါသည်။

မြို့ရွာမနီး တောကျောင်း၌ နေထိုင်ရာ၏

မြို့ရွာနှင့်နီးနီး နေရလျှင် ပြင်ပအာရုံမျိုးစုံ ဝင်ရောက်လာနိုင်ပါသည်။ တရားအလုပ်ကို အားထုတ်ရာ၌ စိတ်တည်ကြည်မှုရနိုင်ဖို့ မလွယ်ကူပါ။ တောကျောင်း၌ နေထိုင်သီတင်းသုံးလျှက် တရားအားထုတ်ခြင်းကြောင့် ဆိတ်ငြိမ်အေးချမ်းပြီး တရားထူးတရားမြတ်များကို လျှင်လျှင်မြန်မြန်ထိုးထွင်း သိမြင်နိုင်ပါသည်။ မြို့ရွာနှင့်နီးနေ လျှင် လူမှုဒုက္ခသောကပရိဒေဝများကိုတွေ့မြင်နေရလျှင် စိတ်ဆင်းရဲမှုများ ကူးစက်နိုင်သည်။ သာယာတပ်မက် ဘွယ် အာရုံများကို မြင်တွေ့ရသည့်အခါတွင်လည်း စိတ်ကိုမထိန်းနိုင်လျှင် သီလပျက်စီးနိုင်ပါသည်။

မဂ်၏ရှေ့သွားဖြစ်သောစိတ်ကို ဖြစ်စေရာ၏

မဂ်ဉာဏ်၏ရှေ့သွားဖြစ်သောစိတ်၊ မဂ်နှင့်ယှဉ်သောစိတ်ဖြစ်စေခြင်းငှါ မဂ္ဂင်ရှစ်ပါး အကျင့်တရားကို ကျင့်ကြံပွားများရပါမည်။ မဂ္ဂင်ရှစ်ပါးသည် နိဗ္ဗာန်ရောက်ကြောင်း လမ်းကောင်းအစစ် အမှန်ပင်ဖြစ်ပါသည်။ မဂ္ဂင်ရှစ်ပါးနှင့်အညီကျင့်ကြံမှ နိဗ္ဗာန်ကိုလျှင်မြန်စွာ မျက်မှောက်ပြုမည်။ နိဗ္ဗာန်ကို မျက်မှောက်ပြုမှသာ သံသရာ ဝဋ်ဆင်းရဲကနေ လွတ်မြောက်မည်။ သံသရာဝဋ်ဆင်းရဲမှ လွတ်မြောက်မှု ဝိမုတ္တိသုခသည်သာ ဗုဒ္ဓဘာသာဝင် သူတော်စင်အားလုံး၏ ပန်းတိုင်ဖြစ်၍ သာသနာတော်မြတ်ကြီး၏ အနှစ်သာရဖြစ်ပါသည်။

ထို့ကြောင့် သူတော်ကောင်းတရားကို မြတ်နိုးသူတိုင်းက မြတ်ဗုဒ္ဓဟောကြား အကျဉ်းချုပ် သြဝါဒ ပါတိမောက်မြတ်တရားတို့ကို လိုက်နာကျင့် ကြံပွားများ၍ မဂ်ချမ်းသာ ဖိုလ်ချမ်းသာ နိဗ္ဗာန်ချမ်းသာကို လျှင်မြန် စွာ ရရှိနိုင်ကြပါစေ။

အရှင်ဇဝန (ကုန်းဇောင်း)

ဖေဖော်ဝါရီလ(၇)ရက် ၂ဝ၁၃-ခု

Ref: http://blog.moemaka.com/2013/02/ashin-wawana-kone-zaung-owada-pati-mauk.html

မာရ်နတ်နှင့်စစ်ခင်းမည်လော (အပိုင်း – တစ်)

မာရ်နတ်နှင့်ပတ်သက်၍ သိသင့်သိထိုက်သော
အကြောင်းအရာများ များစွာရှိပါသည်။အသိဉာဏ်ရှိ
သောလူသားများအတွက်ထိုအကြောင်းအရာများထဲ်
(၂)ခန္ဓ မာရ်
(၃)မစ္စု မာရ်
(၄)ဒေဝပုတ္တ မာရ်
(၅)အဘိသခါင်္ရ မာရ်- တို့ဖြစ်ကြပါသည်။

         မည်သည့်မာရ်ကိုကြောက်ရအံ့နည်း။မာရ်ငါး
ပါးစလုံးကိုကြောက်ရတော့မည်လော။ကိလေသမာရ်
သည်သာကြောက်စရာကောင်းလှသည်
ဟုနားလည်ပါသည်။

          အကယ်၍သင့်အနေဖြင့်ကိလေသမာရ်ကို
သာအနိုင်တိုက်နှိုင်မည်ဆိုပါလျှင်မာရ်ငါးပါးစလုံးကို
အလွယ်နှင့်တိုက်နှိုင်သည်။ကိလေသမာရ်ကိုမနိုင်
သေးသမျှမာရ်ငါးပါးစလုံးကိုအရှုံးပေးနေရဦးမည်သာ
ဖြစ်သည်။

   ကိလေသမာရ်နှင့်ပတ်သက်၍မာရ်နတ်တွင်
တပ်မကြီး ဆယ်တပ်ရှိသည်ဟုဆိုပါသည်။

            ၁။ မာရ်နတ်၏ပထမတပ်မကြီး
*******************
မာရ်နတ်တွင်တပ်မကြီးဆယ်တပ်ရှိ၏။
လောက၏အကျိုးစီပွားအတွက်ဆောင်ရွက်သူတိုင်း
ကိုမာရ်နတ် သည်မကြိုက်။

ထို့ကြောင့်လောက၏အကျိုးစီးပွားကိုဆောင်ရွက်သူ
မည်သူမဆိုမာရ်နတ်နှင့်တိုက်ခိုက် ရဖို့ရှိ၏။

လောက၏အကျိုးစီးပွားကိုဆောင်ရွက်ရင်းမာရ်နတ်ကို
နိုင်အောင်တိုက်နှိုင်လျှင်မြင့်မြတ်သူများ ဖြစ်လာ၏။

မာရ်နတ်ကိုနိုင်အောင်မတိုက်နှိုင်သည့်အခါမြင့်မြတ်
သူများဖြစ်မလာတော့ပဲမိမိအတွက်မိမိအကျိုးပြု
လုပ်ငန်းများကိုသာလုပ်မိလေတော့၏။

အကယ်၍အသွင်သဏ္ဌာန်အားဖြင့်မြင့်မြတ်သူဟု
အထင်ရောက်နေစေကာမူမာရ်နတ်၏တပ်ဦး၌ကျ
ဆုံးသွားသောအတ္တဝါဒီအဖြစ်သာအစစ်အမှန်ဘဝ
ဖြစ်လာ၏။

မာရ်နတ်၏တပ်ဦးဖြစ်သောပထမတပ်မမှာ”ကာမ”
တပ်ဖြစ်၏။

“ကာမ” တပ်တွင်ပါဝင်သောအဓိကစစ်သူကြီးများမှာ
“ဝတ္ထုကာမ”နှင့်”ကိလေသာကာမ”တို့ဖြစ်ပါသည်။

“ဝတ္ထုကာမ”ဆိုသည်မှာမုချအားဖြင့် အာရုံခြောက်ပါး
ကိုယူရ၏။ပရိယာယ်အားဖြင့်ပစ္စည်းဥစ္စာများပါဝင်၏။

ရာထူးဂုဏ်သိန် များပါ၏။ဘွဲ့ထူးဂုဏ်ထူး များပါ၏။
ထင်ပေါ်ကျော်ကြားမှု့များပါဝင်၏။အလွန်ထက်မြက်
သောတန်ခိုးအာဏာများလည်းပါ၏။

တစ်နည်းအားဖြင့်ငါပိုင်အဖြစ်သိမ်းပိုက်စရာသက်ရှိ
သက်မဲ့အရာများစွာပါဝင်၏။

“အတ္တ”၏ပိုင်ဆိုင်စရာများကို”အတ္တနိယ”
ဟုဆိုရ၏။

“ကိလေသာကာမ”ကိုအထူးဆိုရန်လိုမည်မဟုတ်ပါ။
“ဝတ္ထုကာမ”များကိုသိမ်းပိုက်လိုသည့်မိမိ၏
“လောဘကိလေသာ”ပင်တည်း။

          အဘယ်မည်သောမြင့်မြတ်သူသည်ဤတပ်
မနှင့်ရင်ဆိုင်တိုက်ရသောအခါကြံ့ကြံ့ခံနှိုင်ပါအံ့နည်း။

များသောအားဖြင့်လောက၏အကျိုးကိုသယ်ပိုးဆောင်
ရွက်သူများသည်ဤကာမတပ်မ၌ပင်ကျဆုံးတတ်၏။

ထိုအခါသူ၏မြင့်မြတ်သောအကျိုးပြုလုပ်ငန်းသည်
ပျက်စီးလေတော့၏။

မာရ်နတ်၏ပထမတပ်မကိုတိုက်မည်ဆိုလျှင်”အာဇီ
ဝပါရိသုဒ္ဓိသီလ”သည် အရေးကြီးသည်။အသက်မွေး
မှု့စင်ကြယ် ပါမှမာရ်နတ်၏တပ်မကိုနိုင်အောင်တိုက်
နှိုင်မည်ဖြစ်သည်။

“အာဇီဝဋ္ဌမကသီလ”ဟုလည်းဆိုသည်။၎င်းသီလကို
လယ်တီဆရာတော်၏အလိုအရ”အာဒိဗြဟ္မာစရိရက
သီလ”ဟုဆိုသည်။

“ကာမဝတ္ထု”များကို “ပေစ္စဝေက္ခဏာ”ဖြင့်ဆင်ခြင်သုံး
စွဲလျှင်မာရ်နတ်၏တပ်မကိုနိုင်အောင်တိုက်နိုင်သည်။

“ကာမဝတ္ထု”များနှင့်ဆက်ဆံရာတွင်”သန္တောသ”တရား
လက်ကိုင်ထားလျှင်မာရ်နတ်ကိုမနိုင်စရာမရှိ၊နိုင်မည
်သာဖြစ်သည်။”သန္တောသ”တရားကို သုံးမျိုးခွဲ၍သိဖို့
လိုသည်။
၁။ယထာလာဘသန္တောသ
၂။ယထာဗလသန္တောသ
၃။ယထာသာရုပ္ပသန္တောသ
ဟူ၍သိရမည်ဖြစ်သည်။

အကျဉ်းအားဖြင့်”ကာမဝတ္ထု”ရှာဖွေရာတွင်ရှာဖွေသင့်
သော”ကာမဝတ္ထု”ကိုရှာခြင်း၊ရသင့်ရထိုက်သလောက်
သာရယူလိုခြင်း၊ရသည့်ပမာဏအတိုင်းသာကျေနပ်
လက်ခံခြင်း၊စနစ်တကျခွဲဝေသုံးစွဲတတ်ခြင်းတို့ဖြစ်ကြ
သည် ။

ရွှေဥမင် ဆရာတော်၏ မာရ်နတ်နှင့်တိုက်ခိုက်ပုံကိုန
မူနာယူသင့်၏။ဆရာတော်အား ကြည်ညိုသော ဒကာ
တစ်ဦးသည် ဤသို့နှလုံးသွင်းမိ၏။

ငါတို့၏ဆရာတော်သည် အလွန်ကြည်ညိုဖွယ်ဖြစ်
သည့် သိက္ခာသုံးပါးနှင့် ပြည့်စုံပါလျှက် ဘာသာရေး
သာသနာရေးကိစ္စများဆောင်ရွက်ရန် ကြွရောက်တော်
မူရာတွင် စီးစရာ မော်တော်ကား တစ်စင်းပင်မရှိဖြစ်
ချေသည်။

ဆရာတော်၏သိက္ခာသုံးပါးလောက်မျှမရှိသောအခြား
ဆရာတော်များမှာကားကြီးကားကောင်းတွေနှင့်ဖြစ်
နေသည်။ဆရောတော်အတွက်မော်တော်ကားတစ်
စီး ဝယ်ယူလှူဒါန်းနှိုင်အောင်ငါကြိုးစားမည်ဟု နှလုံး
သွင်းလျှက် အလုပ်ကိုကြိုးစားဆောင်ရွက်သည်ဟု
ဆိုသည်။

မကြာမီပင်မော်တော်ကားဝယ်နှိုင်သဖြင့် ဆရာတော်
၏ကျောင်းသို့မောင်းယူသွားပြီးဆရာတော်အားမိမိ၏
ယာဉ်အလှူကိုလျောက်ထားသောအခါ ဆရာတော်က
ဘုန်းကြီးနှင့်ယာဉ်မပတ်သက်လိုဟုဆိုကာလက်မခံ
နှိုင်ကြောင်းမိန့်သည်ဟုဆိုသည်။

ဒကာ၏မျက်နှာမသာမယာဖြစ်၍စိတ်မချမ်းမသာဖြစ်
နေပုံကိုရိပ်မိသိရှိသောဆရာတော်သည်ဒကာအား

“ကိုင်းကိုင်းဒကာကြီးလှူချင်သပဆိုရင်လဲလှူတာပေါ့”
ဟုဆိုကာ အလှူကိုလက်ခံလိုက်သည်ဟုဆိုသည်။

အလှူအထမြောက်သောအခါ ဆရာတော်ကဒကာ
အား”အခုဒီကားကဘုန်းကြီးကားဖြစ်သွားပြီဆိုတော့
ဘုန်းကြီးကြိုက်သလိုလုပ်လို့ရတယ်မဟုတ်လား”ဟု
မိန့်တော်မူရာ ဒကာက ဝမ်းသာအားရဖြင့်”မှန်လှပါ
လုပ်လို့ရပါတယ်ဘုရား”ဟုလျောက်သည်။

“ဒီလိုဆို ဒီကားကို ဒကာပြန်မောင်းယူသွားတော့ ဒ
ကာ့ကို ဘုန်းကြီးစွန့်လိုက်ပြီ ၊ဘုန်းကြီးသွားစရာရှိလို့
လိုအပ်ရင်ဒကာ့ဆီအကြောင်းကြားလိုက်ပါ့မယ်”ဟု
မိန့်ကြားသည်ဟူ၏  ။

တောင်မြို့ဂန္ဓာရုံဆရာတော်သည်လည်း မွေ့ယာအ
လှူကိုလက်ခံပြီးသော် ဓားနှင့်ခွဲ၍ အတွင်းမှရေမြှုပ်
များကိုထုတ်ပစ်သည်ဟုမှတ်ရဖူးသည် ။

မင်းကွန်းဆရာတော်သည်လည်းဆန်အလှူတော်များ
ကိုလက်ခံပြီး မာရ်နတ်ရဲ့ဆန်ဖြူတပ်မကြီးနဲ့တိုက်ပွဲ
ဝင်ရချေပြီဟုဆိုလျှက် အမြဲတမ်းပြန်လည်စွန့်ခဲ့သည်
ဟုဆိုပါသည် ။

ဤသည်မှာမာရ်နတ်၏ပထမတပ်မပင်ရှိသေးသည်။
နောက်ထပ်တပ်မများလာရန်များစွာကျန်သေးသည်။

            ၂ ။ မာရ်နတ်၏ဒုတိယတပ်မ
*****************
မာရ်နတ်၏ဒုတိယတပ်မကားမမွေ့လျော်ခြင်း
“အရတိ” ဖြစ်၏။

်ယေဘုယျအားဖြင့်လူများစုသည်မိမိတို့၏ကိုယ်ကျိုး
စီးပွားလုပ်ငန်းများ၌သာမွေ့လျော်တတ်ကြ၏။

အများအကျိုးပြုလုပ်ငန်းများ၌မွေ့လျော်ခြင်းမရှိကြ။

အမှန်အားဖြင့်အရာရာတိုင်း၌မွေ့လျော်ဖွယ်”ရတိ”
သည်ရှိသည်သာဖြစ်၏။ရှိသည်ဟူ၍ယုံကြည်အပ်၏။
ယုံကြည်ရုံမျှနှင့်မပြီး။

“ရတိ”ကိုရှာလိုသော”ဆန္ဒ”ရှိရဦးမည်။

“ဆန္ဒ”ရှိရုံမျှနှင့်မပြီး တွေ့အောင်ရှာမည်ဟူသော
ခိုင်မာသောဆုံးဖြတ်ချက်”အဓိမောက္ခ”ရှိရဦးမည်။

“အဓိမောက္ခ”ရှိရုံမျှနှင့်မပြီးထက်သန်သောဇွဲလုံ့လ
“ဝီရိယ”ရှိရဦးမည်။

“ဝီရိယ”ရှိရုံမျှနှင့်မပြီး စနစ်တကျရှာတတ်သော
အသိဉာဏ်”ပညာ”ရှိရဦးမည်။

ပညာ ရှိရုံမျှနှင့်မပြီးအစဉ်မမေ့မလျော့သော”သတိ”
ဖြင့်သတိပြုရှာမှသာအများအကျိုးပြုလုပ်ငန်း၌မွေ့
လျော်ဖွယ်”ရတိ”ကိုတွေ့မည်ဖြစ်၏။

ထိုသို့ရှာရာတွင်အဆင့်မြင့်အကျိုးစီးပွားအတွက်ဆို
လျှင်”ဣနြေ္ဒ”ငါးပါးကိုထိုက်သင့်သလို”ဣဒ္ဓိပါဒ်”
အဖြစ်ရောက်အောင်ကြိုးပမ်းဆောင်ရွက်မှသာလျှင်
“ရတိ”ကိုတွေ့နှိုင်မည်ဖြစ်၏။
(သဒ္ဓါ-သီလ-သမာဓိ-ပညာ-မန)ဣနြေ္ဒ ငါးပါး ထိုက်
သင့်သလို အစွမ်းထက်ပါမှ”ရတိ”ကိုတွေ့နှိုင်၏။

မိမိအတွက်ဆိုလျှင်ကာမ၌ပျော်မွေ့မှု့”ကာမရတိ”
ကိုတွေ့၍လောကအတွက်ဆိုလျှင်တရားမျှတမှု့နှင့်
ငြိမ်းချမ်းမှု့”ဓမ္မရတိ”ကိုတွေ့မည်ဖြစ်၏။

ပဋိသန္ဓေ ဉာဉ် နှင့် စရိုက် အလိုက်မိမိအကျိုးစီးပွား၌
“ရတိ”ကိုတွေ့၍အများအကျိုးစီးပွား၌’ရတိ”ကိုမတွေ့
သည်ကများ၏။

မမွေ့လျော်ခြင်း”အရတိ”ကိုတွေ့လေသောအခါထိုလုပ်
ငန်းမှအကြောင်းအမျိုးမျိုးပြ၍ရှောင်ခွာသွားကြ၏။
ဤသည်ကိုပင်မာရ်နတ်၏ဒုတိယတပ်မ၌ကျဆုံးခြင်း
ဟူ၍ဆိုရ၏။

              အကယ်၍အများ၏အကျိုးစီးပွားအတွက်
လုပ်သောလုပ်ငန်း၌”ရတိ”ကိုတွေ့အောင်ရှာနှိုင်သ
ဖြင့်မာရ်နတ်၏ဒုတိယတပ်မကိုနိုင်သည်ဆိုစေဦး
မာရ်နတ်၏တတိယတပ်မနှင့်တွေ့ဖို့ရှိသေး၏။

            ၃ ။ မာရ်နတ်၏တတိယတပ်မ
••••••••••••••••••••••••••••••
မာရ်နတ်၏တတိယတပ်မကားငတ်မွတ်ခြင်း
“ခုပ္ပိပါသာ”ဖြစ်၏။မိမိအကျိုးစီးပွားကိုပဓာနမထားပဲ
အများ၏အကျိုးစီးပွားလုပ်သူဟူသမျှသည်ငတ်မွတ်
ခြင်း”ခုပ္ပိပါသာ”ကိုတွေ့ရမြဲဖြစ်၏။

အကယ်၍ငတ်မွတ်ခြင်း”ခုပ္ပိပါသာ”၏ဒဏ်ကိုမခံနှိုင်
သဖြင့်အများ၏အကျိုးစီးပွားကိုအယောင်ပြ၍မိမိ
အကျိုးစီးပွားဆောင်ရွက်မည်ဆိုပါလျှင်မာရ်နတ်၏
တတိယတပ်မ၌ကျဆုံးသည်မည်ပေ၏။

မိမိအကျိုးစီးပွားဆောင်ရွက်ခြင်းဆိုသည်မှာ
အပူဇော်ခံရအောင်ပြုလုပ်ခြင်း နေရာရအောင်ပြုလုပ်
ခြင်း ထင်ပေါ်ကျော်ကြားအောင်ပြုလုပ်ခြင်း အခြား
တစ်နည်းနည်းဖြင့်မိမိအကျိုးအတွက်ရည်စူး၍ပြုလုပ်
ခြင်းတို့ဖြစ်ပါသည်။

          မည်သို့ပင်ဆိုစေ ယ္ခင်စစ်အာဏာရှင်လက်ထက်
တစ်လျောက်လုံးမတရားညှဉ်းပမ်းအနှိပ်စက်ခံခဲ့ရသော
ရဟန်းရှင်လူပြည်သူများမာရ်နတ်၏တပ်မများနှင့်ရင်
ဆိုင်တိုက်ပွဲဝင်ခဲ့ရသည်မှာယုံမှားစရာမရှိပေ။

ယ္ခုအချိန်တိုင်အောင်မာရ်နတ်၏ တပ်မများ ၌ ဦးမ
ညွတ်ပဲလာလတ္တံ့သောမာရ်နတ်၏တပ်မများကိုရင်
ဆိုင်တိုက်ပွဲဝင်နေသည့်သူရဲကောင်းရဟန်းရှင်လူပြည်
သူများစွာ ကိုမြင်တွေ့နေရဆဲဖြစ်ပါ၏။

            ၄ ။ မာရ်နတ်၏စတုတ္ထတပ်မ
*****************
မာရ်နတ်၏ခုပ္ပိပါသာတပ်မကိုနိုင်အောင်တိုက်နှိုင်
သည်ဆိုပါစို့။မာရ်နတ်၏စတုတ္ထတပ်မဖြစ်သောပျင်း
ရိခြင်း”တန္ဒီ”ကစောင့်ကြိုနေပေသေးသည်။

“ဓမ္မတာ”
အရမိမိအကျိုးစီးပွားကိုပဓာနပြု၍ဆောင်ရွက်သူက
အများစုဖြစ်၏။အများအကျိုးစီးပွားကိုပဓာနပြု၍ဆောင်
ရွက်သူကအနည်းစုသာဖြစ်၏။

ထိုအခါအများစု၏အားပေးကူညီပံ့ပိုးမှု့ကိုမရဖြစ်
တတ်၏။အနည်းစုသည်မနိုင်ဝန်ကိုထမ်းရဘိသ
ကဲ့သို့ဖြစ်၏။ပင်ပန်းလှ၏။

ထိုအခါပဓာနလုပ်ငန်းမှသက်သာသလိုနေချင်လာ၏။
သင့်လျော်သလိုအဆင်ပြေသလိုဖြစ်သလိုလုပ်ချင်လာ
၏။

အများစု၏အားပေးကူညီမှု့ကိုမရသောအခါအား
ကြိုးမာန်တက်မဆောင်ရွက်တော့ပဲသက်သက်သာ
သာလုပ်ချင်လာ၏။ဤသည်ကိုပင်ပျင်းရိခြင်း”တန္ဒီ”
ဟူ၍ဆိုရ၏။

ပျင်းရိခြင်း”တန္ဒီ”ဝင်လာလျှင်မာရ်နတ်၏
စတုတ္ထတပ်မ၌ကျဆုံးသည်မည်၏။

               ၅ ။ မာရ်နတ်၏ပဉ္စမတပ်မ
***************
အကယ်၍ပျင်းရိခြင်း”တန္ဒီ”ကိုနိုင်စေဦးမာရ်နတ်၏
ပဉ္စမတပ်မနှင့်တွေ့ရန်ရှိ၏။ပဉ္စမတပ်မကားငိုက်မျဉ်း
ခြင်း”ထိနမိဒ္ဓ”ဖြစ်၏။

ပင်ပန်းလွန်းသောအခါ စိတ် ဓာတ်ကြံ့ ခိုင်သဖြင့်ပျင်း
ရိခြင်းကိုနိုင်စေကာမူငိုက်မျဉ်းခြင်း”ထိနမိဒ္ဓ” သည်
ဝင်လာနှိုင်၏။

မိမိ၏လုပ်ငန်း၌မလုပ်ပဲငိုက်မျဉ်းနေပါကမာရ်နတ်၏
ပဉ္စမတပ်မဖြစ်သော”ထိနမိဒ္ဓ”၌ကျဆုံးသည်မည်၏။

            ၆ ။ မာရ်နတ်၏ဆဋ္ဌမတပ်မ
****************
အကယ်၍ငိုက်မျဉ်းခြင်းထိနမိဒ္ဓကိုနိုင်သည်ဆိုစေ
ဦးဆဋ္ဌမတပ်နှင့်တွေ့မည်ဖြစ်၏။ဆဋ္ဌမတပ်မကား
ကြောက်ရွံ့ခြင်း”ဘီရူ”ဖြစ်၏။

ခန္ဓာကိုယ်ကလည်းပင်ပန်းအနားယူချိန်လည်းမရ
သောအခါနေမကောင်းထိုင်မသာဖြစ်လာပြီး
ကြောက်ရွံ့မှု့”ဘီရူ”ဝင်လာ၏။

ကြောက်ရွံ့မှု့ဘီရူကြောင့်မိမိလုပ်ငန်းကိုဆက်မလုပ်
ပါကမာရ်နတ်၏ဆဋ္ဌမတပ်၌ကျဆုံးသည်မည်၏။

အမှန်မှာအများအကျိုးဆောင်ရွက်သောစိတ်သည်
နှယ်နှယ်ရရကုသိုလ်စိတ်မဟုတ်။အလွန်အင်အား
ကြီးမားသောစွမ်းရည်ရှိသည့်ကုသိုလ်စိတ်ဖြစ်၏။

ထိုကုသိုလ်စိတ်ကြောင့်ဖြစ်သောစိတ္တဇရုပ်များသည်
ကျန်းမာရေးပျက်ပြားစေမည့်အန္တရာယ်စိတ္တဇရုပ်များ
ကိုပယ်နှိုင်သည်သာဖြစ်၏။ကြောက်ရွံ့မှု့”ဘီရူ”ဖြစ်စ
ရာအကြောင်းမရှိ။

ဝေဘူဆရာတော်ကြီး၏မိန့်မှာချက်မှာမှတ်သားစရာ
ကောင်းလှ၏။

အကျိုးမဲ့သေခြင်းမျိုးဖြင့်သေခဲ့ရသောဘဝပေါင်းကား
များလှပေပြီ။ယ္ခုလိုအကျိုးရှိရှိသေခြင်းမျိုးမသေခဲ့ရ
ဘူးသေး။

အကျိုးရှိရှိသေချင်နေသည်မှာကြာလှပြီသေပါစေ
နည်းနည်းမှမလျော့ ဟူသောခံယူချက်ဖြင့်သာ
လုပ်ပါက”ဘီရူ”ကိုမအောင်မြင်နှိုင်စရာဘာမျှမရှိ။

အမှန်မှာကြောက်ရွံ့မှု့”ဘီရူ”သည်”ငါ”ရှိနေ၍သာ
ဖြစ်ပေါ်လာနှိုင်ခြင်းဖြစ်၏။

“ငါ”မရှိလျှင်”ဘီရူ”သာမကအခြားသောမာရ်နတ်၏
တပ်များကိုလည်းနိုင်မည်ဖြစ်၏။

            ထို့ကြောင့်အရေးအကြီးဆုံးအချက်အနေ
ဖြင့်အစဉ်သတိပြုရန်ကားမည်သည့်လုပ်ငန်းကိုလုပ်
လုပ်”ငါ”ကိုပါဝင်မလာအောင် အကယ်၍ပါဝင်လာပါ
ကလည်း”ငါ”ကိုဦးစားမပေးမိအောင်လုပ်တတ်ဖို့လို၏။

ငါ အစား သူ ကိုဦးစားပေးလုပ်မည်ဆိုလျှင်မာရ်နတ်
၏ဆဋ္ဌမတပ်မ”ဘီရူ”ကိုနိုင်မည်ပင်ဖြစ်၏။

          ၇ ။ မာရ်နတ်၏သတ္တမတပ်မ
*****************
မာရ်နတ်၏ဆဋ္ဌမတပ်မ”ဘီရူ”ကိုနိုင်သည်
ဆိုစေဦး။သတ္တမတပ်မ ဖြစ်သော ယုံမှားမှု့
“ဝိစိကိစ္ဆာက”စောင့် ကြိုနေပေသည်။

လုပ်ငန်းများကိုလုပ်ရာ၌မည်သည့်လုပ်ငန်း
ကိုလုပ်လုပ်မိမိတို့ရည်ရွယ်ထားသည့်
အတိုင်းဖြစ်ချင်မှဖြစ်မည်။

အကြောင်းတရားများပြည့်စုံသောအခါ
အကျိုးတရားသည်ပေါ်ပေါက်လာရ၏။
ဤသည်မှာအကြောင်းအကျိုးဆက်သွယ်မှု့အရ
ဓမ္မတာသဘောဖြစ်၏။

မှန်ကန်သောအကြောင်းတရားများပြည့်စုံလာ
ရန်အမြင်မှန်မှု့ဒိဋ္ဌိဝိသုဒ္ဓိသည်အရေးပါ၏။

အမြင်မှန်မှု့(ဒိဋ္ဌိဝိသုဒ္ဓိ)သည်စိတ်ဓာတ်ဖြူစင်မှု့
“စိတ္တဝိသုဒ္ဓိ”ရှိမှဖြစ်နှိုင်၏။

စိတ်ဓာတ်ဖြူစင်မှု့သည်ကိုယ်ကျင့်သိက္ခာမြင့်မားမှု့
“သီလဝိသုဒ္ဓိ”ရှိမှဖြစ်နှိုင်၏။

ကိုယ်ကျင့်သိက္ခာမြင့်မားမှု့သည်ငါနှင့်ငါ့အကျိုး
(အတ္တနှင့်အတ္တနိယ)ဖယ်ရှားထားနှိုင်မှု့
“စိတ္တပရိယောဒါပန” ရှိမှသာဖြစ်နှိုင်၏။

      ဂန္ဓာရုံဆရာတော်သည်ဤသည်ကိုရည်ရွယ်၍
“စိတ်ကောင်းရှိဖို့ပဓာန” ဟုမိန့်ခဲ့ဟန်ရှိပါသည်။

ဤသို့ဆောင်ရွက်လျင်လုပ်ငန်းများကိုအလင်း”ဝိဇ္ဇာ”
အောက်၌လုပ်သည်ဟုဆိုရ၏။သို့မဟုတ်ပါကအ
မှောင်”အဝိဇ္ဇာ” အောက်၌လုပ်သည်ဟုဆိုရ၏။

လယ်တီဆရာတော်၏ ဝေါဟာရ ဖြင့်ဆိုရ လျင်မှောင်
တွင်းသားတို့၏လုပ်နည်းလုပ်ဟန်ဟုဆိုရမည်ဖြစ်၏။

        “အန္ဓီဘူတော အယံ လောကော”
အရ လောက သည်ဓမ္မတာအားဖြင့် အမှောင်ထဲ ၌
သာလုပ်ငန်း ကို လုပ်တတ်၏။

အများ အကျိုးစီးပွား အတွက်ဆောင် ရွက်လျှင်
“တနုကေတ္ထ ဝိပဿတိ” အရအလင်းထဲ၌လုပ်
သည်မည်၏။

အောင်မြင်မှု့မအောင်မြင်မှု့နှင့်ပတ်သက်၍ယုံမှားမှု့
“ဝိစိကိစ္ဆာ”ဖြစ်စရာဘာမျှမလို။

ဦးတည်ချက်နှင့်လုပ်နည်းလုပ်ဟန်မှန်ဖို့သာလိုသည်။
ပန်းတိုင်သို့ရောက်မည်ကားဧကန်ဖြစ်၏။

အချိန်ကာလနှင့်ပတ်သက်၍သာပြောစရာရှိပါ၏။
အကြောင်းတရားများပြည့်စုံသောအခါပန်းတိုင်ကို
ရောက်မည်သာဖြစ်၏။

        ထို့ကြောင့်အများအကျိုးအတွက်စိတ်ကောင်း
ဖြင့်လုပ်မည်ဆိုလျှင်မာရ်နတ်၏သတ္တမတပ်မဖြစ်သော
“ဝိစိကိစ္ဆာ”ကိုနိုင်အောင်တိုက်နှိုင်မည်သာဖြစ်၏။

              ၈ ။ မာရ်နတ်၏အဋ္ဌမတပ်မ
••••••••••••••••••••••••••
မာရ်နတ်၏သတ္တမတပ်မ”ဝိစိကိစ္ဆာ”ကိုနိုင်အောင်
တိုက်နှိုင်သည်ဆိုစေဦးမာရ်နတ်၏အဋ္ဌမတပ်မဖြစ်
သောကျေးဇူးကန်းမှု့”မက္ခ”နှင့်တစ်စင်ထောင်မှု့”ထမ္ဘ”
တို့ ကိုတွေ့ရဦးမည်ဖြစ်သည်။

        လုပ်ငန်း၏အောင်မြင်ရိပ်ကိုတွေ့သည်နှင့်ရှေ့
သွားပုဂ္ဂိုလ်တို့၏ကျေးဇူးကိုအသိအမှတ်မပြုနှိုင်ဖြစ်
လာတတ်သည်။

ဤတပ်မသည်အခြားသောတပ်မများထက်ပို၍သိမ်
မွေ့သည်။အတိုက်ခံရမှန်းမသိလိုက်ပဲကျဆုံးတတ်
သည်။

“အပ္ပမာဒ”တရားကိုလက်ကိုင်မထားနှိုင်လျှင်ဤတပ်၌
ဧကန်ကျဆုံးဖို့ရှိ၏။

အလောင်းစည်သူမင်းကြီးသည် ဘေးတော်ဘိုးတော်
များကို အထင်သေးသောစိတ် စော်ကားလိုသော
စိတ်ဖြင့်မဟုတ်ပဲသဘောရိုးဖြင့်ပြစ်မှားဖူး၏။

သို့ရာတွင်မာရ်နတ်ကမူသဘောရိုးလားသဘောဆန်း
လားဟုမတွက်မေ့လျော့သူကိုမညှာမတာချေမှုန်းဖို့
မှာသူ၏လုပ်ငန်းဖြစ်၏။

အလောင်းစည်သူမင်းကြီးသည်သူ၏ယုံကြည်ချက်
အတိုင်းသာနှုတ်မြွက်ခြင်းဖြစ်ပါ၏။

          “ဘေးတော်ဘိုးတော်များသည် ငါ့လောက်
ဘုန်းမကြီး” ဟုဆိုမိသည်နှင့်တစ်ပြိုင်နက်အလောင်း
စည်သူမင်းကြီး၏မျက်စိများကွယ်လေသည်ဟုရာဇ
ဝင်ဆရာတို့ဆိုကုန်၏။

        မေ့လျော့ခြင်း”ပမာဒ” တရားဖြင့်တိုက်ပွဲဝင်နေ
သူများသတိထားဖို့လိုပါသည်။

မမေ့မလျော့ခြင်း”အပ္ပမာဒ” တရားကိုလက်ကိုင်ထား
နှိုင်မှမာရ်နတ်၏အဋ္ဌမတပ်မဖြစ်သော သူ့ကျေးဇူးကို
ချေဖျက်မှု့”မက္ခ”နှင့်မိမိကိုယ်ကိုတစ်စင်ထောင်မှု့
“ထမ္ဘ”တို့ကိုအနိုင်တိုက် နှိုင်မည်ဖြစ်ပါသည်။
ွ
၉ ။ မာရ်နတ်၏နဝမတပ်မ
••••••••••••••••••••••
မာရ်နတ်၏အဋ္ဌမတပ်မ ကိုနိုင်အောင်တိုက်နှိုင်သည်
ဆိုစေဦး မာရ်နတ်တွင်နဝမတပ်မသည်ရှိသေး၏။နဝ
မတပ်မကားတွယ်တာခြင်း”တဏှာ”နှင့်အထင်ကြီး
ခြင်း”မာန”တို့ဖြစ်ကြ၏။

မည်သူမဆိုလုပ်ငန်းများကိုလုပ်ရာ၌အောင်မြင်သည်
နှင့်အမျှမိမိပတ်လည်တွင်ပရိဿတ်များဝိုင်းဝိုင်း
လည်လာ၏။

လာဘ်သပ်ပကာများဖြင့်ပူဇော်ကြ၏။
အလေးပြုကြ၏။ဦးတိုက်ကြ၏။ဦးညွတ်ကြ၏။ဘာ
ပြောပြောဘာလုပ်လုပ်သြဘာပေးကြ၏။ခေတ်ပြိုင်
တွင်အတူမရှိသူဟုဆိုကြ၏။ကယ်တင်ရှင်အဖြစ်ချီး
ပသူတွေမနည်းမနောရှိ၏။

ပြောရလျှင်ထိုအခြေအနေတွင်တွေ့ကြုံရမှု့မှန်သမျှ
မှာအားလုံးမက်မောစရာဂုဏ်ယူစရာများသာဖြစ်၏။

အောင်မြင်မှု့မြင့်မားလာလေလေအနားသို့ကပ်လာ
သောပရိသတ်မှာလည်းအမျိုးအစားစုံလေလေ
ဖြစ်၏။

အမှန်အားဖြင့်မက်မောစရာဂုဏ်ယူစရာများမှာ
မိမိကိုသတ်မည့်မာရ်နတ်၏ဘက်တော်သားများ
သာလျှင်ဖြစ်၏။

မိမိ၏ဘက်တော်သားဟုအထင်မှားပြီးတွယ်တာမိ
လျှင်ဖြစ်စေမိမိကိုပူဇော်သင့်ပေသည်ဟုအထင်
ရောက်မိလျှင်ဖြစ်စေမာရ်နတ်၏နဝမတပ်၌ကျဆုံး
သည်မည်၏။

မာရ်နတ်၏နဝမတပ်မသည်မိမိလုပ်ငန်း၌ကျွမ်း
ကျင်လိမ္မာ၏။

မာရ်နတ်၏နဝမတပ်မကိုတိုက်မည်ဆိုလျှင်ငါနှင့်
ငါ့ဥစ္စာ”အတ္တနှင့်အတ္တနိယ”ကိုတတ်နှိုင်သလောက်
လျစ်လျူရှု့ထားရ၏။

သာယာဖွယ်များကိုလျစ်လျူရှု့နှိုင်သော”ဥပေက္ခာ”
ဖြင့်သာမာရ်နတ်၏”နဝမတပ်မ”တဏှာနှင့်မာန”
ကိုနိုင်အောင်တိုက်နှိုင်၏။

ဤနေရာ၌”ဥပေက္ခာ”ကိုလျစ်လျူရှု့မှု့နှင့်လောကဓံ
တရားများအပေါ်အညီအမျှထားနှိုင်မှု့တို့ကိုဆိုပါသည်။ု

          ၁၀ ။ မာရ်နတ် ၏ ဒဿမ တပ်မ
******************
မာရ်နတ်၏ဒဿမတပ်မသည်ရှိသေး၏။
ဒဿမတပ်မတွင်မိမိကိုယ်မိမိချီးမြှောက်ပြောဆိုခြင်း
(အတ္တုက္ကံသန)နှင့်သူတစ်ပါးကိုနှိမ့်ချပြောဆိုခြင်း
(ပရဝမ္ဘန)တို့ပါဝင်၏။ထိုတပ်မသည်လည်းအောင်မြင်
အောင်တိုက်နှိုင်ဖို့ခက်ခဲ၏။

မိမိဂုဏ်ကိုထုတ်ဖော်ပြောဆိုသူကိုသူယုတ်ဟူ၍ပင်
လောကနီတိ၌ဖော်ပြထား၏။

အမှန်အားဖြင့်ဤလောက၌နှိမ့်ချပြောဆိုလောက်
အောင်အသုံးမကျသည့်သက်ရှိသက်မဲ့ဟူ၍မရှိ။

အသုံးမချတတ်ခြင်းသာရှိ၏။
အသုံးပြုပုံလွဲမှားခြင်းသာရှိ၏။
အသုံးမကျခြင်းအသုံးမဝင်ခြင်းသည်မရှိ။

သို့ဖြစ်ပါလျှက်လက်တွေ့ဘဝ၌လူ့လောကသည်မိမိ
ကိုယ်ကိုချီးမြှောက်လျှက်သူတစ်ပါးကိုနှိမ့်ချဆက်
ဆံတတ်ကြသည်။

မာရ်နတ်၏ပရိယာယ်ကိုမသိမမြင်နှိုင်သော
ကြောင့်ဖြစ်သည်လည်းရှိ၏။သိမြင်ပါလျှက်
လက်နက်ကောင်းကိုဆောင်မထားနှိုင်သော
ကြောင့်ဖြစ်သည်လည်းရှိ၏။

မာရ်နတ်၏ဒဿမတပ်မကိုအနိုင်တိုက်ဖို့
ဆိုလျှင်”ကတညုတ”မျက်စိရှိဖို့လို၏။

“ကတညုတ”မျက်စိဖြင့်ကြည့်လျှင်လောကရှိအရာ
ရာသည်သူ့နေရာနှင့်သူအသုံးကျသည်ချည်းဖြစ်၏။
်
မာရ်နတ်၏ဒဿမတပ်မကိုအနိုင်တိုက်နှိုင်ဖို့ဆိုသည်
မှာအလွန်ခက်ခဲ၏။လောကကို”ကတညုတ”မျက်
စိဖြင့်ကြည့်တတ်ဖို့ဆိုသည်မှာလွန်စွာခက်ခဲ၏။

အရာရာကိုတန်းတူထားမိလျှင်
“ကတညုတ”မင်္ဂလာပျက်၏။
အသုံး ပြုပုံမှန်ကန်မှု့မရှိလျှင်ဘေးဒုက္ခဖြစ်တတ်၏။

အသုံးချပုံမှားယွင်းလျှင်
ဆေးကြောင့်ဖြစ်သောရောဂါသည်အကုရခက်သလို
ဆေးကိုမှိဝဲလေရောဂါသည်းလေဖြစ်တတ်၏။

သက်မဲ့လောကရှိအရာဝတ္ထုများကိုလည်းသူ့နေရာနှင့်
သူအသုံးချတတ်ဖို့လို၏။

ချုံနွယ်ပိတ်ပေါင်းကို
နေရာတကာတွင်ရှင်သန်ခွင့်ပေးလို့မရ။ရှင်းသင့်လျှင်
ရှင်းရ၏။ထားသင့်လျှင်ထားရ၏။အရိပ်ရသစ်ပင်များ
ကိုပြုစုပျိုးထောင်ရ၏။ထိမ်းသိမ်းစောင့်ရှောက်ရ၏။

သက်ရှိများနှင့်ပတ်သက်လျှင်ပို၍အထူးသတိထား
သင့်၏။မှားယွင်းဆောင်ရွက်မိလျှင်အကျိုးမဖြစ်ရုံမျှ
မကများစွာဆုံးရှုံးရတတ်၏။

ပုထုဇဉ်တို့၏အသိများမှာအရိယာတို့၏နယ်တွင်
သစ္စာမထိုက်စေကာမှုပုထုဇဉ်သိစရာများနှင့်ပုထုဇဉ်
အသိများမှာပုထုဇဉ်တို့၏နယ်ပယ်တွင်သစ္စာထိုက်၏။

လောက ကိုကြည့်ရာတွင်အားလုံးကိုတစ်တန်း
တစ်စားတည်း ထား၍ ကြည့်ရမည် မဟုတ်။

ပုထုဇဉ်အနေဖြင့်တစ်ခုတည်းကိုမြင်တတ်သည့်
“အဘေဒ”အမြင်သည်မရှိ။

မိမိ၌ မရှိသော အမြင်ဖြင့် လုပ်ဆောင်လျှင်အမြင်နှင့်
အလုပ် တစ်ဖြောင့်တည်း မဖြစ်နှိုင်။

“သုဟုဇု” ဟုခေါ်သောရိုးဂုဏ်ပျက်သဖြင့် “သစ္စာ”
လည်းပျက်တော့၏။အပြော တစ်ခြား အလုပ်
တစ်ခြားဖြစ်ရတော့၏။

ပုထုဇဉ်တို့၏သိစရာများနှင့်အသိသည်
အများကိုမြင်သည့်”ဘေဒ”သဘောရှိ၏။

ဘေဒ သဘောအရ လောကကိုကြည့်ရာတွင်
၁။ကာလဓမ္မ
၂။ဒေသဓမ္မ
၃။ကုလစာရဓမ္မ
၎။သီလဓမ္မ
၅။သမထဓမ္မ
၆။ဝိပဿနာဓမ္မ  တို့အရကြည့်ရ၏။

ဤသို့ကြည့်ခြင်းမှာဘက်လိုက်သောသဘော
မျိုးသို့သက်ရောက်ခြင်းမရှိ။ကျေးဇူးနှင့်ဂုဏ်ကိုသိ
တတ်ခြင်း”ကတညုတ”သဘောမျိုးသာဖြစ်၏။

ထိုသဘောမျိုးဖြင့်မကြည့်လျှင်မရိုးဖြောင့်သောအ
မြင်ပင်ဖြစ်၏။ကံသုံးပါးတစ်ဖြောင့်တည်းမကျသော
ကြောင့်သစ္စာပျက်၏။

ကျေးဇူးရှိသူကိုကျေးဇူးမဲ့သူနှင့်တစ်တန်းစားတည်း
ထားမိလျှင်မင်္ဂလာပျက်၏။မာရ်နတ်၏ဒဿမတပ်မ
ကိုနိုင်အောင်တိုက်ဖို့ဆိုလျှင်”ကတညုတ”
လက်နက်ပါမှဖြစ်နှိုင်၏။

ကတညုတ လက်နက်ဖြင့်တိုက်လျှင်မာရ်နတ်၏
ဒဿမတပ်မကိုလည်းနိုင်အောင်တိုက်နှိုင်မည်သာ
ဖြစ်၏။

Ref: http://thansoe-mda.blogspot.sg/2014/01/ten-army-part-one.html

ဓမ္မမှတ်စုများ (၆) – ဓမ္မကထိကများအတွက် တရားငါးမျိုး – ဥဒါယီသုတ် – ပဉ္စကနိပါတ် – အင်္ဂုတ္တရနိကာယ်

“အာနန္ဒာ သူတစ်ပါးတို့အား တရားဟောရန် မလွယ်ကူ၊ အာနန္ဒာ သူတစ်ပါးတို့အား တရားဟောလိုသူသည် တရားငါးမျိုးတို့ကို မိမိသန္တာန်၌ ဖြစ်စေ၍ ဟောကြားရမည်။

အဘယ်ငါးမျိုးတို့နည်းဟူမူ-

”အစဉ်အတိုင်းဖြစ်သော တရားစကား ‘အနုပုဗ္ဗိကထာ’ ကို ဟောမည်”ဟု (နှလုံးသွင်းလျက်) သူတစ်ပါးတို့အား တရားဟောရမည်။

”(အကျိုးအားလျော်သော) အကြောင်းကို ပြလျက် တရားစကားကို ဟောမည်”ဟု (နှလုံးသွင်းလျက်) သူတစ်ပါးတို့အား တရားဟောရမည်။

”အစဉ်သနားခြင်းကို အစွဲပြု၍ တရားစကားကို ဟောမည်”ဟု (နှလုံးသွင်းလျက်) သူတစ်ပါးတို့ အားတရားဟောရမည်။

”အာမိသကို မငဲ့ကွက်သော စိတ်ရှိသည်ဖြစ်၍ တရားစကားကို ဟောမည်”ဟု (နှလုံးသွင်းလျက်) သူတစ်ပါးတို့အား တရားဟောရမည်။

”မိမိကိုယ်ကိုလည်းကောင်း၊ သူတစ်ပါးကိုလည်းကောင်း မထိပါးမပုတ်ခတ်မူ၍ တရားစကားကိုဟောမည်”ဟု (နှလုံးသွင်းလျက်) သူတစ်ပါးတို့အား တရားဟောရမည်။

အာနန္ဒာ သူတစ်ပါးတို့အား တရားဟောရန် မလွယ်ကူ၊ အာနန္ဒာ သူတစ်ပါးတို့အား တရားဟောလိုသူသည် ဤ တရားငါးမျိုးတို့ကို မိမိသန္တာန်၌ ဖြစ်စေ၍ ဟောကြားရမည်ဟု (မိန့်တော်မူ၏)။”

”န ခေါ၊ အာနန္ဒ၊ သုကရံ ပရေသံ ဓမ္မံ ဒေသေတုံ။ ပရေသံ၊ အာနန္ဒ၊ ဓမ္မံ ဒေသေန္တေန ပဉ္စ ဓမ္မေ အဇ္ဈတ္တံ ဥပဋ္ဌာပေတွာ ပရေသံ ဓမ္မော ဒေသေတဗ္ဗော။ ကတမေ ပဉ္စ အနုပုဗ္ဗိံ ကထံ [မူကွဲ-အာနုပုဗ္ဗိကထံ (သီ)] အနုပုဗ္ဗိကထံ (သျာ၊ ပီ၊ က၊)] ကထေဿာမီ’တိ ပရေသံ ဓမ္မော ဒေသေတဗ္ဗော၊ ပရိယာယဒဿာဝီ ကထံ ကထေဿာမီ’တိ ပရေသံ ဓမ္မော ဒေသေတဗ္ဗော၊ ‘အနုဒ္ဒယတံ ပဋိစ္စ ကထံ ကထေဿာမီ’တိ ပရေသံ ဓမ္မော ဒေသေတဗ္ဗော၊ န အာမိသန္တရော ကထံ ကထေဿာမီ’တိ ပရေသံ ဓမ္မော ဒေသေတဗ္ဗော၊ ‘အတ္တာနဉ္စ ပရဉ္စ အနုပဟစ္စ ကထံ ကထေဿာမီ’တိ ပရေသံ ဓမ္မော ဒေသေတဗ္ဗော။ န ခေါ၊ အာနန္ဒ၊ သုကရံ ပရေသံ ဓမ္မံ ဒေသေတုံ။ ပရေသံ၊ အာနန္ဒ၊ ဓမ္မံ ဒေသေန္တေန ဣမေ ပဉ္စ ဓမ္မေ အဇ္ဈတ္တံ ဥပဋ္ဌာပေတွာ ပရေသံ ဓမ္မော ဒေသေတဗ္ဗောတိ။”

(၁) အနုပုဗ္ဗိကထာ = Foundation ကိုအရင်ပြော (အခြေခံကျသော သီလစောင့်ထိန်းမူကိုအရင်ပြောပါ။)

(၂) ပရိယာယဒဿာဝီကထာ = Visualization လုပ် (တရားနာသူနားလည်အောင် စကားပရိယာရ်ဆင်၍လည်းကောင်း အသွင်အမျိုးမျိုးဖြင့်ပြောပြခြင်း။ IT နားလည်သောဓမ္မဆရာများ ကိုယ်တတ်ကျွမ်းသော ပညာဖြင့်သာသနာပြုနိုင်ပါသည် – ဥပမာ – Power Point)

(၃) အနုဒ္ဒယတံပဋိစ္စကထာ = ဂရုဏာထား၍ဟော ကိုယ်သိ ကိုယ်တတ် (မာန) မထား၍ မနိုပ်စက်သောစေတနာဖြင့် (ဓမ္မကထိကများသည်သာမာန်သူများထက် ပိုကုသိုလ်ကောင်း၍ပိုသိကြပါသည်။ ယင်းကိုအကြောင်းပြု၍ မာနဝင်သောကြောင့် အထူးသတိထားပါ။)

(၄) နအာမိသန္တရောကထာ = အလှူပစ္စည်းကိုတောင့်တသောအားဖြင့်တရားမဟောရ

(၅) အတ္တာနဉ္စ ပရဉ္စ အနုပဟစ္စကထာ = ကိုယ့်အကျိုး သူများအကျိုးမရှိသောစကား (ဥပမာ – ဘာသာရေးတွင် သူသာသည် ငါသာသည် ငြင်းခုံခြင်း – သူများဘာသာကို အပြစ်ပြော၍ ကိုယ့်ဘာသာသာကောင်းကြောင်းပြောခြင်း)

 ဥဒါယီသုတ် – ပဉ္စကနိပါတ် – အင်္ဂုတ္တရနိကာယ်

Ref: http://tipitakamyanmar.blogspot.sg/2010/03/blog-post_292.html

မဂ္ဂင်(၈)ပါး တရားတော်အကျဉ်း – ဗုဒ္ဓဘာသာအား ယုံကြည်ကိုးကွယ်ခြင်းမှတ်စု

၁။ သမ္မာဒိဌိ(အမှန်သိခြင်း)။ အနိစ္စ၊ ဒုက္ခ၊ အနတ္တ လက္ခဏာရေး(၃)ပါးကို တကယ်သိနေခြင်း၊ ထို့ပြင်-
(က) ဒုက္ခောဉာဏံ။ ဆင်းရဲခြင်းတို့ကို မှန်စွာသိခြင်း။
(ခ) ဒုက္ခသမုဒယောဉာဏံ။ ဆင်းရဲခြင်းဖြစ်ရခြင်းတရားကိုသိခြင်း။
(ဂ) ဒုက္ခနိရောဓဉာဏံ။ ဆင်းရဲခြင်းတို့၏ ချုပ်ငြိမ်းရာ နိဗ္ဗာန်ကိုသိခြင်း။
(ဃ) ဒုက္ခနိရောဓဂါမိနိပဋိပါဒယဉာဏံ။ ဆင်းရဲခြင်းတို့၏ ချုပ်ငြိမ်းရာအကျင့်ကိုသိခြင်း။
၂။ သမ္မာသင်္ကပ(အမှန်ကြံစည်ခြင်း)။ ရုပ်နာမ်တို့ သူ့သဘောသူဆောင်နေခြင်းကို ရှုမြင်ခြင်း-
(က) နေက္ခမ္မသင်္ကပ္ပေါ။ လောကီအာရုံ ကာမဂုဏ်၌ ခုံမင်တွယ်တာခြင်းမှလွတ်ကင်းလိုသောကြံစည်မှု
(ကာမ၀ိတက်)။
(ခ) အဗျာပါဒသင်္ကပ္ပေါ။ နှလုံးမသာခြင်း၊ အမျက်ထွက်ခြင်းမှ ကင်းသောကြံစည်မှု(ဗျာပါဒ၀ိတက်)။
(ဂ) ၀ိဟီသာသင်္ကပ္ပေါ။ နှိပ်စက်ညှင်းဆဲခြင်း၊ အနိုင်ရလိုခြင်းတို့မှ ကင်းသောကြံစည်ခြင်း (၀ိဟိံ
သ၀ိတက်)။
၃။ သမ္မာဝါစာ(အမှန်ပြောခြင်း)။ မုသာဝါဒ – မုသားမပြောခြင်း၊ ပိသုဏ၀ါစာ – ကုန်းမတိုက်ခြင်း၊ ဖရုဿဝါစာ – သူတစ်ပါးနားမခံသာအောင် ကြမ်းတမ်းစွာမပြောဆိုခြင်း၊ သမ္ဖပ္ပလာပ၀ါစာ – အနှစ်မပါ
လုပ်ကြံ၍မပြောဆိုခြင်း၊ ၀စီစရိုက်(၄)ပါးရှောင်ကြဉ်ခြင်း။
၎။ သမ္မာကမန္တ(အမှန်လုပ်ခြင်း)။ ပါဏာတိပါတ – သူ့အသက်ကိုမသတ်ခြင်း၊ အဒိန္နဒါန-သူ့ဥစ္စာကိုမခိုး
ခြင်း၊ ကာမေသုမိစ္ဆာစာရ – သူ့အိမ်ယာကိုမပြစ်မှားခြင်း၊ ကာယဒုစရိုက်(၃)ပါးကိုရှောင်ကြဉ်ခြင်း။
၅။ သမ္မာအာဇီဝ(အမှန်အသက်မွေးခြင်း)။ မိစ္ဆာအာဇီဝ – မှားယွင်းသောအသက်မွေးခြင်းကို ပယ်စွန့်၍
အသက်မွေးခြင်း၊ ကာယဒုစရိုက်(၃)ပါး၊ ၀စီဒုစရိုက်(၄)ပါး၊ ပေါင်း(၇)ပါးရှောင်၍ အသက်မွေးခြင်း။
၆။ သမ္မာဝါယာမ(အမှန်အားထုတ်ခြင်း)။ နိဗ္ဗာန်ရောက်ကြောင်းတရားကိုသာ အားထုတ်ခြင်း-
(က) မဖြစ်ပေါ်သေးတဲ့ အကုသိုလ်တရားများ မဖြစ်ပေါ်စေရန် မိမိ ကိုယ်၊စိတ်၊ နှလုံးသုံးပါးစလုံးကို
စောင့်ထိန်းခြင်း။
(ခ) ဖြစ်ပြီးသော အကုသိုလ်တရားများ ပယ်ဖျောက်ပစ်ရန် မိမိစိတ်ကို ဆောက်တည်ခြင်း။
(ဂ) မဖြစ်ပေါ်သေးတဲ့ ကောင်းမှုကုသိုလ်တရားတို့ ဖြစ်ပေါ်လာစေရန် မိမိ ကိုယ်၊စိတ်၊နှလုံးသုံးပါး
စလုံးအားထုတ်ခြင်း။
(ဃ) ဖြစ်ပြီးသော ကောင်းမှုကုသိုလ်တို့ကို စည်ပင်ပြန့်ပွားစေရန် မိမိစိတ်ကို တည်ဆောက်ခြင်း။
၇။ သမ္မာသတိ(အမှန်အောက်မေ့ခြင်း)။ ရပ်သော်လည်းကောင်း၊ သွားသော်လည်းကောင်း၊ ထိုင်သော်
လည်းကောင်း၊ လျောင်းသော်လည်းကောင်း ဣရိယာပုဒ်(၄)ပါး၌ သတိရှိနေခြင်း။ ထို့ပြင်-
(က) အဘိဇ္ဈာ – မနာလိုဝန်တိုခြင်း။
(ခ) ဒေမနဿ – နှလုံးမသာခြင်း၊ ဒေါသဖြစ်ခြင်းတရားများ ပယ်ဖျောက်စိတ်ကိုသန့်ရှင်းစင်ကြယ်
အောင်ထားပြီး လုံ့လပြု၍ သတိသမ္ပဇဉ်ဉာဏ်ဖြင့် သတိကိုဖြစ်စေလျှက် မိမိ၏ ခန္ဓာ၌-
(၁) ရုပ်ကိုလည်းကောင်း၊
(၂) ဝေဒနာကိုလည်းကောင်း၊
(၃) စိတ်တို့ကိုလည်းကောင်း၊
(၄) ဓမ္မတရားတို့ကိုလည်းကောင်း၊ ဖြစ်ပျက်ခြင်းကို အကြိမ်ကြိမ် အဖန်ဖန် ရှုမှတ်ပွားများ၍
ခန္ဓာထဲ၌ သတိကပ်ထားခြင်း။
၈။ သမ္မာသမာဓိ(အမှန်တည်ငြိမ်ခြင်း)။ ရုပ်နာမ်တို့ကို အမြဲရှုမြင်ဆင်ခြင်နေ၍ စိတ်တည်ငြိမ်နေခြင်း၊ ခန္ဓာ
ကိုယ်၌ စိတ်တည်ငြိမ်နေခြင်း-
(က) ကာမဂုဏ်အာရုံတို့မှ ကင်း၍နေခြင်း။
(ခ) အကုသိုလ်တရားတို့မှ ကင်း၍နေခြင်း။
(ဂ) ၀ိတက်၊ ၀ိစာရနှင့် နီဝရဏ တရားငါးပါးတို့မှ ကင်း၍နေခြင်း၊ ထိုအခါ ပထမဈာန်သို့ရောက်၏။
(ဃ) ၀ိတက်၊ ၀ိစာရငြိမ်းခြင်းကြောင့် ပီတိ၊ သုခ – ၀မ်းမြောက်ခြင်း၊ ချမ်းသာခြင်းရှိသော ဒုတိယ
ဈာန်သို့ရောက်၏။
(င) ပီတိ – ၀မ်းမြောက်ခြင်းကင်း၍ ရုပ်၊ နာမ်၊ စိတ်၊ ဓမ္မသဘောတရားတစ်ခုခုကိုဖြစ်ပျက်ရှုမှတ်
ဆင်ခြင်လျက် ချမ်းသာခြင်းသုခကိုသာ ခံစားလျက်ရှိနေခြင်း တတိယဈာန်သို့ရောက်၏။
(စ) သုခ – ချမ်းသာခြင်းကိုပယ်၍ သောမနဿ – ၀မ်းမြောက်ခြင်း၊ ဒေါမနဿ-စိတ်ဆင်းရဲခြင်း
တို့ကိုလှစ်လျှူရှု ဥပေက္ခာပြုခြင်းကြောင့် သတိစင်ကြယ်ခြင်းရှိ၍ စတုတ္ထဈာန်သို့ရောက်၏။
ဤတည်ငြိမ်ခင်းကိုခေါ်သည်။
သမ္မာဒိဌိ၊ သမ္မာသင်္ကပသည် ပညာမဂ္ဂင်နှစ်ပါး၊ သမ္မာဝါစာ၊ သမ္မာကမ္ပ န္တ၊ သမ္မာအာဇီဝ သည် သီလ မဂ္ဂင်(၈)ပါးအကျင့်တရားမရှိ၍ သံသရာဝဋ်ဆင်းရဲမှ မလွတ်နိုင်၊ လွတ်မြောက်သောနည်းလမ်း
မရှိပါ။ ဤ မဂ္ဂင်(၈)ပါးကို ချန်လှပ်၍ နိဗ္ဗာန်ရောက်ကြောင်းတရားကို ဓမ္မာက္ခန္ဓာပေါင်းရှစ်သောင်းလေး
ထောင်၊ ပိဋိကတ်သုံးပုံ၊ နိကယ်ငါးရပ်၊ အင်္ဂါကိုးတန်တုိ့၌ မရှိပါ။
မြတ်ဗုဒ္ဓရှင်တော်မြတ်ဘုရားသည် သစ္စာလေးပါးကို မိမိသိသကဲ့သို့ ဝေနေယျသတ္တ၀ါများ သိရှိစေရန်
ဟောကြားဆုံးမ နည်းပြတော်မူခဲ့ပေသည်။ မြတ်စွာဘုရား၏ ဂုဏ်တော်ကျေးဇူးတော်များမှာ အစိန္တေယျ၊ အပ္ပမေယျ မကြံစည်အပ်၊ မနှိုင်းယှဉ်အပ်လောက်အောင် မြင့်မြတ်လှပါပေသည်။

နိဗ္ဗာန်ကိုမျက်မှောက်ပြုရန် တစ်ကြောင်းတည်းသောခရီးလမ်းကား
သတိပဋ္ဌာန်လေးပါး တို့ပင်တည်း။

ဤမဂ္ဂင်ရှစ်ပါး တရားတော်အကျဉ်း ဖော်ပြချက်အား ဗုဒ္ဓဘာသာအား ယုံကြည်ကိုးကွယ်ခြင်းမှတ်စုမှ ထုတ်နုတ်တင်ပြပါသည်။ (၃၁)ဘုံ၌ရှိကြကုန်သော ဝေနေယျသတ္တ၀ါအားလုံး စိတ်၏ချမ်းသာခြင်း၊ ကိုယ်၏ ကျန်းမာခြင်းနှင့် ပြည့်စုံကြပါစေသောဝ်။
သာဓု….သာဓု…သာဓု။

Ref: http://buddhismworld.ning.com/profiles/blogs/6371237:BlogPost:75011

သီလစင်ကြယ်ကြောင်း တရားများ – ကျေးဇူးတော်ရှင် တောင်စွန်း ဓမ္မဒူတဆရာတော်ဘုရားကြီး

သူတစ်ပါးတို့အား စီးပွားဥစ္စာဖြင့် ပြုစုချီးမြှောက် စောင့်ရှောက်လိုလျှင် ထိုသို့ ချီးမြှောက် စောင့်ရှောက်နိုင်ရန် ရှေးဦးစွာ ကိုယ်တိုင်က စီးပွားဥစ္စာရှိသူဖြစ်အောင် အားထုတ်ရသကဲ့သို့ ဝေနေယျသတ္တဝါတို့ကို သီလတည်းဟူသော အဆင်တန်ဆာဖြင့် ဆင်ယင်ပေးလိုသော အလောင်းတော်သည် ရှေးဦးစွာ ကိုယ်တော်၏ သီလကို စင်ကြယ်အောင် အားထုတ်ရပေ၏။ ယင်းသို့ စင်ကြယ်အောင် အားထုတ်ရာ၌ –

(၁) အလိုအာသယ ဓာတ်ခံ စင်ကြယ်ခြင်း၊

(၂) သူတစ်ပါးတို့ထံ သိက္ခာပုဒ်ကို ဆောက်တည်ခြင်း၊

(၃) မလွန်ကျူးခြင်း၊

(၄) လွန်ကျူးမိသော်ပကတိ စင်ကြယ်အောင် ပြုလုပ်ခြင်း ဟူ၍ အကြောင်းလေးပါးရှိ၏၊ ထိုတွင် –

(၁) အလိုအာသယ ဓာတ်ခံ စင်ကြယ်ခြင်းကြောင့်လည်း အချို့သော ပုဂ္ဂိုလ်သည် မိမိကိုယ်ကို အလေးပြုကာ မကောင်းမှုကို စက်ဆုပ်ခြင်း သဘောရှိလျက် ဟီရိတရား အရင်းခံထားပြီးလျှင် အလွန်စင်ကြယ်သော သီလရှိသူဖြစ်နိုင်၏။

(၂) သူတစ်ပါးတို့ထံ သိက္ခာပုဒ်တို့ကို ဆောက်တည်ခြင်းရှိသူဖြစ်လျှင်လည်း “ငါသည် ဤမည်သောဆရာ့ထံ သိက္ခာပုဒ်တို့ကို ဆောက်တည်ထားပါတကား” ဟု ပြင်ပလောကကို အလေးဂရုပြုကာ မကောင်းမှုမှ ထိတ်လန့်သောသြတ္တပ္ပတရားကို ဖြစ်ပွားစေလျက် အလွန်စင်ကြယ်သော သီလရှိသူဖြစ်နိုင်၏။

(၃) ရှက်ကြောက်မှု ဟီရိသြတ္တပ္ပတရားနှစ်ပါးလက်ရှိထားသူမှ သိက္ခာပုဒ်တို့ကို မလွန်ကျူးမှုဖြစ်နိုင်၏။ ထိုသို့သိက္ခာပုဒ်တို့ကို မလွန်ကျူးခြင်းဖြင့် သီလစင်ကြယ်သူ သီလ၌ကြံ့ကြံ့တည်နိုင်သူ ဖြစ်ရလေ၏။

(၄) တစ်ရံတစ်ခါ သတိမေ့ပျောက်၍ သိက္ခာပုဒ်တစ်ခုနှစ်ခုစသည်ကျိုးပေါက်သော်လည်း ဟီရိသြတ္တပ္ပတရားနှစ်ပါးနှင့် ပြည့်စုံခြင်းကြောင့် လျင်မြန်စွာပင် ထိုကျိုးပေါက်သည့်သိက္ခာပုဒ်ကို ဒေသနာကြားခြင်း၊ ပရိဝါသ်၊ မာနတ်ဆောက်တည်ခြင်း စသည်ဖြင့် မူလပကတိဖြစ်အောင် ပြုလုပ်၍လည်း သီလစင်ကြယ်သူ ဖြစ်နိုင်လေ၏။

သိက္ခာပုဒ်ကျိုးပေါက်ရာ၌ ရဟန်းဖြစ်လျှင် ဒေသနာကြားခြင်း၊ ပရိဝါသ်၊ မာနတ်ဆောက်တည်ခြင်း၊ လူသာမဏေဖြစ်လျှင်တဖန်သိက္ခာပုဒ်တို့ကို အသစ်ဆောက်တည် ခံယူခြင်းဖြင့် ပကတိဖြစ်အောင် ပြုလုပ်ရ၏။

အကောင်းဆုံးနည်းလမ်း
•••••••••••••••••••••
အမှန်မှာမူ ခံယူဆောက်တည်ထားပြီးသော သိက္ခာပုဒ်တို့ကို မကျိုးမပေါက်အောင် စောင့်ရှောက်ထိန်းသိမ်းခြင်းက ပို၍ကောင်း၏။ လူ့လောကကြီးတစ်ခုလုံး အသုံးပြုနေကြသည့် ကိရိယာတန်ဆာပလာသည် မိမိတို့၏ ကိုယ်ခန္ဓာမှာ –

(၁) ကိုယ်အမူအရာ ကာယကံ၊

(၂) နှုတ်အမူအရာ ဝစီကံ၊

(၃) စိတ်အမူအရာ မနောကံ ဟူ၍ သုံးခုပဲရှိ၏။

တစ်ဦးနှင့်တစ်ဦးလဲပဲ ဤကိရိယာတန်ဆာပလာ သုံးခုနှင့်ပဲ ဆက်သွယ်နေကြ၏။ ဤသို့ဆက်သွယ်ရာမှာ သီလသည် ကိုယ်အမူအရာ၊ နှုတ်အမူအရာ၊ နှစ်ခုပေါ်မှာသာ တိုက်ရိုက်ဖြစ်ပေါ်သည်။

သို့ဖြစ်၍ စိတ်အမူအရာခေါ်သည့် စိတ်အစဉ်၊ စိတ္တသန္တတိကို အင်္ဂါငါးပါးရှိသော ပဉ္စင်္ဂီကမဂ်နှင့်ထိန်းထားမှသာ အင်္ဂါခြောက်ပါးရှိသော ဆဋ္ဌင်္ဂီကမဂ်ဝင်ပြီး ကိုယ်အမူအရာ ကာယကံနှင့် နှုတ်အမူအရာ ဝစီကံအစဉ်ကို ငြိမ်းစေနိုင်သည်။ ဘယ်ကဲ့သို့ငြိမ်းအောင် ပြုလုပ်ရမည်နည်းဆိုလျှင် ကိုယ်အမူအရာ ကာယကံမှု တစ်ခုခုပြုလုပ်တော့မည်ဆိုပါက အလျင်အမြန် မပြုလုပ်ဘဲ –

(၁) သတိစိုက်လိုက်ပါ။

(၂) သတိစိုက်ပြီးလျှင် အကျိုးရှိမလား၊ အပြစ်မြင်မလားစဉ်းစားလိုက်ပါ။

(၃) စဉ်းစားလိုက်ပါက အကျိုးနှင့်အပြစ်ကို ကိုယ်တိုင်သိပါလိမ့်မည်။

(၄) ကိုယ်တိုင်သိပါက မပြုလုပ်မိစေရန် ချုပ်တီးလိုက်ပါ။

(၅) ချုပ်တီးနေတုန်းမှာ ရှေ့ရေး၊ နောက်ရေး မတွေးပါနှင့်၊ ပစ္စုပ္ပန်တွင် ရပ်ပါ။

ဤအဆင့် ၅-ဆင့်သို့ရောက်လျှင် အင်္ဂါ ၅-ပါးရှိသော ပဉ္စင်္ဂီက လောကီမဂ္ဂင်ခေါ်၏။ ထိုတွင်-

(၁) သတိစိုက်လိုက်တာက သမ္မာသတိမဂ္ဂင်၊

(၂) စဉ်းစားတာ သမ္မာသင်္ကင်္ပ္ပ မဂ္ဂင်၊

(၃) အကျိုးအပြစ်ကို ကိုယ်တိုင်သိတာက သမ္မာဒိဋ္ဌိမဂ္ဂင်၊

(၄) မပြုမိအောင် ချုပ်တီးတာက သမ္မာဝါယာမ မဂ္ဂင်၊

(၅) ရှေ့နောက်မစဉ်းစားဘဲ ပစ္စုပ္ပန်တွင် ရပ်ထားတာက သမ္မာ သမာဓိမဂ္ဂင်၊

(၆) ဤ ပဉ္စင်္ဂီကမဂ္ဂင်နှင့် စိတ်အစဉ်ကလေးကို တန်ဆာဆင်လိုက်တော့ကျူးလွန်ချင်တဲ့ စိတ်ကလးပျောက်သွားလို့ မကျူးလွန်မိတာက သမ္မာ ကမ္မန္တမဂ္ဂင်၊

ဤသို့လျှင် စိတ္တသန္တတိခေါ်သည့် စိတ်အစဉ်ကို ပဉ္စင်္ဂီကမဂ်နှင့် ထိန်းသိမ်းထားခြင်းဖြင့် ဆဋ္ဌင်္ဂီကမဂ်ပေါ်လာသည်။

ဤကား ကိုယ်အမူအရာ ကာယကံအတွက် ဖြစ်၏။ နှုတ်အမှုအရာ ဝစီကံမှာလည်း နည်းတူပင်သိနိုင်၏။ နောက်ဆုံးခြောက်နံပါတ်အရ “ပြောချင်တဲ့ စိတ်ကလေး ပျောက်သွားလို့ မပြောဆိုမိလျှင် သမ္မာဝါစာမဂ္ဂင်” ဖြစ်ပါသည်။

မဂ်ပေါက်ဖိုလ်ဝင်သီလ
•••••••••••••••••••••
ဤကဲ့သို့ ပဉ္စင်္ဂီကမဂ်၊ ဆဋ္ဌင်္ဂီကမဂ်နှင့် ကိုယ်နှုတ်ကို ချုပ်မိပါက သာမညသီလ မဟုတ်တော့ပေ။ မဂ်ပေါက်ဖိုလ်ဝင်နိဗ္ဗာန်ကို ပေါက်ရောက်နိုင်သည့် သီလဖြစ်၏။ ဤကဲ့သို့သော သီလမျိုးသည် အနုဿတိထိုက်သော သီလမျိုးဖြစ်၏။ အနုဿတိထိုက်မှ သီလာနုဿတိဖြင့် ပွားများဆင်ခြင်သော် မဂ်ရောက်ဖိုလ်ဝင် နိဗ္ဗာန်ကို မျက်မှောက်ပြုနိုင်၏။

ဘုရားရှင်၏ တိုက်တွန်းချက်
•••••••••••••••••••••••••
ယင်းစကားသည် ထင်ရှားဧကန်စင်စစ်မှန်လှ၏။ ဘုရားရှင်သည် သီလကို ပွားများဧကန် စင်စစ်မှန်လှ၏။ ဘုရားရှင်သည် သီလကို ပွားများဆင်ခြင်ရန် မဟာနာမ်အား ဤသို့ ဟောကြားတော်မူခဲ့၏။

“မဟာနာမ် သင်သည် မကျိုးမပေါက် မပြောက်မကျားကုန်သော၊ တဏှာကျွန်အဖြစ်မှ လွတ်မြောက်ကုန်သော ပညာရှိတို့ ချီးမွမ်းအပ်ကုန်သော၊ အမှားမသုံးအပ်ကုန်သော တည်ကြည်မှုကို ဖြစ်စေတတ်ကုန်သော မိမိ၏သီလတို့ကို အဖန်ဖန် အောက်မေ့လေလော့”

မဟာနာမ် အရိယာတပည့်အား သီလကို အောက်မေ့သောအခါ၌ ရာဂလွှမ်းမိုးသောစိတ်သည်မဖြစ်တော့၊ ဒေါသလွှမ်းမိုးသောစိတ်သည် မဖြစ်တော့၊ မောဟလွှမ်းမိုးသောစိတ်သည် မဖြစ်တော့၊ ထိုအခါ သီလကို အောက်မေ့သောသူအား သီလကို အာရုံပြု၍ ဖြောင့်မတ်သောစိတ်သာဖြစ်၏”

“မဟာနာမ် ဖြောင့်မတ်သောစိတ်ရှိသော အရိယာတပည့်သည် အနက်ကို သိနားလည်မှုရ၏။ ပါဠိကို သိနားလည်မှုရ၏။ တရားနှင့်စပ်သော ဝမ်းမြောက်မှုရ၏။ ဝမ်းမြောက်သူအား နှစ်သက်မှုဖြစ်၏။ နှစ်သက်သော စိတ်ရှိသူအား ကိုယ်ငြိမ်းအေး၏။ ကိုယ်ငြိမ်းအေးသူသည် ချမ်းသာကို ခံစားရ၏။ ချမ်းသာသူအား စိတ်တည်ကြည်၏။

ဤကား ရှင်တော်ဗုဒ္ဓ၏ တိုက်တွန်းချက်ဖြစ်၏။ ဤတိုက်တွန်းချက်ကို အထပ်ထပ်သုံးသပ် ရှုကြည့်စမ်းပါဘိ၊ ယခုခေတ် သီလမလိုဟုဆိုကာ သီလကို ပယ်နေသူများသည် ရှင်တော်ဗုဒ္ဓ၏ တိုက်တွန်းချက်ကို ပယ်ရှားရာရောက်နေပြီ မဟုတ်ပါလော့။

ကျေးဇူးတော်ရှင် တောင်စွန်း ဓမ္မဒူတဆရာတော်ဘုရားကြီး၏ “သီလဝတ္ထု” စာအုပ်မှ ကူးယူဖော်ပြသည်။

Ref: http://tanthayarkhayeethe.blogspot.sg/2013/11/blog-post_805.html

ဓမ္မမှတ်စုများ (၄) – ပျင်းရိခြင်း အပြစ် ခြောက်ပါး – သိင်္ဂါလသုတ်

ဆ ခေါမေ၊ ဂဟပတိပုတ္တ၊ အာဒီနဝါ အာလသျာနုယောဂေ။ အတိသီတန္တိ ကမ္မံ န ကရောတိ၊ အတိဥဏှန္တိ ကမ္မံ န ကရောတိ၊ အတိသာယန္တိ ကမ္မံ န ကရောတိ၊ အတိပါတောတိ ကမ္မံ န ကရောတိ၊ အတိဆာတောသ္မီတိ ကမ္မံ န ကရောတိ၊ အတိဓာတောသ္မီတိ ကမ္မံ န ကရောတိ။ တဿ ဧဝံ ကိစ္စာပဒေသဗဟုလဿ ဝိဟရတော အနုပ္ပန္နာ စေဝ ဘောဂါ နုပ္ပဇ္ဇန္တိ၊ ဥပ္ပန္နာ စ ဘောဂါ ပရိက္ခယံ ဂစ္ဆန္တိ။ ဣမေ ခေါ၊ ဂဟပတိပုတ္တ၊ ဆ အာဒီနဝါ အာလသျာနုယောဂေတိ။ ဣဒမဝေါစ ဘဂဝါ၊ ဣဒံ ဝတွာန သုဂတော အထာပရံ ဧတဒဝေါစ သတ္ထာ

သူကြွယ်သား ပျင်းရိလေ့ရှိခြင်း၌ အပြစ်တို့သည် ဤခြောက်ပါးတို့တည်း။

အေးလွန်းသည်ဟု အမှုကိစ္စကို မပြု၊ ပူလွန်းသည်ဟု အမှုကိစ္စကို မပြု၊ မိုးချုပ်လွန်းသည်ဟု အမှုကိစ္စကို မပြု၊ စောလွန်းသည်ဟု အမှုကိစ္စကို မပြု၊ ဆာလွန်းသည်ဟု အမှုကိစ္စကို မပြု၊ ဝလွန်း သည်ဟု အမှုကိစ္စကို မပြု၊ ဤသို့ မခိုင်လုံသော ကိစ္စများကို ယိုးမယ်ဖွဲ့၍ နေသော ထိုသူအား မဖြစ်သေးသော စည်းစိမ်တို့သည်လည်း မဖြစ်ကုန်၊ ဖြစ်ပြီးသော စည်းစိမ်တို့သည်လည်း ပျက်စီးခြင်းသို့ ရောက်ကုန်၏။ သူကြွယ်သား ပျင်းရိလေ့ရှိခြင်း၌ အပြစ်တို့သည် ဤခြောက်ပါးတို့တည်း။ ဤစကားကို မြတ်စွာဘုရားသည် မိန့်တော်မူ၏။

အေးသည်,ပူသည်၊ မိုးချူပ်သည်နှင့်၊ စောသည်,ဆာသည်၊ 

ပြည့်အင့်သည်၊ ခြောက်မည် လူပျင်းမျိုး။

(၁) အတိ သီတံ။ ။ချမ်းအေးလှသေးသည်ဟူ၍အလုပ်လစ်ဟင်းခြင်းတစ်ပါး။

(၂) အတိ ဥဏှံ။ ။ ပူလှသေးသည် ဟူ၍ အလုပ်လစ်ဟင်းခြင်း တစ်ပါး။

(၃) အတိသာယံ။ ။ မိုးချူပ်လှပြီ ဟူ၍ အလုပ်လစ်ဟင်းခြင်း တစ်ပါး။

(၄) အတိပါတော။ ။ စောလှသေးသည် ဟူ၍ အလုပ်လစ်ဟင်းခြင်း တစ်ပါး။

(၅) အတိ ဆာတော။ ။ ဆာမွတ်လှသေးသည် ဟူ၍ အလုပ်လစ်ဟင်းခြင်း တစ်ပါး။

(၆) အတိ ဓာတော။ ။ထမင်း စားပြီးခါစ ဖြစ်၍အလုပ်လစ်ဟင်းခြင်းတစ်ပါး။ ။

အချိမ်းပြင်းဝှန် ၊ အလွန်ပူနိုး ၊

မိုးချုပ်လှမော ၊ စောလှလွန်းယောင် ၊

ဆာလောင်ပြင်းပြ ၊ ၀မ်းဝလွန်းထွေ ၊

နေကပညာ မပွားရာသည်

ခြောက်ဖျာ အပြစ်တည်း ။

Ref: http://buddhismworld.ning.com/profiles/blogs/6371237:BlogPost:330893?xg_source=activity

Ref: http://nyaungpini99.blogspot.sg/2012/07/blog-post_5382.html

Ref: http://tipitakamyanmar.blogspot.sg/2010/06/blog-post_4884.html

မိဘ သားသမီး ကျင့်ဝတ်

(၁) သားသမီးဝတ်
ကျွေးမွေးမပျက်၊ဆောင်ရွက်စီမံ၊မွေခံထိုက်စေ၊လှူမျှဝေ၍၊
စောင့်လေမျိုးနွယ်ဝတ်ငါးသွယ်၊ကျင့်ဖွယ်သားတို့ သား။

(၂) မိဘဝတ်
မကောင်းမြစ်ထာ၊ကောင်ရာညွှန်လတ်၊အတတ်သင်စေ၊
ပေးဝေနှီးရင်း၊ထိမ်းမြားခြင်းလျှင်ဝတ်ငါးအင်၊ဖခင်မယ်တို့ တာ။

ပဉ္စဟိ ခေါ၊ ဂဟပတိပုတ္တ၊ ဌာနေဟိ ပုတ္တေန ပုရတ္ထိမာ ဒိသာ မာတာပိတရော ပစ္စုပဋ္ဌာတဗ္ဗာ — ဘတော နေ [မူကွဲ-နေသံ (ဗဟူသု)] ဘရိဿာမိ၊ ကိစ္စံ နေသံ ကရိဿာမိ၊ ကုလဝံသံ ဌပေဿာမိ၊ ဒါယဇ္ဇံ ပဋိပဇ္ဇာမိ၊ အထ ဝါ ပန ပေတာနံ ကာလင်္ကတာနံ ဒက္ခိဏံ အနုပ္ပဒဿာမီတိ။ ဣမေဟိ ခေါ၊ ဂဟပတိပုတ္တ၊ ပဉ္စဟိ ဌာနေဟိ ပုတ္တေန ပုရတ္ထိမာ ဒိသာ မာတာပိတရော ပစ္စုပဋ္ဌိတာ ပဉ္စဟိ ဌာနေဟိ ပုတ္တံ အနုကမ္ပန္တိ။ ပါပါ နိဝါရေန္တိ၊ ကလျာဏေ နိဝေသေန္တိ၊ သိပ္ပံ သိက္ခာပေန္တိ၊ ပတိရူပေန ဒါရေန သံယောဇေန္တိ၊ သမယေ ဒါယဇ္ဇံ နိယျာဒေန္တိ [မူကွဲ-နိယျာတေန္တိ (က၊ သီ)] ဣမေဟိ ခေါ၊ ဂဟပတိပုတ္တ၊ ပဉ္စဟိ ဌာနေဟိ ပုတ္တေန ပုရတ္ထိမာ ဒိသာ မာတာပိတရော ပစ္စုပဋ္ဌိတာ ဣမေဟိ ပဉ္စဟိ ဌာနေဟိ ပုတ္တံ အနုကမ္ပန္တိ။ ဧဝမဿ ဧသာ ပုရတ္ထိမာ ဒိသာ ပဋိစ္ဆန္နာ ဟောတိ ခေမာ အပ္ပဋိဘယာ။

သူကြွယ်သား ငါးပါးသော အကြောင်းတို့ဖြင့် သားသမီးသည် အရှေ့အရပ်မည်သော မိဘ တို့ကို ပြုစုအပ်ကုန်၏။

(ငါ့ကို ငါ့မိဘတို့) မွေးမြူအပ်၏၊ (ငါသည်) ထိုမိဘတို့ကို ပြန်၍ မွေးမြူအံ့။

ထိုမိဘတို့၏ အမှုကိစ္စကို ပြုအံ့။

မိဘတို့၏ ဥစ္စာကို မပျက်အောင် စောင့်ထိန်းခြင်း၊ အစဉ်အဆက်မှ လာသော ကုသိုလ်ဝတ်ကို ပြု ခြင်းဖြင့် အမျိုးအနွယ်ကို တည်စေအံ့။

အမွေခံထိုက်အောင် (မိဘတို့၏ အဆုံးအမကို) ကျင့်ကြံ လိုက်နာအံ့။

ထိုမှတစ်ပါး ကွဲကွာသေလွန်သော မိဘတို့၏ အလို့ငှါ အလှူပေးအံ့ဟု (ပြုစုကုန်၏)။

သူကြွယ်သား ဤငါးပါးသော အကြောင်းတို့ဖြင့် သားသမီးသည် ပြုစုလုပ်ကျွေးအပ်ကုန်သော အရှေ့အရပ်မည်သော မိဘတို့သည် အကြောင်းငါးပါးတို့ဖြင့် သားသမီးကို စောင့်ရှောက်ကုန်၏။

မကောင်းမှုမှ တားမြစ်ကုန်၏။

ကောင်းမှု၌ သက်ဝင်စေကုန်၏။

အတတ်ကို သင်စေကုန်၏။

လျောက်ပတ်သော မယားနှင့် ထိမ်းမြားပေးကုန်၏။

လျောက်ပတ်သော အချိန်၌ အမွေဥစ္စာကို အပ်နှင်းကုန်၏။

သူကြွယ်သား ငါးပါးသော အကြောင်းတို့ဖြင့် သားသမီးသည် ပြုစုလုပ်ကျွေးအပ်ကုန်သော အရှေ့ အရပ်မည်သော မိဘတို့သည် ဤငါးပါးသော အကြောင်းတို့ဖြင့် သားသမီးကို စောင့်ရှောက်ကုန်၏၊ ထို သားသမီးသည် ဤသို့ လုပ်ကျွေးသည်ရှိသော် ထိုအရှေ့အရပ်သည် လုံခြုံ၏၊ ငြိမ်းချမ်း၏၊ ဘေးကင်း၏။

Ref: http://junecale.blogspot.sg/2013/03/blog-post_6786.html

Ref: http://tipitakamyanmar.blogspot.sg/2010/06/blog-post_4884.html