(၀ိဘင်းပါဠိ-ဓာတုဝိဘင်း-သုတ္တန္တဘာဇနီယ)
ဓာတ်ခြောက်ပါးတို့ကား
၁။ မြေဓာတ်ဟူသော အမည်ပညတ်ဖြင့် ခေါ်ဝေါ်မှတ်သားအပ်သည့် တည်ရာ-ပတိဋ္ဌာန သဘော၊ ခက်မာမှု-ကက္ခဠ သဘောဖြစ်သော မြေဓာတ် ပထ၀ီဓာတ်။
၂။ ရေဟူသော အမည်ပညတ်ဖြင့် ခေါ်ဝေါ်မှတ်သားအပ်သည့် အဖွဲ့စည်းမှု-အာဗန္ဓ သဘော၊ ယိုစီးမှု-ပဂ္ဃရဏ သဘောဖြစ်သော ရေဓာတ် အာပေါဓာတ်။
၃။ မီးဟူသော အမည်ပညတ်ဖြင့် ခေါ်ဝေါ်မှတ်သားအပ်သည့် ရင့်ကျက်မှု-ပရိပါစန သဘောဖြစ်သော မီးဓာတ် တေဇောဓာတ်။
၎။ လေဟူသော အမည်ပညတ်ဖြင့် ခေါ်ဝေါ်မှတ်သားအပ်သည့် ထောက်ကန်လှုပ်ရှားမှု သဘောဖြစ်သော လေဓာတ် ၀ါယောဓာတ်။
၅။ ရေးခြစ်၍ မရအပ် မတွေထိအပ်သော သဘော (ရုပ်တစ်ခုနှင့် တစ်ခု ပိုင်းခြားမှု ဟင်းလင်း သဘော) ဖြစ်သော အာကာသဓာတ်။
၆။ သိမှုသဘော ၀ိညာဏဓာတ် (စိတ်) တို့တည်း။
တတ္ထ ကတမာ ပထ၀ီဓာတု ။ ပ ။ အယံ ၀ုစ္စတိ ၀ိညာဏဓာတု။ ဣမာ ဆ ဓာတုယော။ (၀ိဘင်းပါဠိ-ဓာတုဝိဘင်း-သုတ္တန္တဘာဇနီယ)
၁။ ပထ၀ီဓာတ်
ထိုခြောက်ပါးတို့တွင် အဘယ်သည် မြေဟူသော ဝေါဟာရ ပညတ်ဖြင့် ခေါ်ဝေါ်မှတ်သားအပ်သည့် တည်ရာ-ပတိဋ္ဌာန သဘော (ခက်မာမှုသဘော) ဖြစ်သော မြေဓာတ် ပထ၀ီဓာတ် မည်သနည်း။
ဤပထ၀ီဓာတ်သည် နှစ်ပါးတို့တည်း အတွင်းသန္တာန်၌ ဖြစ်သော အဇ္ဈတ္တပထ၀ီဓာတ်သည် ရှိ၏၊ အပသန္တာန်၌ ဖြစ်သော ဗဟိဒ္ဓပထ၀ီဓာတ်သည် ရှိ၏။
(က) အဇ္ဈတ္တပထ၀ီဓာတ်
ထိုပထ၀ီဓာတ် နှစ်ပါးတို့တွင် အဘယ်သည် အတွင်းသန္တာန်၌ဖြစ်သော အဇ္ဈတ္တပထ၀ီဓာတ် မည်သည်နည်း။ အကြင် ပထ၀ီဓာတ်သည် အတွင်းသန္တာန်၌ ဖြစ်၏-အဇ္ဈတံ္တ၊ ကိုယ်ကို စွဲ၍ ဖြစ်၏-ပစ္စတ္တံ၊ အတွင်းသန္တာန်၌ ဖြစ်သော ကိုယ်ကိုစွဲ၍ ဖြစ်သော ယင်းပထ၀ီဓာတ်သည် ခက်မာ၏-ကက္ခဠ၊ အတွေ့ကြမ်း၏-ခရိတ၊ ခက်မာသည်၏ အဖြစ် ကက္ခဠတ္တ၊ ခက်မာသော သဘော-ကက္ခဠဘာဝ၊ အတွင်းသန္တာန်၌ ဖြစ်၏-အဇ္ဈတ္တံ၊ ခန္ဓာကိုယ်ကို စွဲ၍ ဖြစ်၏ ဥပါဒိဏ္ဏံ။
အဇ္ဈတ္တပထ၀ီဓာတ် ၂၀-ပါး
ဤ အဇ္ဈတ္တပထ၀ီဓာတ်ဟူသည် အဘယ်နည်း။ ကေသာ-ဆံပင်၊
လောမာ-မွေးညင်း၊ နခါ-ခြေသည်းလက်သည်း၊ ဒန္တာ-သွား၊ တစော-အရေထူအရေပါး။
မံသံ-အသား၊ နှာရု-အကြော၊ အဋ္ဌိ-အရိုး၊ အဋ္ဌိမိဉ္ဖံ-ရိုးတွင်းချဉ်ဆီ၊ ၀က္ကံ-အညှို့(ကျောက်ကပ်)၊
ဟဒယံ-နှလုံး၊ ယကနံ-အသည်း၊ ကိလောမကံ-အမြှေး၊ ပိဟကံ-အဖျဉ်း(သရက်ရွက်)၊ ပပ္ဖါသံ-အဆုတ်၊
အန္တံ-အူမ၊ အန္တံဂုဏံ-အူသိမ်၊ ဥဒရိယံ-အစာသစ်၊ ကရီသံ-အစာဟောင်း(ကျင်ကြီး)၊ မတ္ထလုင်္ဂံ-ဦးနှောက်၊ ဤသည်တို့တည်း။
ထိုပြဆိုခဲ့ပြီးသော ပထ၀ီဓာတ် ၂၀-ပါးတို့မှ တပါးလည်းဖြစ်သော အကြင် ပထ၀ီဓာတ်သည် ရှိသေး၏။ အတွင်းသန္တာန်၌ ဖြစ်၏-အဇ္ဈတံ္တ၊ ကိုယ်ကို စွဲ၍ ဖြစ်၏-ပစ္စတ္တံ၊ အတွင်းသန္တာန်၌ ဖြစ်သော ကိုယ်ကိုစွဲ၍ ဖြစ်သော ယင်းပထ၀ီဓာတ်သည် ခက်မာ၏-ကက္ခဠ၊ အတွေ့ကြမ်း၏-ခရိတ၊ ခက်မာသည်၏ အဖြစ် ကက္ခဠတ္တ၊ ခက်မာသော သဘော-ကက္ခဠဘာဝ၊ အတွင်းသန္တာန်၌ ဖြစ်၏-အဇ္ဈတ္တံ၊ ခန္ဓာကိုယ်ကို စွဲ၍ ဖြစ်၏ ဥပါဒိဏ္ဏံ။
(ခ) ဗာဟိရပထ၀ီဓာတ်
ထိုပထ၀ီဓာတ်နှစ်မျိုးတို့တွင် အဘယ်သည် အပသန္တာန်၌ ဖြစ်သော ဗာဟိရပထ၀ီဓာတ် မည်သနည်း။
အကြင် ပထ၀ီဓာတ်သည် အပသန္တာန်၌ ဖြစ်၏-ဗာဟိရံ၊ ခက်မာ၏-ကက္ခဠ၊ အတွေ့ကြမ်း၏-ခရိတ၊ ခက်မာသည်၏ အဖြစ် ကက္ခဠတ္တ၊ ခက်မာသော သဘော-ကက္ခဠဘာဝ၊ အပသန္တာန်၌ ဖြစ်၏-ဗဟိဒ္ဓ၊ ခန္ဓာကိုယ်ကို စွဲ၍ မဖြစ်- အနုပါဒိဏ္ဏံ။
ဤဗာဟိရပထ၀ီဓာတ်ဟူသည် အဘယ်တို့နည်း။
အယ-သံ၊ လောဟ-ကြေး၊ တိပု-ခဲဖြူ (သလွဲဖြူ သလွဲစင် ခဲမဖြူ ဘင်)၊ သီသ-ခဲမည်း (သလွဲမဲ ခမပုပ် နာ)၊ သဇ္ဈ-ငွေ၊ မုတ္တာ-ပုလဲ၊ မဏိ-ပတ္တမြား၊ ဝေဠုရိယ- ၀ါးအဆင်းအရောင်ရှိသော ကြောင်မျက်ရွဲ (မြ)၊ သင်္ခ-ခရုသင်း၊ သိလာ-ကျောက် ( ကျောက်သလင်း)၊ ပ၀ါဠ- သန္တာကျောက်၊ ရဇတ-ငွေ အသပြာ၊ ဇာတရူပ-ရွှေ၊ လောဟိတင်္က-ပတ္တမြားနီ၊ မသာရဂလ္လ-ပတ္တမြားပြောက်၊ တိဏ-မြက်၊ ကဋ္ဌ-သစ်သား၊ သက္ခရ-ကျောက်စရစ်၊ ဘူမိ-မြေ၊ ပါသာဏ-ကျောက်၊ ပဗ္ဗတ-တောင်၊ ဤသည်တို့တည်း။
ထိုပြဆိုခဲ့ပြီးသည့် ဗဟိဒ္ဓပထ၀ီဓာတ်တို့မှ တစ်ပါးလည်းဖြစ်သော အကြင် ပထ၀ီဓာတ်သည် ရှိသေး၏၊ အပသန္တာန်၌ ဖြစ်၏-ဗာဟိရံ၊ ခက်မာ၏-ကက္ခဠ၊ အတွေ့ကြမ်း၏-ခရိတ၊ ခက်မာသည်၏ အဖြစ် ကက္ခဠတ္တ၊ ခက်မာသော သဘော-ကက္ခဠဘာဝ၊ အပသန္တာန်၌ ဖြစ်၏-ဗဟိဒ္ဓ၊ ခန္ဓာကိုယ်ကို စွဲ၍ မဖြစ်- အနုပါဒိဏ္ဏံ။ ဤဆိုခဲ့ပြီးသော အရာကို အပသန္တာန်၌ ဖြစ်သော ဗာဟိရပထ၀ီဓာတ်ဟု ဆိုအပ်၏။ အကြင် အတွင်းသန္တာန်၌ ဖြစ်သော အဇ္ဈတ္တပထ၀ီဓာတ်သည်လည်းကောင်း၊ အကြင် အပသန္တာန်၌ ဖြစ်သော ဗာဟိရပထ၀ီဓာတ်သည်လည်းကောင်း ရှိ၏၊ ထိုပထ၀ီဓာတ်ကို တစ်ပေါင်းတည်းပြု၍ ရုံးစု၍ အကျဉ်းချုံး၍ ပြသော ဤဆိုခဲ့ပြီးသော သဘောကို ပထ၀ီဓာတ်ဟု ဆိုအပ်၏။
၂။ အာပေါဓာတ်
ထိုဓာတ် ခြောက်ပါးတို့တွင့် အဘယ်သည် ရေဟူသောအမည် ပညတ်ဖြင့် ခေါ်ဝေါ် မှတ်သားအပ်သည့် ဖွဲ့စည်းမှု-အာဗန္ဓန ယိုစီးမှု-ပဂ္ဃဟ သဘောဖြစ်သော ရေဓာတ် အာပေါဓာတ် မည်သနည်း။
အာပေါဓာတ်သည် နှစ်ပါးတို့တည်း၊ အတွင်းသန္တာန်၌ ဖြစ်သော အဇ္ဈတ္တအာပေါဓာတ်သည် ရှိ၏၊ အပသန္တာန်၌ဖြစ်သော ဗာဟိရအာပေါဓာတ်သည် ရှိ၏။
(က) အဇ္ဈတ္တအာပေါဓာတ်
ထိုအာပေါဓာတ် နှစ်ပါးတို့တွင် အဘယ်သည် အတွင်းသန္တာန်၌ဖြစ်သော အဇ္ဈတ္တအာပေါဓာတ် မည်သနည်း။
အကြင် အာပေါဓာတ်သည် အတွင်းသန္တာန်၌ ဖြစ်၏-အဇ္ဈတံ၊္တ ကိုယ်ကို စွဲ၍ ဖြစ်၏-ပစ္စတ္တံ၊ အတွင်းသန္တာန်၌ ဖြစ်သော ခန္ဓာကိုယ်ကို စွဲ၍ဖြစ်သော ယင်းအာပေါဓာတ်သည် အရည်ဖြစ်၏-အာပေါ၊ အရည်သဘောသို့ ရောက်၏ အာပေါဂတ၊ အစေးဖြစ်၏-သိနေဟ၊ အစေး၏ အဖြစ်သို့ ရောက်၏ သိနေဟဂတ၊ ရုပ်ကို ဖွဲ့စည်း၏-ရူပဗန္ဓနတ္တ၊ အတွင်းသန္တာန်၌ ဖြစ်၏-အဇ္ဈတ္တံ၊ ခန္ဓာကိုယ်ကို စွဲ၍ဖြစ်၏-ဥပါဒိန္န။
အဇ္ဈတ္တအာပေါဓာတ် ၁၂-ပါး
ဤအဇ္ဈတ္တအာပေါဓာတ်ဟူသည် အဘယ်အရာတို့နည်း။
ပိတ္တံ-သည်းခြေ၊ သေမှံ-သလိပ်၊ ပုဗ္ဗော-ပြည်၊ လောဟိတံ-သွေး၊ သေဒေါ-ချွေး၊ မေဒေါ-အဆီခဲ၊ အဿု-မျက်ရည်၊ ၀သာ-ဆီကြည်၊ ခေဠာ-တံတွေး၊ သိင်္ဃာဏိကာ-နှပ်၊ လသိကာ-အစေး၊ မုတ္တံ-ကျင်ငယ် ဤသည်တို့တည်း။
ထိုပြဆိုခဲ့ပြီးသော အဇ္ဈတ္တအာပေါဓာတ် ၁၂-ပါးတို့မှ တစ်ပါးလည်းဖြစ်သော အကြင် အာပေါဓာတ်သည် ရှိ၏သေး၏၊ အတွင်းသန္တာန်၌ ဖြစ်၏-အဇ္ဈတ္တံ၊ ကိုယ်ကို စွဲ၍ ဖြစ်၏-ပစ္စတ္တံ၊ အတွင်းသန္တာန်၌ ဖြစ်သော ခန္ဓာကိုယ်ကို စွဲ၍ဖြစ်သော ယင်းအာပေါဓာတ်သည် အရည်ဖြစ်၏-အာပေါ၊ အရည်သဘောသို့ ရောက်၏ အာပေါဂတ၊ အစေးဖြစ်၏-သိနေဟ၊ အစေး၏ အဖြစ်သို့ ရောက်၏ သိနေဟဂတ၊ ရုပ်ကို ဖွဲ့စည်း၏-ရူပဗန္ဓနတ္တ၊ အတွင်းသန္တာန်၌ ဖြစ်၏-အဇ္ဈတ္တံ၊ ခန္ဓာကိုယ်ကို စွဲ၍ဖြစ်၏-ဥပါဒိန္န ဤဆိုခဲ့ပြီးသော သဘောကို အတွင်းသန္တာန်၌ဖြစ်သော အဇ္ဈတ္တအာပေါဓာတ်ဟု ဆိုအပ်၏။
(ခ) ဗာဟိရအာပေါဓာတ်
ထိုအာပေါဓာတ် နှစ်ပါးတို့တွင် အဘယ်သည် အပသန္တာန်၌ဖြစ်သော ဗာဟိရအာပေါဓာတ် မည်သနည်း။
အကြင် အာပေါဓာတ်သည် အပသန္တာန်၌ ဖြစ်၏-ဗာဟိရ၊ အရည်ဖြစ်၏-အာပေါ၊ အရည်သဘောသို့ ရောက်၏-အာပေါဂတ၊ အစေးဖြစ်၏-သိနေဟ၊ အစေး၏အဖြစ်သို့ရောက်၏-သိနေဟဂတ၊ ရုပ်ကို ဖွဲ့စည်း၏-ရူပဗန္ဓနတ္တ၊ အပသန္တာန်၌ ဖြစ်၏ ဗဟိဒ္ဓ၊ ခန္ဓာကိုယ်ကို စွဲ၍ မဖြစ် အနုပါဒိဏ္ဏ။
ဤဗာဟိရအာပေါဓာတ်ဟူသည် အဘယ်အရာတို့နည်း။
မူလရသ-အမြစ်ရည်၊ ခန္ဓရသ-ပင်စည်ရည်၊ တစရသ-အခေါက်ရည်၊ ပတ္တရသ-အရွက်ရည်၊ ပုပ္ဇရသ-အပွင့်ရည်၊ ဖလရသ-အသီးရည်၊ ခီရ-နို့ရည်၊ ဒဓိ-နို့ဓမ်း (နို့ချဉ်)၊ သပ္ပိ-ထောက်ပတ်၊ န၀နီတ-ဆီဥ၊ တေလ-ဆီ၊ မဓု-ပျားရည်၊ ဖာဏိတ-တင်လဲ၊ မြေ၌တည်သော ရေတို့သည်လည်းကောင်း၊ ကောင်းကင်၌တည်သော ရေတို့သည်လည်းကောင်း ရှိကုန်၏၊ ဤသည်တို့တည်း။
ဤပြဆိုခဲ့ပြီးသော ဗာဟိရအာပေါဓာတ်တို့မှ တစ်ပါးလည်းဖြစ်သော အကြင်အာပေါဓာတ်သည် ရှိသေး၏၊ အပသန္တာန်၌ ဖြစ်၏-ဗာဟိရ၊ အရည်ဖြစ်၏-အာပေါ၊ အရည်သဘောသို့ ရောက်၏-အာပေါဂတ၊ အစေးဖြစ်၏-သိနေဟ၊ အစေး၏အဖြစ်သို့ရောက်၏-သိနေဟဂတ၊ ရုပ်ကို ဖွဲ့စည်း၏-ရူပဗန္ဓနတ္တ၊ အပသန္တာန်၌ ဖြစ်၏ ဗဟိဒ္ဓ၊ ခန္ဓာကိုယ်ကို စွဲ၍ မဖြစ် အနုပါဒိဏ္ဏ။ ဤဆိုခဲ့ပြီးသော သဘောကို အပသန္တာန်၌ဖြစ်သော ဗာဟိရအာပေါဓာတ်ဟု ဆိုအပ်၏။
အကြင် အတွင်းသန္တာန်၌ဖြစ်သော အဇ္ဈတ္တအာပေါဓာတ်သည်လည်းကောင်း၊ အကြင် အပသန္တာန်၌ဖြစ်သော ဗာဟိရအာပေါဓာတ်သည်လည်းကောင်း ရှိ၏၊ ထိုအာပေါဓာတ်ကို တစ်ပေါင်းတည်းပြု၍ ရုံးစု၍ အကျဉ်းချုံး၍ ပြသော ဤဆိုခဲ့ပြီးသော သဘောကို အာပေါဓာတ်ဟု ဆိုအပ်၏။
၃။ တေဇောဓာတ်
ထိုဓာတ် ခြောက်ပါးတို့တွင် အဘယ်သည် မီးဟူသော အမည်ပညတ်ဖြင့် ခေါ်ဝေါ်မှတ်သားအပ်သည့် ရင့်ကျက်စေမှု-ပရိပါစန သဘောဖြစ်သော မီးဓာတ် တေဇောဓာတ် မည်သနည်း။
ဤတေဇောဓာတ်သည် နှစ်ပါးတို့တည်း၊ အတွင့်သန္တာန်၌ဖြစ်သော အဇ္ဈတ္တတေဇောဓာတ်သည် ရှိ၏၊ အပသန္တာန်၌ဖြစ်သော ဗာဟိရတေဇောဓာတ်သည် ရှိ၏။
(က) အဇ္ဈတ္တတေဇောဓာတ်
ထိုတေဇောဓာတ် နှစ်ပါးတို့တွင် အဘယ်သည် အတွင်းသန္တာန်၌ဖြစ်သော အဇ္ဈတ္တတေဇောဓာတ် မည်သနည်း။
အကြင် မီးဟူသော အမည်ပညတ်ဖြင့် ခေါ်ဝေါ် သတ်မှတ်အပ်သည့် ရင့်ကျက်စေမှု-ပရိပါစန သဘောဖြစ်သော မီးဓာတ်သဘော တေဇောဓာတ်သည် အတွင်းသန္တာန်၌ ဖြစ်၏-အဇ္ဈတ္တ၊ ကိုယ်ကို စွဲ၍ဖြစ်၏-ပစ္စတ္တံ၊ အတွင်းသန္တာန်၌ဖြစ်သော ခန္ဓာကိုယ်ကို စွဲ၍ဖြစ်သော တေဇောဓာတ်သည် လောင်ကျွမ်း ရင့်ကျက်စေခြင်း သဘောဖြစ်၏-တေဇော၊ လောင်ကျွမ်း ရင့်ကျက်စေသော သဘောသို့ရောက်၏-တေဇောဂတ၊ အပူငွေ့ဖြစ်၏-ဥသ္မာ၊ အပူငွေ့ အဖြစ်သို့ရောက်၏ ဥသ္မာဂတ၊ ပြင်းထန်ကြမ်းတမ်းသော အပူငွေ့ ဖြစ်၏ ဥသုမ၊ ပြင်းထန်ကြမ်းတမ်းသော အပူငွေ့ အဖြစ်သို့ ရောက်၏ ဥသုမဂတ၊ အတွင်းသန္တာန်၌ဖြစ်၏ အဇ္ဈတ္တ၊ ခန္ဓာကိုယ်ကို စွဲ၍ဖြစ်၏ ဥပါဒိဏ္ဏ။
ဤအဇ္ဈတ္တတေဇောဓာတ်ဟူသည် အဘယ်အရာတို့နည်း။ အကြင် တေဇောဓာတ်ဖြင့်လည်း ပူလောင်၏-သန္တပ္ပတိ(သန္တပ္ပနတေဇော)၊ အကြင် တေဇောဓာတ်ဖြင့်လည်း ဆွေးမြေ့ရင့်ရော်၏-ဇိရီယတိ(ဇိရဏတေဇော)၊ အကြင် တေဇောဓာတ်ဖြင့်လည်း လောင်ကျွမ်း၏-ပရိဍယှတိ(ဒဟတေဇော)၊ စားအပ် သောက်အပ် ခဲအပ် လျက်အပ်သော အစာသည် အကြင်တေဇောဓာတ်ဖြင့်လည်း ကောင်းစွာ ကြေခြင်းသို့ ရောက်၏-ပရိဏာမံ ဂစ္ဆတိ(ပါစကတေဇော) ဤသည်တို့တည်း။
ဤပြဆိုခဲ့ပြီးသော အဇ္ဈတ္တတေဇောဓာတ်တို့မှ တစ်ပါးလည်းဖြစ်သော အကြင်တေဇောဓာတ်သည် ရှိသေး၏၊ အတွင်းသန္တာန်၌ ဖြစ်၏-အဇ္ဈတ္တ၊ ကိုယ်ကို စွဲ၍ဖြစ်၏-ပစ္စတ္တံ၊ အတွင်းသန္တာန်၌ဖြစ်သော ခန္ဓာကိုယ်ကို စွဲ၍ဖြစ်သော တေဇောဓာတ်သည် လောင်ကျွမ်း ရင့်ကျက်စေခြင်း သဘောဖြစ်၏-တေဇော၊ လောင်ကျွမ်း ရင့်ကျက်စေသော သဘောသို့ရောက်၏-တေဇောဂတ၊ အပူငွေ့ဖြစ်၏-ဥသ္မာ၊ အပူငွေ့ အဖြစ်သို့ရောက်၏ ဥသ္မာဂတ၊ ပြင်းထန်ကြမ်းတမ်းသော အပူငွေ့ ဖြစ်၏-ဥသုမ၊ ပြင်းထန်ကြမ်းတမ်းသော အပူငွေ့ အဖြစ်သို့ ရောက်၏-ဥသုမဂတ၊ အတွင်းသန္တာန်၌ဖြစ်၏-အဇ္ဈတ္တ၊ ခန္ဓာကိုယ်ကို စွဲ၍ဖြစ်၏-ဥပါဒိဏ္ဏ ဤဆိုခဲ့ပြီးသော သဘောကို အတွင်းသန္တာန်၌ဖြစ်သော အဇ္ဈတ္တတေဇောဓာတ် ဟုဆိုအပ်၏။
(ခ) ဗာဟိရတေဇောဓာတ်
ထိုတေဇောဓာတ် နှစ်ပါးတို့တွင် အဘယ်သည် အပသန္တာန်၌ ဖြစ်သော ဗာဟိတေဇောဓာတ်မည် သနည်း။
အကြင် တေဇောဓာတ်သည် အပသန္တာန်၌ ဖြစ်၏-ဗာဟိရံ၊ လောင်ကျွမ်း ရင့်ကျက်စေသော သဘောဖြစ်၏-တေဇော၊ လောင်ကျွမ်း ရင့်ကျက်စေသော သဘောသို့ ရောက်၏ တေဇောဂတ၊ အပူငွေ့ဖြစ်၏ ဥသ္မာ၊ အပူငွေ့ အဖြစ်သို့ ရောက်၏-ဥသ္မာဂတ၊ ပြင်းထန်ကြမ်းတမ်းသော အပူငွေ့ဖြစ်၏-ဥသုမ၊ ပြင်းထန်ကြမ်းတမ်းသော အပူငွေ့ အဖြစ်သို့ရောက်၏ ဥသုမဂတ၊ အပသန္တာန်၌ ဖြစ်၏ ဗဟိဒ္ဓ၊ ခန္ဓာကိုယ်ကို စွဲ၍မဖြစ် အနုပါဒိဏ္ဏ။
ဤဗာဟိရတေဇောဓာတ်ဟူသည် အဘယ်အရာတို့နည်း။
ကဋ္ဌဂ္ဂိ-ထင်းမီး၊ ပလာသဂ္ဂိ-ကောက်ရိုးမီး၊ တိဏဂ္ဂိ-မြက်မီး၊ ဂေါမယဂ္ဂိ-နွးချေးမီး၊ ထုသဂ္ဂိ-ဖွဲမီး၊ သင်္ကာရဂ္ဂိ-အမှိုက်မီး၊ ဣန္ဒဂ္ဂိ-မိုးကြိုးလောင်မီး၊ အဂ္ဂိသန္တာပ-မီးလျှံ မီးကျီးခဲအပူ၊ သူရိယသန္တာပ-နေပူ၊ ကဋ္ဌသန္နိစယသန္တာပ-ထင်းပုံ၌ဖြစ်သော အပူ၊ တိဏသန္နိစယသန္တာပ-မြက်ပုံ၌ဖြစ်သော အပူ၊ ဓညသန္နိစယသန္တာပ-စပါးပုံ၌ဖြစ်သော အပူ(စပါးငွေ့)၊ ဘဏ္ဍသန္နိစယသန္တာပ-ဥစ္စာပုံ၌ဖြစ်သော အပူ ဤသည်တို့တည်း။
ဤပြဆိုခဲ့ပြီးသော တေဇောဓာတ်မှ တစ်ပါးလည်းဖြစ်သော အကြင် တေဇောဓာတ်သည် ရှိသေး၏၊ အပသန္တာန်၌ ဖြစ်၏-ဗာဟိရံ၊ လောင်ကျွမ်း ရင့်ကျက်စေသော သဘောဖြစ်၏-တေဇော၊ လောင်ကျွမ်း ရင့်ကျက်စေသော သဘောသို့ ရောက်၏ တေဇောဂတ၊ အပူငွေ့ဖြစ်၏ ဥသ္မာ၊ အပူငွေ့ အဖြစ်သို့ ရောက်၏-ဥသ္မာဂတ၊ ပြင်းထန်ကြမ်းတမ်းသော အပူငွေ့ဖြစ်၏-ဥသုမ၊ ပြင်းထန်ကြမ်းတမ်းသော အပူငွေ့ အဖြစ်သို့ရောက်၏ ဥသုမဂတ၊ အပသန္တာန်၌ ဖြစ်၏ ဗဟိဒ္ဓ၊ ခန္ဓာကိုယ်ကို စွဲ၍မဖြစ် အနုပါဒိဏ္ဏ။
ဤဆိုခဲ့ပြီးသော သဘောကို အပသန္တာန်၌ဖြစ်သော ဗာဟိရတေဇောဓာတ်ဟု ဆိုအပ်၏။ အကြင် အတွင်းသန္တာန်၌ဖြစ်သော အဇ္ဈတ္တတေဇောဓာတ်သည်လည်းကောင်း၊ အကြင် အပသန္တာန်၌ဖြစ်သော ဗာဟိရတေဇောဓာတ်သည်လည်းကောင်း ရှိ၏၊ ထိုတေဇောဓာတ်ကို တစ်ပေါင်းတည်းပြု၍ ရုံးစု၍ အကျဉ်းချုံး၍ ပြသော ဤဆိုခဲ့ပြီးသော သဘောကို မီးဟူသော အမည်ပညတ်ဖြင့် ခေါ်ဝေါ်သတ်မှတ်အပ်သည့် ရင့်ကျက်စေမှု-ပရိပါစန သဘောဖြစ်သော မီးဓာတ် တေဇောဓာတ်ဟု ဆိုအပ်၏။
၎။ ၀ါယောဓာတ်
ထိုခြောက်ပါးတို့တွင့် အဘယ်သည် လေဟူသော အမည် ပညတ်ဖြင့်ခေါ်ဝေါ် သတ်မှတ်အပ်သည့် ထောက်ကန် လှုပ်ရှားခြင်း သဘောဖြစ်သော လေဓာတ် ၀ါယောဓာတ် မည်သနည်း။
ဤ၀ါယောဓာတ်သည် နှစ်ပါးတို့တည်း၊ အတွင်းသန္တာန်၌ဖြစ်သော အဇ္ဈတ္တ၀ါယောဓာတ်သည် ရှိ၏၊ အပသန္တာန်၌ဖြစ်သော ဗာဟိရ၀ါယောဓာတ်သည် ရှိ၏။
(က) အဇ္ဈတ္တ၀ါယောဓာတ်
ထိုဝါယောဓာတ် နှစ်ပါးတို့တွင့် အဘယ်သည် အတွင်းသန္တာန်၌ဖြစ်သော အဇ္ဈတ္တ၀ါယောဓာတ် မည်းသနည်း။
အကြင် ၀ါယောဓာတ်သည် အတွင်းသန္တာန်၌ဖြစ်၏-အဇ္ဈတ္တ၊ ကိုယ်ကိုစွဲ၍ ဖြစ်၏-ပစ္စတ္တံ၊ အတွင်းသန္တာန်၌ဖြစ်သော ခန္ဓာကိုယ်ကို စွဲ၍ဖြစ်သော ၀ါယောဓာတ်သည် လှုပ်ရှားမှုသဘောဖြစ်၏-၀ါယော၊ လှုပ်ရှားမှုသဘောသို့ ရောက်၏-၀ါယောဂတ၊ ရုပ်ကို တွန်းကန်ခြင်းသဘောဖြစ်၏- ရူပထမ္ဘိတတ္တံ၊ အတွင်းသန္တာန်၌ ဖြစ်၏-အဇ္ဈတ္တံ၊ ခန္ဓာကိုယ်ကို စွဲ၍ဖြစ်၏-ဥပါဒိဏ္ဏ။
အဇ္ဈတ္တ၀ါယောဓာတ် ၁၀-ပါး
ဤအဇ္ဈတ္တ၀ါယောဓာတ်ဟူသည် အဘယ်အရာတို့နည်း။
အထက်သို့ ဆန်သောလေ-ဥဒ္ဓင်္ဂမ၀ါတ၊ အောက်သို့ စုန်သောလေ-အဓောဂမ၀ါတ၊ ၀မ်း၌ တည်သောလေ-ကုစ္ဆိသယ၀ါတ၊ အူ၌ တည်သောလေ-ကောဋ္ဌာသယ၀ါတ၊ ကိုယ်အင်္ဂါကြီးငယ်သို့ လျှောက်သော လေ-အင်္ဂမင်္ဂါနုသာရီဝါတ၊ ဓားငယ်ကဲ့သို့ ဖြတ်တတ်သောလေ(ပါးရွဲ့ခြင်း ခြေတစ်ဖက် သေသွားခြင်းတည်းဟူသော ကိုယ်လက်အင်္ဂါစသည်တို့ ရွဲ့စောင်းသွားအောင် မလှုပ်နိုင်အောင် ဖြတ်သောလေ)-သတ္ထက၀ါတ၊ သင်တုန်းဓားကဲ့သို့ နှလုံးသားကို ခွဲသောလေ(လေသင်တုန်း)-ခုရက၀ါတ၊ နှလုံးသားကို ဆွဲထုတ်သောလေ-ဥပ္ပလက၀ါတ၊ ၀င်သက်လေ-အဿာသ၊ ထွက်သေလေ-ပဿာသ၊ ဤသည်တို့တည်း။
ဤပြဆိုခဲ့ပြီးသော ၀ါယောဓာတ် ဆယ်ပါးတို့မှ တစ်ပါးလည်းဖြစ်သော အကြင် ၀ါယောဓာတ်သည်လည်း ရှိသေး၏။ အတွင်းသန္တာန်၌ဖြစ်၏-အဇ္ဈတ္တ၊ ကိုယ်ကိုစွဲ၍ ဖြစ်၏-ပစ္စတ္တံ၊ အတွင်းသန္တာန်၌ဖြစ်သော ခန္ဓာကိုယ်ကို စွဲ၍ဖြစ်သော ၀ါယောဓာတ်သည် လှုပ်ရှားမှုသဘောဖြစ်၏-၀ါယော၊ လှုပ်ရှားမှုသဘောသို့ ရောက်၏-၀ါယောဂတ၊ ရုပ်ကို တွန်းကန်ခြင်းသဘောဖြစ်၏- ရူပထမ္ဘိတတ္တံ၊ အတွင်းသန္တာန်၌ ဖြစ်၏-အဇ္ဈတ္တံ၊ ခန္ဓာကိုယ်ကို စွဲ၍ဖြစ်၏-ဥပါဒိဏ္ဏ။
ဤဆိုခဲ့ပြီးသော သဘောကို အတွင်းသန္တာန်၌ဖြစ်သော အဇ္ဈတ္တ၀ါယောဓာတ်ဟု ဆိုအပ်၏။
မှတ်ချက်။ ။ ကောဋ္ဌာသ ၄၂-ပါးရေတွက်ရာ၌ အဇ္ဈတ္တ၀ါယော ၆-မျိုးသာ ရှိသည်။ သတ္ထက၀ါတ ခုရက၀ါတ ဥပ္ပလက၀ါတ ဤ ၃-ပါး မပါချေ။ ထို့ပြင် အဿာသ ပဿာသတို့ကို ပေါင်း၍ ၁-ပါးဟု ရေတွက်ရသည်။
(ခ) ဗာဟိရ၀ါယောဓာတ်
ထိုဝါယောဓာတ် နှစ်ပါးတို့တွင် အဘယ်သည် အပသန္တာန်၌ဖြစ်သော ဗာဟိရ၀ါယောဓာတ် မည်သနည်း။
အကြင် ၀ါယောဓာတ်သည် အပသန္တာန်၌ ဖြစ်၏-ဗာဟိရံ၊ လှုပ်ရှားမှုသဘောဖြစ်၏-၀ါယော၊ လှုပ်ရှားမှုသဘောသို့ ရောက်၏-၀ါယောဂတ၊ ရုပ်ကို တွန်းကန်ခြင်းသဘောဖြစ်၏- ရူပထမ္ဘိတတ္တံ၊ အပသန္တာန်၌ဖြစ်၏-ဗဟိဒ္ဓ၊ ခန္ဓာကိုယ်ကိုစွဲ၍ မဖြစ် အနုပါဒိဏ္ဏ။
ဤဗာဟိရ၀ါယောဓာတ်ဟူသည် အဘယ်အရာတို့နည်း။
အရှေ့လေ-ပုရတ္ထိမ၀ါတ၊ အနောက်လေ-ပစ္ဆိမ၀ါတ၊ မြောက်လေ-ဥတ္တရ၀ါတ၊ တောင်လေ-ဒက္ခိဏ၀ါတ၊ မြူပါသောလေ-သရဇ၀ါတ၊ မြူမပါသောလေ-အရဇ၀ါတ၊ လေအေး-သီတ၀ါတ၊ လေပူ-ဥဏှဝါတ၊ လေညှင်း-ပရိတ္တ၀ါတ၊ လေပြင်း(လေကြမ်း)-အဓိမတ္တ၀ါတ၊ လေမည်း(လေမုန်တိုင်း)-ကာဠ၀ါတ၊ ယူဇနာအထက် ကောင်းကင်၌ တိုက်ခတ်နေသည့် အလွန်ထက်မြက်သော လေကြမ်း-ဝေရမ္ဘ၀ါတ၊ အတောင်ခတ်လေ ပက္ခ၀ါတ၊ ဂဠုံတောင်ခတ်လေ-သုပဏ္ဏ၀ါတ၊ ထမ်းရွက်ယပ်လေ-တာလ၀ဏ္ဋ၀ါတ၊ နှီးယပ်လေ-၀ိဓူပန၀ါတ၊ ဤသည်တို့တည်း။
ဤပြဆိုခဲ့ပြီးသော ဗာဟိရ၀ါယောဓာတ် ၁၀-ပါးတို့မှ တစ်ပါးလည်းဖြစ်သော အကြင် ၀ါယောဓာတ်သည်လည်း ရှိသေး၏။ အပသန္တာန်၌ ဖြစ်၏-ဗာဟိရံ၊ လှုပ်ရှားမှုသဘောဖြစ်၏-၀ါယော၊ လှုပ်ရှားမှုသဘောသို့ ရောက်၏-၀ါယောဂတ၊ ရုပ်ကို တွန်းကန်ခြင်းသဘောဖြစ်၏- ရူပထမ္ဘိတတ္တံ၊ အပသန္တာန်၌ဖြစ်၏-ဗဟိဒ္ဓ၊ ခန္ဓာကိုယ်ကိုစွဲ၍ မဖြစ် အနုပါဒိဏ္ဏ။
ဤဆိုခဲ့ပြီးသော သဘောကို အပသန္တာန်၌ဖြစ်သော ဗာဟိရ၀ါယောဓာတ်ဟု ဆိုအပ်၏။
၅။ အာကာသဓာတ်
ထိုဓာတ် ခြောက်ပါးတို့တွင် အဘယ်သည် ရေးခြစ်၍ မရအပ် မတွေ့ထိအပ်သော သဘော (ရုပ်တစ်ခုနှင့် တစ်ခု ပိုင်းခြားမှု ဟင်းလင်းသဘော) အာကာသဓာတ်မည်သနည်း။
ဤအာသဓာတ်သည် နှစ်ပါးတို့တည်း၊ အတွင်းသန္တာန်၌ဖြစ်သော အဇ္ဈတ္တအာကာသဓာတ်သည် ရှိ၏၊ အပသန္တာန်၌ဖြစ်သော ဗာဟိရအာကာသဓာတ်သည် ရှိ၏။
(က) အဇ္ဈတ္တအာကာသဓာတ်
ထိုအာကာသဓာတ်နှစ်ပါးတို့တွင် အဘယ်သည် အတွင်းသန္တာန်၌ဖြစ်သော အဇ္ဈတ္တအာကာသဓာတ် မည်သနည်း။
အကြင် အာကာသဓာတ်သည် အတွင်းသန္တာန်၌ ဖြစ်၏-အဇ္ဈတ္တံ၊ ကိုယ်ကို စွဲ၍ ဖြစ်၏-ပစ္စတ္တံ၊ ရေးဖြစ်၍ မရအပ်သော သဘော ကောင်းကင်ပြင် ဖြစ်၏-အကာသ၊ ရေးဖြစ်၍ မရအပ်သော သဘောသို့ ရောက်၏-အာကာသဂတ၊ ထိခိုက်၍ မရသောသဘော (တွေ့ထိ၍ မရသော သဘော) ဖြစ်၏-အဃ၊ ထိခိုက်၍ မရသောသဘောအဖြစ်သို့ ရောက်၏-အဃဂတ၊ ဟင်းလင်းပေါက် ဖြစ်၏-၀ိဝရ၊ ဟင်းလင်းပေါက်အဖြစ်သို့ ရောက်၏-၀ိဝရဂတ၊ အသားအသွေးတို့နှင့် တွေ့ထိ၍မရသော သဘော (ဟင်းလင်းပြင်) ဖြစ်၏-မံသလောဟိတအသမ္ဇုဋ္ဌ၊ အတွင်းသန္တာန်၌ ဖြစ်၏-အဇ္ဈတ္တ၊ ခန္ဓာကိုယ်ကို စွဲ၍ ဖြစ်၏ ဥပါဒိဏ္ဏ။
ဤအဇ္ဈတ္တအာကာသဓာတ်ဟူသည် အဘယ်အရာတို့နည်း။
နားပေါက်-ကဏ္ဏစ္ဆိဒ္ဒ၊ နှာခေါင်းပေါက်-နာသစ္ဆိဒ္ဒ၊ ခံတွင်းပေါက်-မုခဒွါရ၊ အကြင် ခံတွင်းပေါက်ဖြင့်လည်း စားအပ်သော အစာ, သောက်အပ်သော အစာ, ခဲအပ်သော အစာ, လျက်အပ်သော အစာကို မျို၏ (မျိုသွင်းသော လည်းပင်းပေါက်)၊ အကြင် အရပ်၌လည်း စားအပ်သော အစာ, သောက်အပ်သော အစာ, ခဲအပ်သော အစာ, လျက်အပ်သော အစာသည် တည်၏ (၀မ်းခေါင်းပေါက် အစာအိမ်)၊ အကြင် ဒွါရပေါက်ဖြင့်လည်း စားအပ်သော အစာ, သောအပ်သော အစာ, ခဲအပ်သော အစာ, လျက်အပ်သော အစာသည် အောက် အဖို့သို့ ထွက်၏ (ကျင်ကြီးကျင်ငယ် ထွက်ရာအပေါက်များ)။
ဤဆိုခဲ့ပြီးသော အဇ္ဈတ္တအာကာသဓာတ်တို့မှ တစ်ပါးလည်းဖြစ်သော အကြင် အဇ္ဈတ္တအာကာသဓာတ်သည် ရှိသေး၏၊ အတွင်းသန္တာန်၌ ဖြစ်၏-အဇ္ဈတ္တံ၊ ကိုယ်ကို စွဲ၍ ဖြစ်၏-ပစ္စတ္တံ၊ ရေးဖြစ်၍ မရအပ်သော သဘော ကောင်းကင်ပြင် ဖြစ်၏-အကာသ၊ ရေးဖြစ်၍ မရအပ်သော သဘောသို့ ရောက်၏-အာကာသဂတ၊ ထိခိုက်၍ မရသောသဘော (တွေ့ထိ၍ မရသော သဘော) ဖြစ်၏-အဃ၊ ထိခိုက်၍ မရသောသဘောအဖြစ်သို့ ရောက်၏-အဃဂတ၊ ဟင်းလင်းပေါက် ဖြစ်၏-၀ိဝရ၊ ဟင်းလင်းပေါက်အဖြစ်သို့ ရောက်၏-၀ိဝရဂတ၊ အသားအသွေးတို့နှင့် တွေ့ထိ၍မရသော သဘော (ဟင်းလင်းပြင်) ဖြစ်၏-မံသလောဟိတအသမ္ဇုဋ္ဌ၊ အတွင်းသန္တာန်၌ ဖြစ်၏-အဇ္ဈတ္တ၊ ခန္ဓာကိုယ်ကို စွဲ၍ ဖြစ်၏ ဥပါဒိဏ္ဏ။
ဤဆိုခဲ့ပြီးသော သဘောကို အတွင်းသန္တာန်၌ဖြစ်သော အဇ္ဈတ္တအကာသဓာတ်ဟု ဆိုအပ်၏။
(ခ) ဗာဟိရ အာကာသဓာတ်
ထိုအာကာသဓာတ် နှစ်ပါးတို့တွင် အဘယ်သည် အပသန္တာန်၌ ဖြစ်သော ဗာဟိရအာကာဓာတ် မည်းသနည်း။
အကြင် အာကာဓာတ်သည် အပသန္တာန်၌ ဖြစ်၏-ဗာဟိရ၊ ရေးခြင်၍ မရအပ်သော သဘော ကောင်းကင်ပြင် ဖြစ်၏-အာကာသ၊ ရေးခြစ်၍ မရအပ်သော သဘောသို့ ရောက်၏-အာကာသဂတ၊ ထိခိုက်၍ မရသော (တွေ့ထိ၍ မရသော) သဘောဖြစ်၏-အဃ၊ ထိခိုက်၍ မရသော သဘောအဖြစ်သို့ ရောက်၏-အဃဂတ၊ ဟင်းလင်းပေါက်ဖြစ်၏-၀ိဝရ၊ ဟင်းလင်းပေါက် အဖြစ်သို့ ရောက်၏-၀ိဝရဂတ၊ မဟာဘုတ်လေးပါးတို့နှင့် တွေ့ထိ၍ မရသော သဘောဖြစ်၏-စတုမဟာဘူတအသမ္ဇုဋ္ဌ၊ အပသန္တာန်၌ဖြစ်၏-ဗဟိဒ္ဓ၊ ခန္ဓာကိုယ်ကိုစွဲ၍ မဖြစ်-အနုပါဒိဏ္ဏ။
ဤဆိုခဲ့ပြီးသော သဘောကို အပသန္တာန်၌ဖြစ်သော ဗာဟိရအာကာသဓာတ် ဟုဆိုအပ်၏၊ အကြင် အတွင်းသန္တာန်၌ဖြစ်သော အဇ္ဈတ္တအာကာသဓာတ်သည်လည်းကောင်း, အကြင် အပသန္တာန်၌ဖြစ်သော ဗာဟိရအာကာသဓာတ်သည်လည်းကောင်း ရှိ၏၊ ထိုအာကာသဓာတ်ကို တစ်ပေါင်းတည်းပြု၍ ရုံးစု၍ အကျဉ်းချုံး၍ ပြသော ဤဆိုခဲ့ပြီးသော သဘောကို အာကာသဓာတ်ဟု ဆိုအပ်၏။
၆။ ၀ိညာဏဓာတ်
ထိုဓာတ် ခြောက်ပါးတို့တွင် အဘယ်သည် သိမှုသဘော ၀ိညာဏဓာတ် မည်သနည်း။
မြင်သိစိတ်သဘာဝ စက္ခုဝိညာဏဓာတ်၊ ကြားသိစိတ်သဘာဝ သောတ၀ိညာဏဓာတ်၊ နံသိစိတ်သဘာဝ ဃာန၀ိညာဏဓာတ်၊ လျက်(စား)သိစိတ်သဘာဝ ဇိဝှါဝိညာဏဓာတ်၊ ထိသိစိတ်သဘာဝ ကာယ၀ိညာဏဓာတ်၊ ကြံသိစိတ်သဘာဝ မနောဝိညာဏဓာတ် ဤသည်တို့တည်း။
ဤဆိုခဲ့ပြီးသော သဘောကို သိမှုသဘော ၀ိညာဏဓာတ်ဟု ဆိုအပ်၏။ ဤသည်တို့ကား ဓာတ်ခြောက်ပါးတို့တည်း။
ယာ စေ၀ ခေါ ပန အဇ္ဈတ္တိကာ ပထ၀ီဓာတု ယာ စ ဗဟိရာ ပထ၀ီဓာတု ပထ၀ီဓာတုရေဝေသာ။ တံ နေတံ မမ၊ နေသောဟမသ္မိ၊ နမေသော အတ္တာ တိ ဧ၀မေတံ ယထာဘူတံ သမ္မပ္ပညာယ ဒဋ္ဌဗ္ဗံ။ ဧ၀မေတံ ယထာဘူတံ သမ္မပ္ပညာယ ဒိသွာ (ပဇ္ဈိမပဏ္ဏာသပါဠိ-ဘိက္ခုဝဂ်-မဟာရာဟုလောဝါဒသုတ်)
အမှန်အားဖြင့် အကြင် အဇ္ဈတ္တသန္တာန်၌ ဖြစ်သော ပထ၀ီဓာတ်သည်လည်းကောင်း၊ အကြင် ဗဟိဒ္ဓသန္တာန် ဖြစ်သော ပထ၀ီဓာတ်သည်လည်းကောင်း ရှိ၏၊ ထိုအလုံးစုံသော ပထ၀ီဓာတ်သည် ပထ၀ီချင်း တူသည်သာတည်း။ ထိုအလုံးစုံသော ပထ၀ီဓာတ်သည် ငါပိုင် ဥစ္စာ မဟုတ်၊ ထိုပထ၀ီဓာတ်သည် ငါမဟုတ်၊ ထိုပထ၀ီဓာတ်သည် ငါ၏ ကိုယ် အတ္တ မဟုတ်ဟူ၍ ဤသို့ ထိုနှစ်ပါးသော ပထ၀ီဓာတ်ကို မဖောက်မပြန် ဟုတ်မှန်သည့်အတိုင်း ကောင်းစွာ ၀ိပဿနာဉာဏ်ဖြင့် ရှုအပ်၏၊ ဤသို့ ထိုပထ၀ီဓာတ်ကို မဖောက်မပြန် ဟုတ်မှန်သောအတိုင်း ကောင်းစွာ ၀ိပဿနာဉာဏ်ဖြင့် ရှုလတ်သော် – – –
ပထ၀ီဓာတုယာပိ နိဗ္ဗန္ဒတိ။ (အာပေါဓာတုယာပိ နိဗ္ဗန္ဒတိ။ တေဇောဓာတုယာပိ နိဗ္ဗန္ဒတိ။ ၀ါယောဓာတုယာပိ နိဗ္ဗန္ဒတိ။ အာကာသဓာတုယာပိ နိဗ္ဗန္ဒတိ။ ၀ိညာဏဓာတုယာပိ နိဗ္ဗန္ဒတိ။)
နိဗ္ဗိန္ဒံ ၀ိရဇ္ဇတိ ၀ိရာဂါ ၀ိမုစ္စတိ ၀ိမုတ္တသ္မိံ ၀ိမုတ္တမိတိ ဉာဏံ ဟောတိ။ ခီဏာ ဇာတိ ၀ုသိတံ ဗြဟ္မစရိယံ ကတံ ကရဏီယံ နာပရံ ဣတ္ထတ္တာယာတိ ပဇာနာတိ။ (နိဒါန၀ဂ္ဂပါဠိ-ရာဟုလသံယုတ်-ဓာတုသုတ်)
ပထ၀ီဓာတ်၌လည်း ငြီးငွေ့၏။ အာပေါဓာတ်၌လည်း ငြီးငွေ့၏။ တေဇောဓာတ်၌လည်း ငြီးငွေ့၏။ ၀ါယောဓာတ်၌လည်း ငြီးငွေ့၏။ အာကာသဓာတ်၌လည်း ငြီးငွေ့၏။ ၀ိညာဏဓာတ်၌လည်း ငြီးငွေ့၏။ ငြီးငွေ့သည်ရှိသော် တပ်ခြင်းကင်၏၊ တပ်ခြင်းကင်းသည်ရှိသော် ကိလေသာမှ လွတ်မြောက်၏၊ ကိလေသာမှ လွတ်မြောက်သည်ရှိသော် လွတ်မြောက်ပြီဟူသော အသိဉာဏ် ဖြစ်၏။ ပဋိသန္ဓေနေမှု ကုန်ပြီ၊ မြတ်သော အကျင့်ကို ကျင့်သုံးပြီးပြီ၊ ပြုဖွယ်ကိစ္စကို ပြုပြီးပြီ၊ အရဟတ္တဖိုလ်ဟူသော အကျိုးငှာ တစ်ဖန်ပြုဖွယ် မရှိတော့ပြီဟု သိ၏။
သဗ္ဗံ ရူပံ နေတံ မမ၊ နေသောဟမသ္မိ၊ န မေသော အတ္တာ။(ဒေနာပိ သညာပိ သင်္ခါရာပိ ၀ိညာဏမ္ပိ) ဧ၀မေတံ ယထာဘူတံ သမ္မပ္ပညာယ ဒိသွာ ရူပံ နိဗ္ဗိန္ဒတိ၊ ရူပံ စိတ္တံ ၀ိရဇ္ဇတိ ၀ိရာဂါ ၀ိမုစ္စတိ ၀ိမုတ္တသ္မိံ ၀ိမုတ္တမိတိ ဉာဏံ ဟောတိ။ ခီဏာ ဇာတိ ၀ုသိတံ ဗြဟ္မစရိယံ ကတံ ကရဏီယံ နာပရံ ဣတ္ထတ္တာယာတိ ပဇာနာတိ။
ပထ၀ီဓာတု (အာပေါဓာတု တေဇောဓာတု ၀ါယောဓာတု အာကာသဓာတု)နေတံ မမ၊ နေသောဟမသ္မိ၊ န မေသော အတ္တာ ဧ၀မေတံ ယထာဘူတံ သမ္မပ္ပညာယ ဒိသွာ ပထ၀ီဓာတုယာ နိဗ္ဗိန္ဒတိ၊ ပထ၀ီဓာတုယာ စိတ္တံ ၀ိရဇ္ဇတိ ၀ိရာဂါ ၀ိမုစ္စတိ ၀ိမုတ္တသ္မိံ ၀ိမုတ္တမိတိ ဉာဏံ ဟောတိ။ ခီဏာ ဇာတိ ၀ုသိတံ ဗြဟ္မစရိယံ ကတံ ကရဏီယံ နာပရံ ဣတ္ထတ္တာယာတိ ပဇာနာတိ။